16.09.2011-12:10

• Uşaqlar və tərbiyyə

127 706

58

Uşağın ilk oyuncağı onun öz əlindədir. Uşaq ona baxır, onunla oynayır. Birinci həftələr (6-8) ona başqa oyuncaq lazım deyil, buna görə də fikir vermək lazımdır ki, uşaq əllərini həmişə sərbəst hərəkət etdirə bilsin.

İki aylıq uşağın əlinə oynamaq üçün hər hansı bir şey vermək olar, onun yanına baş yaylığı boyda əlvan parça qoymaq olar. Uşaq əlvan rəngi görəndə sevinir, o yaylıqla uzun müddət və həvəslə oynayır, üzünü ona sürtür. Uşaq əlində nəsə bir şey tuta bildikdə ona şaqqıldaq, rezin, və plastik kütlələrdən hazırlanmış oyuncaqlar vermək olar, sonralar uşaq iməkləyəndə ona rezin topda vermək olar. Oyuncaqların hamısını hər gün sabunla yumaq lazımdır.

İməkləyən uşağın ən çox xoşladığı oyuncaqlardan biri topdur. Uşağa rəngli taxta kubiklər və plastik kütlədən qayrılmış içiboş cürbəcür qutular, qisa dəstəkli taxta qaşıq, alminium qab-qacaq da (balaca qazanlar, kasalar)vermək olar.

Uşağa elə oyuncaqlar vermək lazımdır ki, bunlar onun əlini kəsməsin və o bunları uda bilməsin. Oyuncaqların hamısı elə olmalıdır ki, yumaq mümkün olsun. Uşağın bir yaşı bitəndə ona əlvan şəkilli balaca kitablar (mətnsiz) vermək olar. Bu yaşda uşağa məxmərdən qayrılmış oyuncaq ayı da vermək olar. Uşaq yeriməyə başladıqda isə ona yaylı oyuncaqlar da almaq lazımdır. Oyuncaqları alçaq rəfdə qoymaq lazımdır ki, uşaq özü istədiyi oyuncağı götürə bilsin.

Uşaq çarpayıda olanda ona oyuncaq vermək olmaz, çünki yerə düçə bilər, ya da uşaq bezdikdə özü sala bilər. Uşaq oyuncağı atıbsa yerdən götürüb təzədən vermək lazım deyil, biz uşağa yerə şey atmağı bu cür tərgidə bilərik.

Uşağın həmişə oyuncaqları olmalıdır, bunlar uşağa şeylərlə rəftar etməyi öyrədir, oyuncaqlar uşağa ətrafdakı mühitlə tanış olmaq üçün lazımdır, oyun vaxtı uşaqda əməyə mahəbbət yaranır. Balaca uşağa çox oyuncaq almaq lazım deyil. 2-3 oyuncağı olsa kifayətdir, o bunlarla həvəslə oynadığı müddətdə təzəsini almaq lazım deyil. Uşağın əllərinin və oyuncaqların həmişə təmiz olmasına fikir vermək lazımdır, çünki balaca uşaqlar oyuncaqları ağızlarına aparırlar.

1 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

BADENUR