Kələmli piroq (foto-resept)
10 035
46
Xəmir üçün:
1 yumurta
10 q maya
2 st. un
500 q kefir
200-250 q marqarin
1-2 x.q mayonez
2 x.q şəkər
İçlik üçün:
700-800 q kələm
2 ədəd soğan
3 ədəd yumurta
50 q "Möcüzə" duru yağı
Hazırlanması:
Əvvəlcə maya, un, yağ, yumurtanı bir yerə töküb qarışdırırıq.
Sonra mayonez, kefir əlavə edirik.
Çox yumşaq xəmir əldə edirik (yəni duru). 30 dəq saxlayaq ki özünə gəlsin.
İndi içliyi hazırlayaq.
Kələm xırda doğranıb azca su əlavə edilib pörtlənir.
Ayrı qabda soğanı qızardırıq.
Suyu çəkilmiş kələmə əlavə edib qarışdırırıq.
Bir az belə qovururuq kələmi.
Tam suyu çəkildikdən sonra yumurtasını, duz, istiotunu vururuq.
Sobanın listinə yağ çəkirik.
Xəmirin bir hissəsini listə yayırıq.
İçliyi xəmirin üstündən yayırıq.
İçliyin üzərindən də qalan xəmiri əlavə edib yayırıq.
Sobada 60-70 dəqiqə müddətinə bişirilir.
Xanımlar, əgər sobanın qabı böyükdürsə, xəmir biraz artırılmalıdır.
İçlik əvəzi kəsmik və almadan da istifadə etmək olar.
Nuş olsun!
XƏBƏR LENTİ
- ŞƏRHLƏR