Indiki həyatımızda romantik duyğuları qoruyub saxlamaq asan iş deyil. Çünki hər kəs ailəni necə dolandırmaq haqqında düşünür və bütün gücünü ailəsini qoruyub saxlamağa sərf edir. Məişət problemləri cütlüklərə romantik münasibətləri qoruyub saxlamaqda mane olur. Bəzi cütlüklər var ki, münasibətlərin əvvəlində öz qeyri-adi sevgisi, romantik hissləri ilə hamıdan fərqlənirlər, lakin onlar ailə qurduqdan sonra həmin hisslər itir və onların sevgisindən geriyə yalnız sakit və öz axarında gedən ailə həyatı qalır.
Lakin bir çox qadınlar ailə qurmamışdan əvvəl ömür boyu sürəcək sevgi və romantika arzusu ilə yaşayırlar. Amma əslində başqa həyatla üzləşirlər. Bəzən sevdikləri insan hec onlarla danışmağa belə vaxt tapa bilmir. O ki, qaldı romantik hərəkətlərə...
Ancaq heç vaxt gec deyil. Münasibətlərdəki sevgini alışdırmaq və yenidən romantika qatmaq hər zaman mümkündür. Bunun üçün sadəcə bir az səy göstərmək lazimdır, öz səbrinizi, anlayışınızı və bir də qadın müdrikliyini işə salmaq lazımdır. Bunları etmək üçün xüsusən özəl günlər seçin. (ad günü, sevgililər günü, evlilik ildönümü və s. )
İlk növbədə aranızdakı soyuqluğun səbəbini tapmaq lazımdır. Təbii ki, bir çoxlarının düşündüyü kimi bu artıq çəkidən, xarici görkəminizin əvvəlki kimi cəlbedici olmadığından irəli gələn səbəb deyil. Sadəcə bilin ki, kişilər təbiətcə "ovçu"durlar. Sizi əldə etdikdən sonra onlar başqa "ov"a tələ qurmaq istəyirlər. Onun ağlına belə gəlmir ki, siz əvvəlki kimi diqqət və qayğı istəyirsiniz və bir şeyə də əmin olur ki, nə olursa olsun onsuz da siz artıq onunsuz və heç bir yerə gedən deyilsiniz. Bu fikir onlarda bir növ rahatlıq hissi yaradır.
Ona görə də, siz məsələyə başqa prizmadan yanaşmalısınız. Ailənin həftəlik planını həmişəkindən fərqli qurun. Məsələn hər həftənin bazar günü siz ananızgilə gedirsinizsə, bu həftəni birlikdə keçirməyi planlaşdırın. Onunla dəniz kənarına, romantik şam yeməyinə və ya başqa sevdiyiniz yerə gedin. Bu görüş sizin yaddaşlarınızda bir müddət qalacaq və münasibətlərinizə yeni bir dinamika verəcək. Görüşdəki hadisələri detallarına kimi düşünmək sizin öhdənizə düşür.
Bundan başqa kiçik də olsa, bəzi nüanslarla siz öz münasibətlərinizə romantika qata bilərsiniz. Məsələn həyat yoldaşınıza məzəli və şirin ad qoyun və onu elə çağırın. (Məsələn, motuşum, mastanım, şəkərim, ürəyim, balam, balaşkam, həyatım, tonbişim və s.) Bunlarla yanaşı ona tez-tez xoş sözlər deməyi unutmayın. (məsələn, Səni çox istəyirəm, sən mənə hər şeydən əzizsən və s.). Ümümilikdə romantik fikirlər hardansa oğurlana və ya köçürülə bilməz, o ürəkdən gəlməlidir və onları yalnız özünüz düşünə bilərsiniz.
Gələcək üçün birgə plan qurmaq da sizin aranızdakı soyuqluğu götürə bilər. Məsələn, yay və ya qış tətili üçün planlar qurun. Birlikdə bir başqa ölkəyə və ya rayona, şəhər kənarına getməyi planlaşdırın. Təsəvvür edin ki, qış tətilində qarlı dağ ətəyində, taxta, isti sobası olan evdə, və ya dəniz kənarında düz dənizə açılan mənzərəli günəşli bir evdə həyat yoldaşınızla baş-başa bir həftə istirahət edirsiniz.
Bu günümüzdə belə yerlərdə istirahət etmək belə baxdıqda adi bir şeydir. Amma həmin yerdə yaşadıqca münasibətlər elə bil təzə evləndiyiniz günlərdəki kimi olacaq. Gələcəyə plan qurun! Bəlkə də həmin planlar zamanı gələndə dəyişəcək və ya başqa bir forma alacaq amma plan qurun! Xəyal qurmaqdan arzulamaqdan çəkinməyin! İnanın ki, xəyallar gerçəkləşir! Gələcəkdə səyahət, təbiətdəki kiçik eviniz, dəniz tətili, birlikdə gözəl körpələrinizin olması haqda hər zaman düşünün. Birgə arzular sizin münasibətlərinizi getdikcə möhkəmləndirəcək, əvvəlki kimi romantika qatacaq.
