Tərkibi:
4 stəkan un
2 ədəd yumurta
100 qram yumşalmış yağ
1 stəkan süd
3 xörək qaşığı şəkər tozu
0,5 çay qaşığı maya,duz
İçlik üçün:
1 stəkan şəkər tozu
1 stəkan qoz ləpəsi
1 ədəd yumurta
Vanil
Hazırlanması:
Xəmir üçün lazım olan ərzaqları unun üzərinə töküb (südü qızdırırıq) yumşaq xəmir yoğururuq.
Xəmiri mayalanmağa qoyuruq. Bu müddətdə qozu çəkib şəkər və yumurtayla qarışdırırıq.
Xəmir acıyandan sonra onu ehtiyatla 30-40 santimetrlik düzbucaqlı formasında yayırıq. Hazırladığımız içliyi səliqəylə xəmirin üzərinə yaxırıq.
Rulet formasında büküb 3 santimetrdən bir kəsirik.
Doğradığımız xəmirləri bişirəcəyimiz tavaya dik formada düzürük.
Üzərinə sarıkök qatılmış süd vurub, bişməsi üçün 200 dərəcədə qızdırılmış sobaya qoyuruq.
Bişəndən sonra ehtiyatla tavanın qıraqların açıb çıxarırıq.
Nuş olsun!
XƏBƏR LENTİ
- ŞƏRHLƏR