"Bəzəkli şam ağacı" tortu (foto resept)
110 510
79
Tərkibi
Biskvit üçün:
Yumurta - 8 ədəd
Şəkər - 360 qr
Un - 200 qr
Qabartma tozu, vanil
Şirə üçün:
Şəkər - 130 qr
Su - 120 ml
Krem üçün:
"Wellington" kərə yağı - 400 qr
Qatılaşdırılmış süd - 1 qab
Yaşıl qida boyası
İçi üçün:
Qoz ləpəsi - 50 qr
Şokolad - 100 qr
Hazırlanması:
Yumurtanın ağını sarısından ayırırıq, yumurta ağı ilə şəkər tozunu ağ köpük əmələ gələnə və şəkər əriyənə qədər çalırıq.
Yumurta sarısına da vanil əlavə edərək ayrıca bir qabda çalırıq.
Daha sonra hər iki qarışımı bir yerə töküb üzərinə ələkdən keçirilmiş un və qabartma tozunu əlavə edirik və ehmalca qarışdırırıq.
Hazır qarışığı yağlanmış soba tavasına tökürük və 40 dəqiqə ərzində 180-200 dərəcəyə qədər əvvəlcədən isidilmiş sobada bişməyə qoyuruq. Bişirdikdən sonra sobadan çıxarıb soyumasını gözləyirik. Soyuduqdan sonra hazır biskviti iki yerə bolürük və şəkildə göründüyü kimi kənarlarını Yeni il şam ağacı şəklində (kənarları üçbucaq şəklində) kəsirik.
Qatlaşdırılmış südlə yağı çalırıq və içərisinə qida boyasını əlavə edirik.
Porsiyanı hazırladığımız şərbətlə (suya şəkəri əlavə edib qaynadırıq, azca qatı olana kimi) isladırıq və kremləyirik. Kremlədikdən sonra arasına sürtgəcdən keçirilmiş qoz və şokolad əlavə edirik.
Kəsdiyimiz hissəni üzərinə qoyuruq və şam ağacını yaşıl rəngli kremlə bəzəyirik.
Üzərinə istəyinizə uyğun qida üçün nəzərdə tutulmuş bəzəklərdən düzə bilərsiz.
Şam ağacımız Yeni ilə hazırdır. 
Nuş olsun!
(tərcümə edilib)
XƏBƏR LENTİ
- ŞƏRHLƏR