Indiki həyatımızda romantik duyğuları qoruyub saxlamaq asan iş deyil. Çünki hər kəs ailəni necə dolandırmaq haqqında düşünür və bütün gücünü ailəsini qoruyub saxlamağa sərf edir. Məişət problemləri cütlüklərə romantik münasibətləri qoruyub saxlamaqda mane olur. Bəzi cütlüklər var ki, münasibətlərin əvvəlində öz qeyri-adi sevgisi, romantik hissləri ilə hamıdan fərqlənirlər, lakin onlar ailə qurduqdan sonra həmin hisslər itir və onların sevgisindən geriyə yalnız sakit və öz axarında gedən ailə həyatı qalır.
Lakin bir çox qadınlar ailə qurmamışdan əvvəl ömür boyu sürəcək sevgi və romantika arzusu ilə yaşayırlar. Amma əslində başqa həyatla üzləşirlər. Bəzən sevdikləri insan hec onlarla danışmağa belə vaxt tapa bilmir. O ki, qaldı romantik hərəkətlərə...
Ancaq heç vaxt gec deyil. Münasibətlərdəki sevgini alışdırmaq və yenidən romantika qatmaq hər zaman mümkündür. Bunun üçün sadəcə bir az səy göstərmək lazimdır, öz səbrinizi, anlayışınızı və bir də qadın müdrikliyini işə salmaq lazımdır. Bunları etmək üçün xüsusən özəl günlər seçin. (ad günü, sevgililər günü, evlilik ildönümü və s. )
İlk növbədə aranızdakı soyuqluğun səbəbini tapmaq lazımdır. Təbii ki, bir çoxlarının düşündüyü kimi bu artıq çəkidən, xarici görkəminizin əvvəlki kimi cəlbedici olmadığından irəli gələn səbəb deyil. Sadəcə bilin ki, kişilər təbiətcə "ovçu"durlar. Sizi əldə etdikdən sonra onlar başqa "ov"a tələ qurmaq istəyirlər. Onun ağlına belə gəlmir ki, siz əvvəlki kimi diqqət və qayğı istəyirsiniz və bir şeyə də əmin olur ki, nə olursa olsun onsuz da siz artıq onunsuz və heç bir yerə gedən deyilsiniz. Bu fikir onlarda bir növ rahatlıq hissi yaradır.
Ona görə də, siz məsələyə başqa prizmadan yanaşmalısınız. Ailənin həftəlik planını həmişəkindən fərqli qurun. Məsələn hər həftənin bazar günü siz ananızgilə gedirsinizsə, bu həftəni birlikdə keçirməyi planlaşdırın. Onunla dəniz kənarına, romantik şam yeməyinə və ya başqa sevdiyiniz yerə gedin. Bu görüş sizin yaddaşlarınızda bir müddət qalacaq və münasibətlərinizə yeni bir dinamika verəcək. Görüşdəki hadisələri detallarına kimi düşünmək sizin öhdənizə düşür.
Bundan başqa kiçik də olsa, bəzi nüanslarla siz öz münasibətlərinizə romantika qata bilərsiniz. Məsələn həyat yoldaşınıza məzəli və şirin ad qoyun və onu elə çağırın. (Məsələn, motuşum, mastanım, şəkərim, ürəyim, balam, balaşkam, həyatım, tonbişim və s.) Bunlarla yanaşı ona tez-tez xoş sözlər deməyi unutmayın. (məsələn, Səni çox istəyirəm, sən mənə hər şeydən əzizsən və s.). Ümümilikdə romantik fikirlər hardansa oğurlana və ya köçürülə bilməz, o ürəkdən gəlməlidir və onları yalnız özünüz düşünə bilərsiniz.
Gələcək üçün birgə plan qurmaq da sizin aranızdakı soyuqluğu götürə bilər. Məsələn, yay və ya qış tətili üçün planlar qurun. Birlikdə bir başqa ölkəyə və ya rayona, şəhər kənarına getməyi planlaşdırın. Təsəvvür edin ki, qış tətilində qarlı dağ ətəyində, taxta, isti sobası olan evdə, və ya dəniz kənarında düz dənizə açılan mənzərəli günəşli bir evdə həyat yoldaşınızla baş-başa bir həftə istirahət edirsiniz.
Bu günümüzdə belə yerlərdə istirahət etmək belə baxdıqda adi bir şeydir. Amma həmin yerdə yaşadıqca münasibətlər elə bil təzə evləndiyiniz günlərdəki kimi olacaq. Gələcəyə plan qurun! Bəlkə də həmin planlar zamanı gələndə dəyişəcək və ya başqa bir forma alacaq amma plan qurun! Xəyal qurmaqdan arzulamaqdan çəkinməyin! İnanın ki, xəyallar gerçəkləşir! Gələcəkdə səyahət, təbiətdəki kiçik eviniz, dəniz tətili, birlikdə gözəl körpələrinizin olması haqda hər zaman düşünün. Birgə arzular sizin münasibətlərinizi getdikcə möhkəmləndirəcək, əvvəlki kimi romantika qatacaq.
Əgər intim münasibətlərinizdəki romantika itibsə, əgər onun bir toxunuşu sizə əvvəlki kimi təsir etmirsə, əgər əvvəlki kimi onu gördükdə ağlınızı itirmirsinizsə, yalnız beyniniz ailə və məişət problemləri ilə doludursa təəssüflənməyin. Burda da hələ hər şey itirilməyib. Öz intim həyatınıza da, romantika və incəlik qaytarmaq sizin əlinizdədir.
