Əziz xanımlar,bəziləriniz uşaq əmizdirməyi bilirsiniz. Amma, uşaq əmizdirərkən nələrə diqqət etmək lazımdır, onları bilirsinizmi? Elə isə buyurun oxuyun:
Əziz analar, ilk növbədə uşaqların yanını təmizləmək lazımdır. Yanını təmizlədikdən sonra əllərinizi sabunla yuyun ki, uşağınıza mikrob keçməsin. Döşünüzün başını nəmli və təmiz salfetlə silin. Uşağınızı əmizdirməyə başlarkən ilk öncə rahat yer seçin (Normal doğuş edən xanımlar əsasən tikişləri varsa oturanda çox çətinlik çəkirlər. Onun üçün kürək hissənizə yastıq qoyub uşağınızı rahat əmizdirə bilərsiniz. Əmizdirməkdə əsas şey kürəyin bir yerdən dəstək almasıdır. Uşağınızın üzü və bədəni tam olaraq sizə tərəf olmalıdır. Bu yolla siz uşağınızı daha çox əmizdirə bilərsiz,daha çox süd verə bilərsiz. Birnci döşünüz boşalıncaya qədər uşağı əmizdirin (təxmini 15 dəqiqəyə) Uşağınız doymursa digər döşünüzə keçin. Döşünüzün birini az əmizdirsəniz o döşdə süd gəlmə azalacaqdır və daha sonra süd gəlməyə bilər (südü azalan döşü uşaq bir zamandan sonra əmmək istəməyəcək. Uşaq əmmədikdən sonra da süd gəlmə dayanacaqdır) Hər əmizdirdikdə ilk gələn süddə yağ az olur. Uşaq əmdikcə süddə yağın miqdarı artmağa başlayacaqdır. Uşağınız yağlı südü əmdikcə doymağa başlayacaqdır. Uşağı az əmizdirərək yatmasına izin verməyin. Onu qıdıqlayaraq (təbbi ki üzünü) oyatıcı hərəkətlərlə çox əmməsinə nail ola bilərsiniz. Çünki,az əmdikdə uşaq tez-tez yuxudan oyanacaqdır və sizi də yatmağa qoymayacaqdır. Hər uşağın əmmək vaxti fərqlidir. Bu vaxt 5 dəqiqə ilə 30 dəqiqə arasında dəyişir (İlk zamanlar az əmirlər,amma böyüdükcə daha çox əmməyə başlayırlar) Ancaq uşağınızın əmmə vaxtı 1 saatı keçersə həkimdən məsləhət alın. Uşağı əmizdirərkən oturuşa çox diqqət etmək lazımdır, Əziz xanımlar.
Döşlərinizi yuduqda tez-tez sabundan istifadə etməyin. Çünki, bu döşlərdə çat əmələ gətirir. Başı anaya doğru, gövdəsi çölə doğru olan uşaq döşü əmməkdə çətinlik çəkir. Uşağınızın başını qolunuzun iç tərəfinə yerləşdirərək, eyni qolunuzla ayaq qismini tutun (y'ni dogulan uşaqları yastığın üstünə qoyub əmizdirsəniz onu incitmək kimi narahatçılığınız olmaz). Uşağı əmizdirərkən heç vaxt başından tutmaq lazım deyil. Uşağı tutan ananın ön qolu olmalıdır. Digər əlinizin iki barmağıyla da döşünüzün başını sıxaraq üşağınızın ağzına toxundurun. Əmizdirmə bitdikdən sonra,döşünüzün ucunu sıxıb bir damla süd gəlməsini və bunun döşə dağılaraq qurumasına yol verməmək lazımdır. Yəni öz südünüzlə döşünüzün başını təmizləyin. Etdiyiniz bu təmizlik döşünüzdə çatların əmələ gəlməsinin qarşısını alacaqdır və döşünüzün yumuşaq qalmasına kömək edəcəkdir.
Allah bütün xanımlarımıza "Ana" olmağı nəsib etsin. İnşallah!
XƏBƏR LENTİ
- ŞƏRHLƏR