Tərkibi:
5 ədəd yumurta
3-4 x/q şəkər tozu
1 st üyüdülmüş fındıq
3-4 x/q un
1-2 x/q kakao
1 ədəd qabartma tozu
Vanil
Krem:
0,5 st süd
1 ç/q un
3 x/q kakao
60 qr "Möcüzə" paket yağı
100 qr şəkər pudrası
Üzəri üçün:
Şokalad
Qaymaq
"Möcüzə" paket yağı
Bəzəmək üçün qovrulmuş fındıq
Hazırlanması:
Fındıq fındıqçəkən maşında üyüdülür.
Yumurta şəkər tozu ilə ağarana qədər çalınır.
Un, qabartma tozu və kakao bir yerdə qarışdırılır. Üyüdülmüş fındıq əlavə edilib qarışığa əlavə edərək ehmalca qarışdırılır.
Formaya yağlı kağız sərilir, hazırlanmış kütlə əlavə edilib yayılır və 180 dərəcədə isidilmiş sobada hazır olana qədər bişirilir.
Soyudulub iki hissəyə bölünür.
Krem üçün olan ərzaqlar qazana əlavə edilib bişirilir soyudulub yağ əlavə edilərək çalınır.
Krem çəkilib üst-üstə qoyulur. Üzərinə şokalad əridilir qaymaq və yağla çalınaraq yayılır.
Qıraqlarına qovrulmuş və xırdalanmış fındıq vurularaq bəzədilir.
Hazır qalmış kremlər qarışdırılır, üyüdülmüş fındıq əlavə edilərək kiçik toplar düzəldib tortu bəzəyirik.
Nuş olsun!
XƏBƏR LENTİ
- ŞƏRHLƏR