Burda sizə qadın müdrikliyi kömək etməlidir. Çünki yalnız siz bilirsiniz ki, sizin münasibətlərdə nə çatışmır. Ola bilsin ki, siz hər həyat yoldaşınızın evə gəldiyində, gözəl açılmış süfrə, dadlı yeməklər və s. hazır edirsiniz. Lakin onu da bilin ki, heç bir kişi xüsusi günlər üçün saxladığınız gözəl yataq dəstinə laqeyd qala bilməz.
Əlbəttə ki, özünüzü də yaddan çıxarmayın. Bir çox kişilər, gözəl alt paltarları gördükdə ağıllarını itirirlər. Ona görə də, həmin gün havalı, cəlbedici geyinməkdən çəkinməyin. Öz gözəlliyinizi açmaqdan qorxmayın əksinə, bağlamaqdan çəkinin. Ətirlənməyi unutmayın. Lakin unutmayın ki, həddindən artıq ətirlənməyiniz həyat yoldaşınızın əsəblərinə təsir edə bilər.
Romantikanın əsasını bir şey təşkil edir- başqalarının təcrübəsindən yararlanmayın. Çünki siz öz həyat yoldaşınızın xarakterini və istəklərini siz hamıdan yaxşı bilirsiniz. Ona görə, ona uyğun xəyal qurun. Kişilərinizin, xarakterini və adətlərini yaxından öyrənib onları başa düşdükcə münasibətlərin necə müsbətə doğru getdiyini görəcəksiniz. İnanın ki, sizin səyləriniz və zəhmətiniz yerdə qalmayacaq. Klassiklərdən biri demişdir: " Romantika piroqun kremi deyil, süfrənin əsas yeməyidir.". Ona görə də, romantik olun.
SONDA HƏR BİRİNİZƏ HƏYATINIZ BOYU SÜRƏCƏK SEVGİ ARZU EDİRƏM!
XƏBƏR LENTİ
Azərbaycan genişzolaqlı internet abunəçilərinin sayına görə MDB-də liderdir
NASA zəlzələ qurbanlarını xilas edəcək
Tramp “ABŞ-ı yenidən möhtəşəm etməyə” qayıdacaq
Gözəllik və cavanlıq vannaları
Sarımsaqlı yay yeməyi (foto resept)
Payız geyimləri
Doğuş anınadək hamilə olduğunu bilməyib - FOTO
Akın Akınözüdən HƏRCAİ ETİRAFI
11 sentyabrdan 13 il ötür
Bu gün Azərbaycanda ilaxır çərşənbə və Novruz bayramı qeyd edilir
Bakının "avtoş" avtobus sürücüsünə cəza verdilər
“Ermənilər rahat dayanmır”
İstiqlal şairi Əhməd Cavad
Mars torpağı Yerdə analiz ediləcək
"Hercai" serialı bütün Dünyanın diqqətini çəkdi
Quranı ayaqladı, polis tutdu
Ronaldinyo maşınlarından oldu-FOTO
“Survivor” adasında yanğın oldu - VİDEO
Bürcləri 2020-ci ildə gözləyən İNANILMAZ SÜRPRİZLƏR
Azərbaycanda qəribə qadağa
Yay aylarında enerjimizi qoruyaq
“Xarı Bülbül”ə kino çəkilir
Bürc simvolları makiyajla
Ermənistanın təlimlərə cəlb etdiyi muzdlu: “Kabuslar görməyə başladım”
Əhaliyə xəbərdarlıq: maqnit burulğanı var
Jan-Klod van Dam Türkiyədə idman mərkəzləri açacaq
Tarkan doğulmamış qızı üçün ev aldı
Venesuelada benzin 60 dəfə bahalaşacaq
2020-nin trend saç rəngləri
Az sədəqə çox bəlanın qarşısını alar
Göyçayda 46 sahibkara 613 min manat güzəştli kredit verilib
Bu gecə niyyət axşamıdır, sabah isə Ramazan ayının biridir
Bürcləri gələn İL NƏ GÖZLƏYİR?
Hava haqqında - 24.11.2013
Rusiyadan İrəvana uçan nümayəndə heyətinin olduğu təyyarəni ildırım vurdu
Ünvanlı sosial yardım almaq istəyənlərin NƏZƏRİNƏ – Qanun dəyişdirilir
Rühəngiz Müsəvi yeni imicdə-VİDEO
Atasının ölüm günündə Ronaldu rekord qırdı: "Qələbəni atama həsr edirə
Şüuraltı çalışması
300 illik gəlinlik
Doğum haqqında şəhadətnamə, yoxsa şəxsiyyət vəsiqəsi? – VİDEO
Təhsil naziri: “Bərdədə həlak olan Şahmalı məcburi köçkün məktəbinin şagirdi idi”
Dollar ucuzlaşdı - RƏSMİ
Həkimlər xəbərdarlıq edir: nəm salfet alarkən ehtiyatlı olun!
Övladlarınızla əyləncəli oyunlar
Lənkəranda gül bayramı
Avtomatlaşdırma 800 milyon insanı işsiz qoya bilər
Cennifer Lopez Yeni Tərzi ilə Diqqət Çəkdi-FOTO
Necati Şaşmazın BOŞANMA xəbəri yayıldı
Xoşbəxtliyin rəsmi
- ŞƏRHLƏR