Göyərtili börək (foto resept)
567 396
152
Tərkibi:
Keşniş
Şüyüd
Soğan
Sarımsaq
İspanaq
Cəfəri
Nanə
Dağ keşnişi
(hərəsindən bir dəstə götürülür)
"Azərduz" yodlu narın xörək duzu, istiot
25 ədəd yuxa
200 qram əridilmiş kərə yağı
Üzəri üçün:
2 ədəd yumurta
2 x.q. qatıq
Küncüt
Çörəkotu
Hazırlanması:
Əvvəlcə göyərtiləri yaxşıca təmizləyib yuyuruq, dəsmalın üstünə səririk ki, suyu çəkilsin.
Təmizlədiyimiz göyərtiləri xırda-xırda doğrayırıq, zövqə görə duz, istiot vururuq.
Yuxaları səliqəylə açıb üst-üstə yığırıq. Yuxanı əridilmiş yağla yağlayırıq.
Doğradığımız göyərtilərdən yuxanın üstünə yayırıq .
Səliqəylə rulet kimi büküb yağlanmış tavaya yığırıq .
Börəyimizi büküb tamamladıqdan sonra üstünə çəkməyə yumurtalı qatıq hazırlayırıq.
Yumurtalı qarışığı börəyin üstünə yaxıb, çörəkotu və küncütü səpib 180 dərəcədə qızdırılmış sobada bişiririk.
Hazır olandan sonra sarımsaqlı qatıqla yeyilir.
Nuş olsun!
XƏBƏR LENTİ
- ŞƏRHLƏR