Fərqliliyi sevən bir insan kimi, oxucu olaraq da bu istək sevimli yazarlarımdan sanki tələbimdi. Yazarlar var bir janrda yazır, dedektiv, psixoloji və s. Mən sevimli yazıçılarımın əsərlərində bütün janrları görmək istəyən oxucuyam, hansı ki, burda roman, povest, şeir, qəzəl və s. olmalıdı.
Azərbaycan ədəbiyyatında sənətinə hörmət qoyduğum yazıçılar çox olsa da ən çox sevdiyim, dəyər verdiyim, yazılarını, hekayələrini, qəzəllərini, romanlarını hər zaman böyük həvəs və zövqlə oxuduğum İlqar Fəhmidir. İlqar Fəhmi yaradıcılığında söz sənətinin istədiyim bir çox janrları cəm olub. Psixoloji dedektiv janrında yazılan “Aktrisa”sını, teatral roman olan “Akvarium”unu, müasirliklə qədimliyin sintezi şəklində qələmə aldığı “Bakı tarixindən kollaj”nı çox bəyənmişəm, hamısı fərqli janr, maraqlı yazı üslubu ilə zövqümü oxşayıb. “Çənlibel Tülküsü” layihəsi çərçivəsində işıq üzü görən “İlk sui qəsd”, “Qarğa yuvası” romanları isə daha samballı sənət əsərləridir.
“Çənlibel tülküsü” layihəsi üzrə çap olunan əsərləri, zənnimcə, bu gün çox dartışılan postmodernizm üslubunda yazılan ən yaxşı nümunələrdir. Bu əsərdə mifik qəhrəmanlara yeni baxış hiss olunur, yazıçı onları bugünümüzdə görə bildiyimiz insanlara çevirməyi bacarıb. “Kölgədə əqrəb” tarixi dedektivində də “Koroğlu” dastanında olan qəhrəmanlar xeyli dərəcədə reallaşdırılıb. Buradakı dil, təhkiyə tarixi janrda əsər yazan digər gənc müəlliflərə nümunə olacaq səviyyədədir. “Çənlibel Tülküsü” layihəsi çərçivəsində yazılan romanları oxuyanda insan qədimliyin havasını hiss edir”.
Oxucular arasında tarixi kitablara olan maraq çox azdı. Mən özüm də çox sevməsəm də arada müraciətim olur. “Kölgədə Əqrəb” romanını bəyəndim, o biri əsərlərindən geri qalmır.
Romanı oxuyan zaman fikrlərim çox dolaşdı, sözün əsl mənasında azıb qaldım bu hadisələrin içində. Düşündüm yəqin diqqətsiz oxucuyam, amma yazıçı bu əsər haqqında bir müsahibəsini oxuyanda gördüm ki, azıb qalan tək mən deyilmişəm, elə yazıçı özü də bu hadisələrin içində azıb qalmış imiş.
Sevimli yazıçım haqqında çox müsbət rəy yaza bilərəm, sevdiyim qəzəllərindən sizlərə danışa bilərəm, amma bu cür olsa gərək mən özüm elə bir roman yazam.
“Ümumən insanın əlindən gələn elə bircə budur ki, gələnin qabağına gedənin dalına baxsın. Hərgah baxmasa gözləri tutular. Çox da baxsa gözlərinə qara su enər. Vəssalam, Şüdtamam.”
P.S kölgədə olan əqrəb kim idi, bax bunu bilmək istəyirsinizsə əsəri mütləq oxuyun.
XƏBƏR LENTİ
