Məxmər kimi bədən, cəlbedici gözlər, dolğun dodaqlar... Tətbiqi asan olan təkliflərlə arzu etdiyiniz görünüşə qovuşa bilərsiniz.Səhərlər işə çatmaq təlaşı içində makiyaja vaxtınız qalmırmı? Makiyaj etmək sizə çətinmi gəlir? O halda çox yanılırsınız, çünki ayna qarşısında saatlarla vaxt sərf etməyinizə ehtiyac yoxdur. Bu işin də bəzi incə məqamları var. Baxımlı görünmək üçün ən çoxu 10 dəqiqə ayırmağınız yetərlidir.
Hamar bədən
Bədəniniz üçün ən doğru rəngli tonal kremi gün işığında və makiyajsız halda sınamaqla tapa bilərsiniz. Çənədə yoxlamaq ən doğru yoldur.
Makiyajdan əvvəl üzünüzə gündüz kremi çəkin və 2 dəqiqə gözləyin. Beləcə, tonal krem dəriyə daha rahat yayılar və ləkəli görünməz. Tonal kremi əvvəl əlinizin içinə tökün və süngər köməyiylə yavaş -yavaş üzünüzə çəkin.Üzün orta hissəsindən xaricə doğru paylaşdırın.
Göz altındakı bənövşəyi görüntünü və qızartıları gizlədici qələmlərin köməyilə yox edə bilərsiniz.
Cəlbedici gözlər
Gözləriniz yorğundur? O zaman göz qapaqlarınızı bir-birinə zidd olan rənglərdə boyayın. Firuzəyi və qəhvəyi rənglər gözlərin parlamasını təmin edər. Mavi gözlər isə bənövşəyi tonlarla çox gözəl görünər.
Gözlərinizi olduğundan böyük göstərməyə nə deyirsiniz? Üst kirpiklərinizə tuş, gözün alt hissəsinə ağ qələm çəkin.
Kiçik gözlərdə parlayan rənglərdən istifadə edilməməli, dumanlı tonlar seçilməlidir. Bunları da göz qapağının içindən xaricinə doğru çəkin.
Göz boyasının daha çox qalmasını istəyirsinizsə, onu nəmli fırçanın köməyilə çəkin.
Yuxu kimi dodaqlar
Əsas prinsip budur: parlayan rənglər dodaqları daha böyük göstərir.
Dolğunluq: Dodaq boyası ilə eyni tonda olan dodaq qələmiylə dodaqlarınızın konturunu incə bir xəttlə nəzərəçarpan edin. Dodaq künclərindən başlayaraq boyanı dodaq fırçasının köməyilə mərkəzə doğru sürtün. Sonda dodaq boyasının üstünə şəffaf parladıcı çəkin.
Rəngli parladıcılar dodaqları dolğun göstərir. Bunlarıntərkibindəki maddələr dodaqların yüngülcə şişməsinə səbəb olur.
Cazibədar yanaqlar
Üzü şəkilləndirmək üçün ənliklər işə yarayır. Əgər uzun formalı üzünüz varsa, o zaman ənliyi üfüqi vəziyyətdə çəkin.
Əgər üzünüzə yumşaq görünüş vermək istəyirsinizsə, sizə bej, qəhvə tonlarındakı ənlikləri tövsiyə edirik. Bu, üz xətlərinin daha yumşaq görünməsini təmin edər.
Özünüzə özəl olan xüsusi ənlik xəttiniz: Gülümsəyin və ənliyi almacıq sümüklərinizin üstünə sürtün.
Rəngdən çoxmu istifadə etdiniz? Ənliyi silməyin, əksinə, istədiyiniz tonu tapana qədər üstünə şəffaf pudra sürtün.
XƏBƏR LENTİ
- ŞƏRHLƏR