Tərkibi:
100 q kəsmik
5 x/q şəkər tozu (və ya zövqə görə)
2 ədəd yumurta
0,5 st süd
0,5 ç/q soda
1 x/q sirkə
1 çimdik duz
Qızartmaq üçün:
"Möcüzə" duru yağı
Üzəri üçün:
Şəkər kirşanı
Hazırlanması:
Kəsmiklə şəkər tozunu yaxşı çalırıq.
Üzərinə yumurtalar əlavə edib, bir daha yaxşıça çalırıq.
Süd, sirkədə söndürülmüş soda əlavə edib qarışdırırıq.
Yumşaq xəmir alınana qədər un əlavə edib xəmir yoğruruq.
Xəmirin üzərini örtüb yarım saatlıq dincəlməyə qoyulur.
Xəmir kündələrə ayrıb, 3-4 mm qalınlıqda yayırıq. Formalı bıçaqla üçbucaq şəklində kəsirik.
Üçbucaq xəmirlər qaynar bol yağın içinə atılır. Hər iki üzü 40-51 saniyə içində qızardılır.
Qızarmış xəmirlərin içi köpdüyü üçün boşluq yaranır.
İstəsəniz içinə cem və ya krem də doldura bilərsiniz. Və ya şəkər kirşanı səpərək servis edin.
XƏBƏR LENTİ
- ŞƏRHLƏR