Mömin adam özünü yoxdan var edən, dünyadakı nemətləri istifadəyə verənin, nemətləri hər an qoruyub saxlayanın Allah olduğunu bildiyindən və yaradılan hər şeyin bir tək Allahın diləməsi isə həyat tapdıqlarına və yenə Onun diləməsi ilə bir gün mütləq yox olacaqlarına iman etdiyindən bütün sevgiləri Allahadır. 

Möminin insanlara, heyvanlara, yaradılmış şeylərə duyduğu sevginin gerçək qaynağı Allaha duyulan sevgidir. Ürəkdə olan coşğulu sevgini Allahın yaratdığını bilmək insana sevgidə dərinlik qazandırır, əks təqdirdə həqiqi sevgi olmaz.

Allah üçün olan sevgidə əhəmiyyətli olan dünyəvi xüsusiyyətlər deyil, insanın əxlaqı və xarakteridir. İnsanda olan fədakarlıq, vicdan, mərhəmət, gözəl davranış kimi xüsusiyyətlər sevginin artmasına və zamanla gözəlləşən şəxsiyyət və əxlaqi davranışlarla sevginin daha da dərinləşməsinə səbəb olur. Allah üçün yaşanan sevgidə darıxma, azalma, tükənmə olmaz.

İmanı zəif olan şəxslərin Allah sevgisində bir zəiflik ola bilər. Əslində hər şeyi yaradan, bütün nemətləri verənin Allah olduğunu bilirlər, lakin ümumi həyatlarında bunu unudub gözardı edərək yaşayırlar.

İnsan digər varlıqlardan fərqli olaraq ruh sahibi olaraq yaradılmışdır. İnsanın ruhu nə qədər dərindirsə, sevgi də o nisbətdə intensiv yaşaya bilər. İnsan Allahın yaratdığı nemətlərin hamısını sevə bilir. Dərin Allah sevgisi, Allah qorxusu insanların bir-birini, həqiqətən, sevməyini təmin edir.

Allaha tam təslim olub Allah sevgisini tam yaşayan insan Allahın yaratdığı bütün nemətləri, insanları, heyvanları, bitkiləri dərin bir məhəbbətlə sevir. Allah sevgisinin coşğunluqla yaşanması ruhda böyük bir həyəcan və məhəbbət yaradır. Məhz Allaha könüldən bağlı olanlar həqiqi sevgini yaşaya bilən yeganə adamlardır.

Bir insan Qurana tam tabe olarsa, həqiqi sevgini yaşaya bilər. Çünki Qurana tabe olduqda Allahın razı olacağı əxlaqı yaşayaraq hamı tərəfindən seviləcək xüsusiyyətlərə malik olur. Quranda bildirilən yaxşı əməllər, sevgi, hörmət, qətiyyət, cəsarət, bağışlayan olmaq, sədaqət: bunların hamısına əməl etmək necə də gözəldir. Bu xüsusiyyətlər insan xarakterində mütəmadi bir hal alarsa, o, sevgidə də həyatı boyu səbrli və qərarlı olur.

Möminin sevgisi çox dərin və möhkəmdir, çünki təməli Allah qorxusu, Quran əxlaqı və kamil imana əsaslanır. Sevgisinin möhkəmliyi və davamlılığının başqa bir səbəbi də bu sevginin axirətdə də sonsuza qədər davam edəcək olmasıdır.