![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Nədir
Ey dünyadan razı olan
Üzündəki kədər nədir?
Səni üzülmüş görürəm
Çəkdiyin intizar nədir?
Nəfs səni alıb gedir
Şeytana əsir olmusan,
Puç dünyaya bağlanmısan
Dünyadan istəyin nədir?
Nə qədər sərvətin olsa,
İnan ki, heç nəyə dəyməz.
Qiyaməti yada salaq:
Oğul atanı tanımaz.
Allah Quran ayəsində
"Şeytana qul olma!" dedi.
Ayəni yalan sanırsan,
Səndəki o hünər nədir?
Allah əmr buyurubdur,
Dünyaya mehman olmusan.
Ömür boyu bu dünyada
Bircə diləkdən qorxmusan.
Dərdin gizlin yazıq insan,
Günahların aşkar olar,
Heç kim çatmaz köməyinə,
O pərişan halın nədir?
Ey Allahı diləməyən,
Dilək sənə nə zor oldu.
Allaha təslim olmayan,
Üzündəki qürur nədir?
Haqqı-divan ağır olar,
Məhkəmeyi-kübra qurular.
Bir-bir etdiyin sorular,
Turan, sənin qorxun nədir?
Haqqı görüb dərk edənlər,
Mürşidə tövbə edənlər,
İki dünya səadətinə
Sahib olsan, dərdin nədir?
Allahdan istəyin nədir?
Bayatılar
Əzizinəm, yalandır,
Bil ki, dünya yalandır.
Dünyaya bel bağlama,
Allah bizə qalandır.
Əzizinəm, Qurandır,
Quran bizə dərmandır.
Onu Allah yazıbdır,
İnsanlara fərmandır.
Əzizinəm, dağlarına,
Cənnətin bağlarına.
Allah izn veribdir
Düşmüşük sorağına.
Əzizinəm, şükrdür,
Bizə qalan zikrdir.
Allahdan ayrı düşsək,
Qazancımız zəqqumdur.
Əzizinəm, Allahdan,
Gəlişimiz Allahdan.
Bir gün geri dönərik
Verərik ona imtahan.
Əzizinəm, dostuna,
Heç vaxt durmaz qəsdinə.
Bizlərə düz yol seçib,
Can qurban beləsinə.
Əzizim, möminlərə,
Xəbər var möminlərə.
Allah onları seçib
Layiqlər Cənnətlərə.
Əzizim, yeddi namaz,
Mömin onsuz qalammaz,
Əgər onu etməsə,
Ürəyi sakit olmaz.
Əzizim Peyğmbərə (s.ə.v),
Salavat Peyğəmbərə (s.ə.v).
Yeddi kərə namaz da,
Sayqıdır Peyğəmbərə (s.ə.v).
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]