Ətrafımızda elə insanlar var ki, deyirlər vergilidirlər, biri deyir falçıdır, digəri ekstrasenslik edib insanları müalicə edir, insanların xəstəliklərini duya bilir, insan və əşyaların aurasını görürlər, digərləri cadu edir, və ya cadunun insanın üzərindən götürür, bir başqaları ağ magiya ilə, digərləri qara magiya ilə məşqul olur, bəziləri isə sadəcə demək olar ki, hər şeyi görməyi bacarır. Bu yazım da kartla, qəhvəylə fala baxanlardan deyil, həqiqətən nələrisə görüb, duya bilənlərdən olacaq. Bizə bu qəribə gələ bilər, bizə bu əlçatmaz görünə bilər. Bu hamısı ona görədir ki, əslində bu insanlar necə olur ki, belə şeyləri bacarırlar, biz isə yox, bu açar cavabı bilmirik. Amma bu yazını oxuduğunuzdan sonra, ola bilsin ki, sizə heç də bu məsələ qaranlıq gəlməyəcək.
Mövzunun adı “Üçüncü göz”dür. Nəyə görə üçüncü? Baxın. Bizim material olaraq görə bilməyimizi təmin edən 2 gözlərimiz var, yəni qaşlarımızın altında. Bu gözlərlə biz toxuna biləcək material şeyləri görə bilirik. Axı bizi əhatə edən şeylər hissiyyatlarımız kimi 2 yerə bölünür: toxunub hiss edə biləcəyimiz şeylər və sadəcə nifrət, sevgi kimi gözə görünə bilməyən şeylər. Eləcə də 2 gözümüz toxuna biləcək şeyləri görə bilir, “üçüncü göz” isə ancaq hiss edə biləcəyimiz şeyləri görə bilir. Deməli, biz hamımız eyniyik, biz hamımız paranormal bacarığa sahib ola bilərik. Sadəcə olaraq heç də hamımızda “üçüncü göz” fəaliyyət göstərə bilmir, o göz bağlı qalır. Buna da səbəb o ola bilər ki, uşaqlıqdan biz o gözün funksiyasından istifadə etməmişik. Bizi elə böyüdürlər, məktəbdə elə bilgilər verirlər ki, ancaq material olaraq qəbul edə biləcəyimiz şeylər üçün beynimiz işləyir. Amma alimlər sübut ediblər ki, insan beyninin ancaq 3%-i fəaliyyət göstərir, bəs o biri faizlər? Axı insan beyni çox şeyə qadirdir. Allah bizə çox qiymətli ağıl və beyin verib. Hisslər yatır, onların işləməsi üçün hər bir insanın qaşları arasında yerləşən “üçüncü gözü” çalışmalıdır. İndi açıqlayaq necə olur ki, bəzi insanlara belə deyək, görücülük bacarığı vergi ilə verilir? Birinə babasından keçir, birinə anasından və s. Elmi bu cür izah etmək olur ki, bu bacarıq insana gen ilə keçir. Necə ki, xanəndələr əsasən nəsillikcə musiqi ailəsindən olanlardan olurlar. Bu da eyni bir şeydir. Amma pianino çalmağı bacaran insandan fərqli olaraq, bunu bacarmayan istedadı olmasa da, yenə də pianino çalmağı uzun müddət çalışsa öyrənə bilər. Eyni cürə də paranormal bacarıqları istəyən insan “üçüncü gözünü” çalışdırmaqla, müəyyən çalışmaları yerinə yetirməklə fəaliyyətə sala bilər. Düzdür, birində bu alına bilər, digərində çox zəif alına bilər, bir başqasında isə alınmaya da bilər. Axı biz uşaqlıqdan işlətmədiyimiz funksiyanı sıfırdan işə salmaq istəyirik, bu da asan iş deyil. Bir növ insanlarda da necə olur ki, məsəlçün pianino çalmaq bacarığı yox idi, amma müəyyən güclü stress, və ya kliniki ölüm vasitəsilə onu bacarır, deməli, beyində hansısa yatmış sistem güclü təkan vasitəsilə oyanır, eləcənə bir çox insanlarda bu “üçüncü göz” təkan vasitəsilə açılıb, insanda görücülük qabiliyyətini işə salır. Sanki, TV çalışmırdı, başına yumruq vurduz və kanalı göstərdi. Eyni şeydir.
