Tərkibi:
1 ədəd hazır qat-qat xəmir
500 qr çəkilmiş ət
1 ədəd soğan
2 ədəd yumurta (1-i ətin yumşaq olması üçün içliyə əlavə edilir, digəri isə piroqun üzərinə çəkilir)
200 qram bərk ağ pendir
1 dəstə qarışıq göyərti (cəfəri, şüyüd, keşniş)
Hazırlanması:
Əvvəlcə soğanı xırda-xırda doğrayıb qızılı rəng alana qədər bitki yağında qızardırıq.
Üzərinə çəkilmiş əti əlavə edib tam hazır olana qədər bişiririk.
Daha sonra sürtgəcdən keçirilmiş pendir, doğranmış göyərti və yumurtanı da ətin üzərinə əlavə edib, qarışdırırıq. İçliyimiz hazırdır.
Xəmirin yarısının soba qabının içərisinə yayırıq.
Üzərinə içliyi əlavə edirik.
Xəmirin qalan hissəsini içliyin üzərinə qoyub kənarlarını bərkidirik. Xəmirin orta hissəsini bişərkən buxarı çıxsın deyə bıçaqla X şəklində səliqə ilə kəsirik.
Sonda piroqun üzərinə yumurta çəkib öncədən isidilmiş 180 dərəcəlik sobada 35-40 dəqiqə bişiririk.
Piroqumuz hazırdır.
Nuş olsun!
XƏBƏR LENTİ
- ŞƏRHLƏR