Südəmər uşaqlarda zökəm
121 764
42
Südəmər uşaqlar daha çox zökəmlə xəstələnirlər.Xəstə uşaq tez-tez asqırır,burnu tutulur,döş əmə bilmir.Burnundan nəfəs almaq çətinləşir və bəzən bu mümkün olmur.Zökəm heç vaxt özbaşına əmələ gəlmir,onu bakteriyalar və viruslar törədir.Zökəmli xəstə öskürür, asqırır və hətta bir neçə metr aralı duran adamları da yoluxdurur.Beləliklə ,xəstə ilə təmasda olan adamların hamısı xəstələnir( bu yolla yoluxmaya damcı infeksiyası deyilir).Anada zökəm varsa və ondan başqa uşağa qulluq etməyə adam yoxdursa ,uşağı götürməzdən əvvəl maska taxıb ,əllərini yaxşı yumalıdır.Ehtiyatlı olmadıqda uşaq,nəinki zökəm,hətta sətəlcəm də ola bilər,bu da südəmər uşaqların ən ciddi xəstəliklərindəndir.Zökəm zamanı uşağın burnuna qulluq edilməsi...Uşağın burun pərlərini sıxıb,burun ifrazatını çobanyastığı dəmləməsində isladılmış pambıqla silmək lazımdır.Uşağın burnunun içərisinə eşilmiş pambıqla qətiyyən silmək olmaz,çünki belə etdikdə burunun selikli qişası daha da qıcıqlanır və xəstəlik ağırlaşır.Burnunun altına vazelin sürtün ki,burun ifrazatı dərini qıcıqlandırmasın...Həkimin təyin etdiyi inhalyasiyanı edin,yalnız yazdığı məlhəm və ya duru dərmanı uşağa verin.
Diqqətli olun!
Böyüklərin işlətdiyi məlhəm və ya duru dərmandan uşaq üçün istifadə etməyin ,çünki ağır zəhərlənmə baş verə bilər.Uşağın burnunu nə onun əskiləri ,nə də öz yaylığınız ilə silməyin,çünki uşağın bədəninə bir daha infeksiya düşə bilər.Uşağın burnunu kağız salfetlə silmək daha yaxşıdır.Amma salfeti bir dəfə işlədən kimi yandırmalı və ya tullamalısınız.
XƏBƏR LENTİ
- ŞƏRHLƏR