Əgər intim münasibətlərinizdəki romantika itibsə, əgər onun bir toxunuşu sizə əvvəlki kimi təsir etmirsə, əgər əvvəlki kimi onu gördükdə ağlınızı itirmirsinizsə, yalnız beyniniz ailə və məişət problemləri ilə doludursa təəssüflənməyin. Burda da hələ hər şey itirilməyib. Öz intim həyatınıza da, romantika və incəlik qaytarmaq sizin əlinizdədir.
Burda sizə qadın müdrikliyi kömək etməlidir. Çünki yalnız siz bilirsiniz ki, sizin münasibətlərdə nə çatışmır. Ola bilsin ki, siz hər həyat yoldaşınızın evə gəldiyində, gözəl açılmış süfrə, dadlı yeməklər və s. hazır edirsiniz. Lakin onu da bilin ki, heç bir kişi xüsusi günlər üçün saxladığınız gözəl yataq dəstinə laqeyd qala bilməz.
Əlbəttə ki, özünüzü də yaddan çıxarmayın. Bir çox kişilər, gözəl alt paltarları gördükdə ağıllarını itirirlər. Ona görə də, həmin gün havalı, cəlbedici geyinməkdən çəkinməyin. Öz gözəlliyinizi açmaqdan qorxmayın əksinə, bağlamaqdan çəkinin. Ətirlənməyi unutmayın. Lakin unutmayın ki, həddindən artıq ətirlənməyiniz həyat yoldaşınızın əsəblərinə təsir edə bilər.
Romantikanın əsasını bir şey təşkil edir- başqalarının təcrübəsindən yararlanmayın. Çünki siz öz həyat yoldaşınızın xarakterini və istəklərini siz hamıdan yaxşı bilirsiniz. Ona görə, ona uyğun xəyal qurun. Kişilərinizin, xarakterini və adətlərini yaxından öyrənib onları başa düşdükcə münasibətlərin necə müsbətə doğru getdiyini görəcəksiniz. İnanın ki, sizin səyləriniz və zəhmətiniz yerdə qalmayacaq. Klassiklərdən biri demişdir: " Romantika piroqun kremi deyil, süfrənin əsas yeməyidir.". Ona görə də, romantik olun.
SONDA HƏR BİRİNİZƏ HƏYATINIZ BOYU SÜRƏCƏK SEVGİ ARZU EDİRƏM!
XƏBƏR LENTİ
“Qalatasaray” klubunun futbolçuları COVID-19-a yoluxub
Sabah 40 dərəcə isti olacaq
Divar saatları
Üz formasına görə saçı hansı tərəfə ayırmalı?
Ümummilli lider Heydər Əliyevin vəfatının 10-cu ildönümü ilə əlaqədar Türkiyədə tədbirlər keçirilib
SMS icazə olmadan evi tərk edənlər cəzalandırılacaq - RƏSMİ
Abdullah Gül: "Türkiyə hökumətinin tərkibi dəyişə bilər"
Müəmmalı sürətli radiosiqnalların Yer mənşəli olmadığı təsdiq edilib
"Facebook"un səhmləri 24% ucuzlaşdı
Zeyn Maliki ölümlə hədələdilər-FOTO
Şükufə Yusupova "Şöhrət" ordeni ilə təltif edildi
Payız depressiyası və ondan xilas yolları
Alpinist dağın başında xəzinə tapdı
Özəl tozsoran...
Xəyanət nədən yaranır?
Xəstə "həkim, mən ölmək istəyirəm" deyərsə...
Azərbaycanlı zəvvarların ilk qrupu sabah səhər Həcc ziyarətinə yola düşəcək
Portağal görünüşlü peçenye (foto resept)
Düşündürücü sözlər
Məzəli portağal
BÜRCLƏR bizə nə vəd edir?-14 Sentyabr
Fövqəladə Hallar Nazirliyinin əməkdaşları təltif edildilər
İkili münasibətlərdə dəyərinizi bilin!
Gürcüstandan Marsla bağlı çılğın layihə: 25 il içində...
Yay fəslinin ən dəbli rəngi
Cütlüklər üçün idman növləri
Xoşbəxt olmaq istəyirsiniz?
Toy şəkillərini pişiklər ilə çəkdirdilər
Yerkökülü peçenye (foto resept)
Nurgül Yeşilçay rəsm əsərlərini nümayiş edirdi-FOTO
MƏHƏBBƏT HAQQINDA
Düzgün duruş üçün dartınma hərəkətləri
ÜST-dən açıqlama: Növbəti pandemiyaya...
Limonlu ədviyyat hazırlayaq
Santa Klaus 7,5 milyard hədiyyə paylayaraq evinə qayıtdı – VİDEO
Nurgül Yeşilçay hər kəsi TƏƏCCÜBLƏNDİRDİ-FOTO
Yeni virus özünü Android tətbiqi kimi aparır
Sobada qatıq souslu kartof (foto resept)
İki ailə
Düyü salatı (video-resept)
Cavan qalmağın 10 sirri
Bətndə boğulan gələcəyimiz
Coğrafiya İnstitutundan havaların isti keçməsi ilə bağlı bədbin açıqlama
Kim istəməz gözəl olsun?
Şahmatçımız dünyada üçüncü oldu
700 manata da buket varmış - FOTO
Günün ulduz falı
Kıvançdan xanımına 350 minlik hədiyyə
Uşaqlarınızı daha yaxından tanıyın
700.000 il əvvəl insanların gəmi səfəri
- ŞƏRHLƏR