31.10.2015-12:30

• İstifadəçilər

14 607

23

Əziz Qadın.Netlilər, bu dəfəki müsahibim özünün fərqli düşüncələri ilə xüsusi olaraq diqqət çəkən Ellada Babayeva oldu. Onu tanımaq istəyənlər buyurub müsahibəni oxuya bilər.

- Salam Ellada Babayeva, necəsiniz?

Yaxşıyam, şükr Allaha.

- Saytımızı necə tapıbsınız, paylaşa bilərsinizmi bizimlə?

Axtarış zamanı. Əvvəl qonaq kimi daxil olardım, sonra qeydiyyatdan keçdim. 

- Saytımız sizi nə dərəcədə qane edir?

Yaxşı. İstədiyim hər bir şeyi tapa bilirəm.

- Boş vaxtlarınızı necə dəyərləndirirsiniz?

Saytda şərhləri redaktə edərək.

- Bəs başqa?

Pişiyimlə oynayıram.

- Pişikləri çoxmu sevirsiniz?

Bəli. Heyvanlar mənim yaralı yerimdi.

- Niyə məhz yaralı?

Bu sualda ilişdim. Sözlə ifadə etmək çətindi, qəlbdən gələn bir hissdir.

- Yaralı dediniz, dedim, bəlkə, bir hekayəsi var. Ellada Babayevanı digər insanlardan fərqli edən nəsə varmı?

Hekayə var, istəmədim pis olasan. Məncə, yoxdu.

- Bildiyimə görə hind filmlərinə marağınız daha çoxdur, bu maraq haradan qaynaqlanır? Niyə məhz hind?

Uşaqlıqdan xoşlayıram. Anamdan keçib. Hind musiqilərinə qulaq asanda özümü pozitiv hiss edirəm, əhvalım dəyişir.

- Ən son nə vaxt nəfəsinizin səsinə qulaq asıbsınız?

- Yəni? 

Hər gün qulaq asıram.

- Son zamanlardakı yaşamınızda sevdiyiniz şeylərə yer ayırıbsınızmı?

Son zamanımın nə vaxt olacağını bilmədiyim üçün yox.

- Bəlkə, elə bu sondur? Sizcə, elə indidən başlamaq gərək deyilmi?

Sevdiyim şeylərə yer ayırmağımın mənasız olduğunu düşünürəm. Bu dünyadan köçdükdən sonra onlar mənlə getməyəcək onsuz.

- Bəs sevdiyi şeylərə zaman ayırmasa insan, o zaman onu həyatı dəyərli edən amillər necə olsun?

Yaddaşımda yer alıb hamısı.

- Bax misal üçün, dənizi seyr etməyi tutaq ki, çox sevirsiniz. Amma dəniz kənarına getmirsiniz ki, yaddaşımda var onsuz. Beləmi ya necə?

Dənizi seyr etmək istəyəndə açıq səmaya çıxmağım kifayət edir. 

- Çox maraqlı düşüncə tərziniz var, doğrusu. Hər kəsə verdiyim sualı sizə də vermək istəyirəm. Kitabla aranız necədir?

Çox gözəl.

- Hansı tip ədəbiyyata üstünlük verirsiniz?

Seçim etmirəm. Hansı maraqlıdırsa, onu oxuyuram.

- Sizcə, gənc nəsildə elmə, kitaba marağı artırmaq üçün nələr etmək lazımdır?

Kitabxanaları çoxaltmaq.

- Ən böyük qorxularınızdan gerçəkləşəni olubmu?

Yox.

- Uşaq vaxtı sizi ən çox xoşbəxt edən şeylər nələr idi?

Telvizorda hind filmi başlayanda.

- Deməli, uşaqkən belə siz hind filmi azakeşi idiniz. 

Əlbəttə.

- Yaxşı, bəs deyin, görək saytımızın idarəsi tamamilə sizin əlinizə verilsəydi, nə kimi dəyişikliklər edərdiniz?

Bəylərin girişini ləğv edərdim.

- Niyə?

Əsəb gərginliyi yaradırlar.

- Bəylər özünü qorusun deyirəm, başqa da heç nə demirəm.

- Elladaya görə həyatda olmaqla həqiqətən yaşamağın arasındakı fərq nədədir?

İnsanların üzlərinin gülməsi əsl xoşbəxtçilikdi mənə görə. Əsas da mənim valdeyinlərimin.

- Allah canlarını sağ eləsin!

Amin, cümləmizin.

- Dünya üçün dəyişmək istədiyiniz nəsə varmı? Bu mümkün olmasa belə.

Yox.

- Bəs bizim istifadəçilərə demək istədiyiniz nəsə varmı?

Mehriban olun. Gülümsəyin.

- Zamanınızı ayırıb müsahibə verdiyiniz üçün təşəkkür edirəm və ümid edirəm ki, sizi çox yormadım. 

Sizinlə həmsöhbət olmaq xoş oldu.

- Elə sizinlə də.

Təşəkkür.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Aqatkris