06.03.2016-15:30

• Digər

22 274

15

Valentina Bassi “Qaraçı qanı”nda Lus obrazını canlandırıdı. O, 13 noyabr 1972-ci ildə dünyaya gəlib. 169 sm boy, 50 kq çəkiyə malikdir.

Əqrəb bürcündəndir, ilk filminə 1991-ci ildə, son ekran işi isə 2013-cü ildə işıq üzü görüb. Çəkildiyi film və serialların ümumi sayı 31-dir.

Lus daha çox zəif xarakteri ilə bilinsə də, tamaşaçının yaddaşında Lasaro ilə birgə həyat qurmaq cəhdləri ilə qalıb. Amma onun cəhdləri elə cəhd olaraq da qalır, çox irəliyə gedə bilmir.

Serialın ən yumorstik obrazı sözsüz ki, Alibadır. Bir tərəfdən qızına macaralardan uzaq olmağı tösiyyə etsə də, özü adrenalinin tam ortasında olur hər zaman. Harada qalmaqal varsa, orda Aliba var. Amadorla İzabelin sevgisinə şiddətlə qarşı çıxsa da, sonunda o da təslim olur.

Beatris Anna Blum 1939-cu ilin 23 iyulunda dünyaya gəlib.

Karyerasına debütu 1964-cü ildə “Dumanlı hava “ filmi ilə olub. Daha sonra özünü rejissoru olduğu “Əlçatmaz qızılgül” serialını çəkir. Beatris 30 filmdə çəkilib. 1972-ci ildə mükafata laiq görülüb.

Gələcəkdə uğurlu işlərinə görə bu mükafatların sayı çox olacaqdı. Ümumiyyətlə, Beatrisin karyerasını uğurlu hesab etmək olar. Sonuncu serial işi 2011-ci ildə Romina Qaytani ilə olub. “Yerin varisləri” Serialında o Rominanın(Mersedes) anası rolunu oynayır.

Yasaq sevgi yaşayan obrazlardan biri də Mayte roludur. Aktirisa Mariya Solda bu rolun bütün həssaslğı ilə öhdəsindən gəlib. Düşmən ailə Amayaların kiçik oğlu Ninyo ilə bir-birlərini sevən Mayte zaman-zaman Lasaronun təziqinə məruz qalsa da axır qələbə çalan tərəf olur.

Mariya Solda 1 iyun 1977-ci ildə dünyaya gəlib. Mariyanın incə xarici görünüşü onun serial sayına da , aldığı mükafatların miqdarına da təsir edib. Belə ki, onların sayı xeyli çoxdur.

Antonio Qrimau “Qaraçı qanı”nda Xano obrazını canlandırır. Sevdiyi qıza görə yaxın dostu Lasaroya barışmaz düşmən olan Xano ondan intiqam almaq üçün hər vasitəyə əl atır. Bu vasitələr bəzən qeyri-bərabər, hiyləgərcəsinə olsa da. Xano daha çox öz şəxsi mənafeyinə görə hər şeyi, hər kəsi qurban verməyə hazır bir xarakter kimi təqdim olunub. Tamaşaçının rəğbətini qazanmasa da, sonda Amparo onun həbsxanadan çıxıb gəlməsini səbirsizliklə gözləyir. Bu məntiqlə, Xano sevgisi uğrunda mübarizə aparıb, gec də olsa qalib gələn tərəf olur.

Antonio 1944-cü ildə Argentinada dünyaya gəlib. 1974-2011-ci illər arası karyerasına 38 ekran işi daxildir. Evlidir, bir övladı var.

Xoakin Furelli ( Ninyo) 26 avqust 1974-cü il, Argentinada dünyaya gəlib. 

Ilk rolu 1995-ci ildə olub. 2012-ci ildə “Həyatımın kişisi” serialı hələki onun son serialıdır. Vətəndaş nigahi ilə yaşadığı sevgilisi ilə bir qızları var.

Luziana Brando serialda Amparo obrazı ilə yadda qalıb. Lasaro ilə öz uşaqları olmasa da, onun qardaşlarına və bacısına öz övladı kimi sevgi bəsləyib, xüsusən Maytenin hər zaman ana kimi arxasında durur.

Aktirisanın ilk rolu 1960-cı ildə olub. “Qaraçı qanı” onun son serialı olub. Görünür, aktirisa karyerasını zirvədə buraxmaq istəyib.

Və gəlib çatdıq serialın ən çox sevdiyim obrazına . Qəsdən sona saxladım ki , onun haqqında geniş söhbət aça bilim.

Xuan Dartes hansı serialda çəkilməsindən aslı olmayaraq hər zaman tamaşaçının rəğbətini qazanmışdır. Lakin Xosemi obrazı bir başqa təsir bağışlayıb serial sevənlərə.

Xosemi Moranı gördüyü ilk andan etibarən ona aşiq olur. Dəfələrlə onu bağışlayır, günahından keçir. Hər dəfə daha artıq ona bağlanır. Amadora qarşı bir zəifliyinin olduğunu bilsə də, bəzən görməzdən gəlir, bəzən cəzalandırır, hər dəfəsində düzələcəyinə ümid edir. Amma bir an belə olsun Moranı sevməkdən vaz keçmir.

Xuan Dartes, istedadlı və yaraşıqlı aktyor-müğənni 28 oktyabr 1964-cü ildə Braziliyada dünyaya gəlib. O, Argentinanın tanınmış aktirisası Leyla Dartelinin oğlu olub. Uşaqlıq və gənclik illərini Xuan Boyne-Aresdə keçirib, orada dram incəsənər fakültəsini bitirib. Onun soyadı anası və atasının soyadlarının birləşmiş formasıdır. Xuan idmanı, xüsusən də futbolu çox sevir. Eyni zamanda özünü ən sadiq fanat hesab edir. 2004-cü ildən bəri Karmen Leonla evlidir. Iki uşaqları var. Xuan əqrəb bürcündəndir.

1.80 sm boy, ideal çəkiyə malikdir. Daha çox dram, melodram, komediya janrda çəkilib. Ilk filmi 1982-cü ildə olub. Son ekran işi isə 2012-ci ildə işıq üzü görüb. Bu müddət ərzində 19 ekran işinə imza atıb. Onlardan daha çox baxımlıları bunlardır; “Şirin sevgi”, “Sevgidən danışarkən”, “Dayə”, “Lauranın sirri”, “Qaraçı qanı”, “Yoxsullar”, “Ehtiraslar”, “Dokdor Kuretanın klinikası”, “Yanlız adam” və s. “Qaraçı qanı” özünü möhtəşəm musiqiləri ilə də yaddaşlara hopub. 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Iceberg