10.01.2013-00:10

• Etiraflar

29 581

179

      Soyuq bir qış günü idi. Ailəmizə gəlmə  xəbərin evimizi ,qəlbimizi isitdi .Səni səbirsizliklə gözləyirdik .Çünki sən ailələrimizin ilk nəvəsi idin. İlk gündən sənə çox bağlandım, sevdim. Sən isə hər an məni səni itirmək qorxusu ilə yaşatdın. Bətnimdəki ilk tərpənişin həyatımda duyduğum ən gözəl hiss idi .Artıq sənə qovuşmağıma bir ay qalmışdı. Ancaq sən tez gəlmək istədin .Sentyabrın 28-i axsam saat 21.00 idi - həyatımın ən kədərli dəqiqələrinin başlayacağı an .Birdən özümdə qəribəliklər hiss etdim .Mənə dəhşətli ağrılar verdin. Haradan biləydim ki, sən gəlmək istəyirsən. Bunu çox gec anladım. Xəstəxanaya güclə çatdıq və hər şey yarım saat ərzində baş verdi. Sən bu dünyaya gəldin. Oğlum, səni ilk gördüyümdə "Bu balacadır, yaşamayacaq"- dedim. Bağırdım, ağladım. Həkimlər məni aldatmağa, sakit etməyə çalışsa da sənin məni qoyub gedəcəyinə əmin idim. Səni bir dəfə də qucağıma ala bilmədən, bir dəfə o gözəl qoxunu duymadan məndən alıb sənin kimi körpələrin olduğu xəstəxanaya apardılar. İki gün sənsiz məcburi yatdığım xəstəxana mənə cəhənnəm əzabı yaşatdı . 2 gün sonra mən də sənin yanına gəlməyə hazırlaşdım. Oradakı başqa analar əllərində gül,qucaqlarında körpə ilə çıxdı. Mən isə ağlayaraq, qucağı boş çıxdım .Və sənin yanına gəldim .Sən xüsusi bir küvəzdə yatırdın.Balaca əllərinə iynələr, sistemlər taxılmışdı. O an sanki dünya başıma yıxıldı .Həkimlər sənin üçün "3 gündən çıxarsa, yaşamaq ümidi var" demişdir . 3 günün saatlarını səbirsizliklə sayırdım. Birdən ürəyim yanmağa başladı, nəfəs ala bilmədim, həyətimizdən qışqırıq səsləri eşidildi.Nənən xəstəxanadan zəng vurmuşdu. Sənin vəziyyətinin ağırlaşdığını  söyləmişdi. Atanla mən sənin yanına gəlməyə hazırlaşırdıq. Birdən telefon zəng çaldı, nənən sənin daha bu dünyada olmadığını söylədi. Dünya başıma uçdu, nəfəsim kəsildi və yalnız "Yox!"- deyə qışqıra bildim. Bütün yol boyu sənə çatana qədər yalnız Allahıma yalvardım ki, eşitdiyim söz yalan olsun .Amma yalan deyildi .Sən artıq həyatda deyildin. Məni öz yoxluğunla tək buraxmışdın .Atanı və ananı unuda bilməyəcəkləri dərdə salıb son mənzilə getmişdin.

Heç bir ananın belə bir vəziyyətə düşməməsini Allahdan arzu edirəm.

Allah övladlarınızı qorusun. Amin! 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

gidi-5577