İndi gəlin baxaq görək “üçüncü göz” açılanda insanda nə kimi dəyişikliklər ola bilər.
Biz normal həyatla yaşayırıq, amma ətrafımızda o qədər şeylər var ki, adi gözlə görə bilmirik. Onun üçün maqların izah etdiyi kimi insanın iki gözü ilə “üçüncü göz”ü fikri olaraq sanki bir anlığa birləşdikdə beyinin bir başqa yatmış hissəsi fəaliyyət göstərir (tibbi olaraq rentgen vasitəsilə görmək olar) və bir başqa vaxtı görə bilmədiyimiz şeyləri görə bilirik, müəyyən zamanlara keçib olanları, ola biləcəkləri və olmuşları görə bilərik, güclü enerjimiz vasitəsilə hansısa hadisəyə, kiməsə təsir edə bilərik, müəyyən suallara cavab tapa bilərik, eşitməklə, görməklə, və ya hiss etməklə. Təsəvvürünüzə gətirin ki, bir kabinetdir və o kabinetdə çoxlu kompyuter var. Hamısı işləyir, hamısında da müəyyən proqramlar var, amma bəziləri internetə qoşulub, təbii ki, internetə qoşulan kompüterlərin imkanı daha çox olur, daha çox informasiya ona daxil olur. Eyni şeyi də insana aid etmək olar. Həyatın da “internetə qoşulmaq” kimi imkanları var. Sadəcə olaraq kompyuterlərdən biri VVLAN ilə qoşulur, digəri isə ancaq modemə şunur ilə qoşula bilər, digərləri isə heç internetə qoşulmamış qalırlar. Həyat da belədir. Necə ki, ruhumuz var, necə ki, bədənimiz var, eləcə də ruh ilə bədən birləşərək həyatın başqa bir imkanından istifadə edə bilib həyatın bir başqa təbəqəsinə daxil ola bilərlər, mənəvi olaraq mövcud olan təbəqəsinə.
Bəs nəyə görə görücülük dində günah hesab edilir?
Əgər hər bir insan görmək qabiliyyətini inkişaf elətdirə bilərsə, bunu bacarırsa, o zaman bu qabiliyyətdən necə istifadə etməyi də vacibdir. Yəni adi həyatımızda biz material olaraq yaxşı və pis işlər görmək seçimində oluruqsa, qeyri-material olaraq da yaxşı, və ya pis iş görə bilərik. Bu artıq bizim seçimimizdən asılıdır. Təbii ki, yaxşı işə əl atan alqışlanır, pis işə əl atan ən azından Allah tərəfindən cəzalandırılır. Ekstrasensor bacarığa malik insan bu bacarığından düzgün istifadə etməyib qara qüvvələrə qulluq edərsə, yəni cadugarlıq edib, gələcəyi araşdırıb və gələcəyi camaata söyləyirsə, təbii ki, günahdır. Günah da elə şeylər hesab edilir ki, başqalarına və özünə ziyan gətirir, Allahın qanunlarına zidd olur. Həyatda heç nə boş-boşuna deyil, həç nə təsadüfi deyil. Ona görə də Allah istəsəydi bu bacarığı bütün insanlardan götürərdi, amma fakt o faktdır ki, 6-cı hiss hamımızda var, bunu ancaq ateistlər kimi kor insanlar inkar edə bilər, birində yatmış, digərində yatmamış formada olur və burada heç də qeyri-adi heç nə yoxdur. Gələcəyin də hamısını insan görə bilməz, görə bilsəydi, Qiyamət gününün tarixini deyərdi. Amma o şeyə ki, Allah özü kod qoyub, heç kim o kodu aça bilməz. Qalan kodsuz şeyləri açmaq demək ki, olur. İnsanlar hamı eynidir, fərqli olan Allah, mələklər və seçilmiş insanlar olan imamlar və peyğəmbərlərdir.
Bu yazımda məqsəd ekstrasensor işlərin təbliğində deyil, nə qədər “kor” olduğumuzu anlatmaq, bu sahədə biliyimizin az olmasını bildirmək və görücülüyə sahib olanların heç də qeyri-adi insan olmadıqlarını çatdırmaq idi.
XƏBƏR LENTİ
- ŞƏRHLƏR