Əziz Qadin.Netlilər! Bu gün ilk dəfə olaraq sizinlə öz əl işlərimi paylaşacam. İnşAllah bəyənərsiniz. Muncuqlardan düzəldilmiş aksessuarla bağlı ilk tanışlığım internetdəki video çarxla başladı. Elə o gündən boş vaxtlarımı buna sərf edirəm. Düzdür, çox təzə başlamışam, hardasa 3 ay olar, ya olmaz. Amma təəsüflər olsun ki, Bakıda istədiyim növdə olan muncuqları tapmaq mümkün deyil. Ona görə də muncuqların çoxunu tanışlardan yığmağa başlamışam və beləcə əlimdə artıq həm çoxlu sayda, həm də çox müxtəlif muncuqlar var. Amma çox qəribədir ki, özümə və qızıma hələ də heç birini düzəltməmişəm. Hədiyyə verdiklərim daha çoxluq təşkil edir. Sizə təqdim etdiklərim isə əl işlərimin bir qismidir, bəyənsəniz davamını da sizinlə paylaşaram. Əgər nəsə yeni bir fikiriniz, və ya məsləhətiniz varsa buyurun yazın, fikirləriniz mənə maraqlıdır. Əgər xanımlar sizlərdən kiminsə belə əl işləri varsa, mənimlə əlaqə saxlasın. Bir də, xanımlar, mən muncuq satılan 2 mağaza tanıyıram, əgər mən bildiklərimdən əlavə bilənlər varsa, zəhmət olmasa bunu bölüşsün.
Bu ilk əl işimdir, çox sadə olsa da mənə çox əzizdir.
Bunlar isə yeniyetmə qızlar tərəfindən çox sevilən adı şambala olan bilərzikdir. Təsəvvür edilməz dərəcədə bu bilərziklərə təlabat var.
Bunlar isə rusların dilindən desək "vozduşka" boyunbağılarıdır. Hazırlanması çox böyük hövsələ tələb edir.
Bənövşəyi rəngdə olan bu bilərziyi üç gün müddətinə hazırlamışam. Amma rənginə görə hələ də istifadə etməmişəm.
İnşAllah bəyənəcəksiniz, əziz xanımlar.
XƏBƏR LENTİ
- ŞƏRHLƏR