Bismillahir-rəhmanir-rəhim.
İnsanın gözünün nuru Asiman nur dəryasının bir damla zərrəsindəndir. İnsan zərrə nur ilə hər yeri, hər şeyi aydın görə bilirsə, onda düşünün ki, Asiman nur dəryası, yəni Allah-Təala yeri, bizi və əməllərimizi necə görür. Allah-Təalanın baxmaq və görmək qabiliyyəti qarşısında bağlı və örtülü şey yoxdur. Allah-Təala birbaşa görür və eşidir. Allahın mülkü, kürsüsü və səltənəti bütün yerləri və göyləri çevrələmişdir. Bütün mövcudatlar Allahın nəzarəti altındadır. Məhz buna görə insan Allahı həmişə öz varlığında və ətrafında hiss etməli, duymalı və ibadət etməlidir.
Allah-Təala xəlq etdiyi bəndələrlə güzəşt və rəhmlə rəftar edir. Məsələn, Allah-Təala bəndələrə güzəşt edərək Ramazan ayını bağışlanmaq ayı kimi qərar vermişdir. Bu ayda edilən ibadətlərə, qılınan namazlara, oxunan dualara, edilən səxavət və xeyirxahlığa çox artıq və yüksək savablar yazılır. Bundan başqa bəndə Allaha ibadət edib yalvarmaqla, nəzir-niyaz verməklə, xoş rəftar və s. əməllərinə gröə güzəşt edilib bağışlanır.
Hədis: Həzrəti Məhəmməd (s.a.s) Meraca gedəndə Asimanda mələklərin namaz qıldılqlarını görüb, xoşuna gəlmişdir və Həzrəti Cəbrayıla buyurmuşdur ki, əsl ibadət budur. Bu zaman Həzrəti Cəbrayıla Məhəmməd (s.a.s) buyurur ki, Allah-Təala ilə mükalimə edəndə, bu namazı ümmətlərin üçün çox istə, Allah səni çox istəyir, odur ki sənin xahişini qəbul edəcəkdir. Məhəmməd (s.a.s) Allahdan xahiş edib bu namazı ümmətlər üçün istəmişdir. Allah-Təala Həzrət Məhəmmədin (s.a.s) hörmətinə görə xahişini nəzərə alıb qəbul etmişdir. Bu yüksək dərəcəli, mələklərə məxsus olan namazı, yalnız Məhəmmədin ümmətlərinə nəsib etmişdir. İxlas qəlblə Allaha ibadət edib, namaz qılan şəxslər bilsinlər ki, mələklərə məxsus olan namazı qıldıqları üçün onlar da mələk təbiətindədirlər.
Namaz insana ona görə mənfəətlidir ki, namazın hərəkəti və savabı orqanizmdəki şər qüvvəni məhv edir, günahı bağışlatdırır. İnsan doğulan gündən şər qüvvə və şeytan orqanizmə daxil oub, insanın əti-qanı ilə qidalanaraq, inkişaf edib artır. Bu baxımdan insan hər gün namazın hərəkətini edib, əzələləri tərpətdikcə, bədəndəki şeytanlar əziyyət çəkirlər. Bu zaman orqanizmdəki şeytanlar çırpınır ki, həm əzələlərin sıxıntı əziyyətindən, həm də Allah kəlamının təsirindən bədəni tərk etsin. Allahın kəlamı orqanizmdən şeytanı çıxarıb bədəni sahman etdiyi zaman, yəni şeytanları əzələlərdən ayıranda insanda şiddətli ağrı-acı olmalıdır. Necə ki? uşaq anadan olnda ağrı-acıya səbəb olur, bu zaman ağrı nə qədər şiddətli olsa da duanı kəsməyin. Şər qüvvənin bədənə daxil olmaq üsulu günah etməkdir, günahın bədəndən xaric olmaq üsulu isə namaz qılmaq, dua oxumaq, Allaha yalvarmaq, xeyirxahlıq edib savab işlər görməkdir. Belə ki, sübh namazının savabı və zikr qüvvəsi, insanı günorta namazına kimi şər qüvvədən qoruyur, günahını paklayır. Bu cür gözəl əməllərə vasitə olan namaz var ikən biz insanlar niyə namaz qılmırıq, niyə günah işlədib özümüzə cəhənnəm əzabı qazanırıq, çünki sağlam düşüncə deyilən bir anlayış çoxlarımızda yoxdur.
Əzizlərim, gəlin Allahın yolunu tutub ipindən bərk yapışaq, çünki istər bu dünyada, istərsə də axirətdə Allahdan başqa heç kim bizə rəhm edib günahlarımızı bağışlamağa qadir olmayacaq. Biz bu dünyada Allahın yolunu gedək ki axirətdə də Allah bizə rəhm etsin, çünki uca Rəbbim çox mərhəmətlidir, biz Allaha xatir günahlardan qaçıb ibadət edib insan kimi yaşasaq, Uca Rəbbim bunu heç vaxt qarşılıqsız qoymaz inşAllah. Amin.
XƏBƏR LENTİ
- ŞƏRHLƏR