17.05.2011-15:54

• Testlər

94 364

98

Əziz xanımlar,yəqin ki,belə bir suala cavab axtaranlar az olmayıb: "Yoldaşımla necə bir münasibət yaratmalıyam ki, ailəm sağlam bir ailə olsun?"

Ər arvad münasibətlərində də hislərinizi tam mənası ilə ifadə edə bilirsinizmi? Hislərin fərqinə varmaq və onları aydın şəkildə ifadə etmək, insan əlaqələrinin ən əhəmiyyətli ölçülərindən birini meydana gətirməkdədir. Hislərin fərqinə varmaq və onları uyğun şəkildə ifadə etmək müvəffəqiyyətli münasibətin təməlidir. Ər- arvad əlaqələrində duyğularını rahatlıqla ifadə edə bilirlərsə, uşaqlar da  bunu öyrənərək  həyat boyu müvəffəqiyyətli bir insan olurlar.
Aranızda fərqliliklərinizi danışırsınızmı? Umumiyyətlə,Ər  və arvadlar fərqli olduqlarını  qəbul edib, həqiqi bir şəkildə bu fərqliliklər üzərində danışa bilirlərmi? İnsanların bir-birlərindən fərqli olması həyatın bir gerçəyidir.
Bu mövzuda ümumiyyətlə aşağıdakı dörd rəftardan biri sərgilənir:

    1- Fərqlilikləri görməməzlikdən gəlib, yoxmuş kimi davranmaq;
    2- Ərin suverenliyi altında ailə həyatını təşkil edərək qadının gerçəyini yox saymaq;
    3- Qadının suverenliyi altında həyatı təşkil edərək kişinin gerçəyini yox saymaq;
    4- Fərqlilikləri qəbul edib uyğun bir dil və anlayışla bu fərqlilikləri danışaraq ailə həyatını hər iki insanın gerçəyinə görə uyğunlaşdırmaq.

Ana və Ata aralarındakı fərqi danışa bilib və həll taparaq öz gerçəklərini yaşaya bilən bir münasibət yaratmışlarsa, uşaq fərqinə varmadan bu münasibətləri mənimsəyəcəkdir.
Verilən sözün tutulması: Ər arvad verdikləri sözə əməl edirlərmı? Verdiyi sözə əməl etmək insanın həyatında çox əhəmiyyətli bir inkişafın ifadəsidir.
Verdiyi sözə əməl edən insan, söz vermədən əvvəl düşünmüşdür və verdiyi sözün nə mənanı verdiyini bilir.
Verdiyi sözə əməl edən öz sözünə, öz şəxsiyyətinə hörmətli bir insandır; özünə olan hörmətini itirməmək üçün verdiyi sözə əməl etməsi lazım olduğunu bilər.
Verdiyi sözə əməl edən insan söz verdiyi adama hörmətli biridir. O adamın gözündə dəyərini itirməmək üçün verdiyi sözə əməl edər.
Ana atanın bir-birlərinə verdikləri sözə əməl etmələri uşağın sağlam şəxsiyyət kimi inkişaf etməsinə imkan yaradır. Belə bir mühitdə yetişən uşaq insanlara güvənir və həm özünə həm də qarşısındakına hörmətli olmağı təbii olaraq öyrənir.

Musiqi dinləmək və kitab oxumaq: Ana və Atanın musiqi dinləyib dinləməməsi, hansı növ musiqi dinlədiyi, kitab oxuyub oxumaması, hansı növ kitab oxuduğu, bunların hamısı, uşağın inkişafında rol oynayacaq.
Uşağın yetişməsində ən əhəmiyyətli faktor ər -arvad arasındakı münasibətlərin xüsusiyyətidir. O səbəblə, soruşulmalı əsas sual, "Yoldaşımla necə bir münasibət qurmalıyam ki, ailəm sağlam bir ailə olsun," sualıdır.
Ana uşağına göstərdiyi maraq qədər yoldaşına da maraq göstərə bilməlidir. Bir kişi işinə maraq göstərdiyi qədər xanimina və uşağına da maraq göstərməyi bilməlidir.

Qadın və kişinin münasibəti müəyyən bir romantik inkişafa çatınca sıravilikdən xilas olur və özlərinə xas isti bir münasibətə çevrilir.Sağlam uşaq yetişdirmənin yolu, sağlam ər- arvad münasibətindən keçər.Uşağınızın ümid dolu, şən, hadisələrin yaxşı istiqamətlərini görən biri olmasını istəyirsinizsə, Ana - Ata  olaraq əvvəl siz də bu xüsusiyyətləri həyatınıza daşımalısınız.
Uşağınızın dürüst biri olmasını istəyirsinizsə, əvvəl siz həm özünüzə, həm də ətrafınızdakılara qarşı dürüst olmalısınız.

Qadin.Net saytının bütün istifadəçilərinə bele sağlam,isti,mehriban,səadət dolu ailə münasibətləri içərisində yaşamağı arzu edirəm!

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Ceylan Mumoglu