15.06.2013-09:00

• Etiraflar

57 242

30

Dünəndən bu günə...

Çox şeylər dəyişib yaxşılığa və pisliyə doğru. Və bunun qarşısını almağa qadir deyiləm və ya bəlkə də özüm bunların baş verməsinə səbəb olmuşam?  Bəlkə də...

Hər halda keçənə güzəşt deyib, ata-babalarımız. Yəqin ki, bu da taleyimin bir hissəsi imiş.

Əgər əvvəllər məndən soruşsaydılar ki, həyatında ən vacib şey nədir, heç fikirləşmədən həyatım deyərdim. Ancaq indi məni həyatda yaşadan yalnızca şeirlərimdir, hə bir də işim.

İnsan həyatın eybəcərliklərini o qədər görür ki, axırda həyata, özünə də nifrət edir. Mən də həmçinin. İndi artıq insanların mənim haqqımda nə fikirləşdiyi mənim üçün maraqlı deyil, hətta sevdiklərimin belə.

Bəlkə mənim şeirlərim o qədər də gözəl, effektli deyi,l ancaq bu da mənim qələmimin məhsuludur. Şeirlərim mənə çox əzizdir, çünki onların hər birində mənim həyatımın bir hissəsi var.  Mən  öz şeirlərimdə hiss etdiklərimi yazmışam.

Əgər şerim itsə mən ölərəm,

Bəlkə yanıb, külə dönərəm,

Güc alıb geriyə dönərəm,

Şeirə yeni bir don verərəm.

Və ya: 

Buraxın siz məni, azad buraxın,

Mən ölüncə belə qalmaq istərəm,

Şeirlə yaşayıb, şeirlə ölüb,

Bəlkə şerin özü olmaq istərəm? 

İndi baxın, şeirin mənə nə qədər əziz olduğuna! Şeir mənim  özümdür və həyatımın mənası, həm də ki həyata baxan bir cüt gözümdür.

Beləliklə, şeir mənim sevdiyim və nifrət etdiyim insanlara qarşı bəslədiyim hisslərin məcmusudur ki, mən də məhz öz hisslərimi- şerlərimi ağ vərəqlərə yazmaqla təsəlli tapıram. Yəni, şeir mənim tək vurğun olduğum insan, həm də dostumdur.             

Şeir mənim tək dostumdur,

Bəlkə də bu  bir ovsundur,

Çox sehirli bir qüvvədir,

Verdiyi həzz cazibədir. 

İnsanların günahı, səhvi ola bilər , amma şerlər qəlblərdən günahsız şəkildə ağ vərəqlərə süzülən kəlmələrdir. Çox məsumdu şerlər, insan  onu necə istəsə şəkilləndirə bilir.  Həm də şerlər vəfalıdır, şən günündə, kədərli anlarında insanın yanında olur. Cansız kimi görünsə belə, qarşındakı insana sənin nələr yaşadığını, hansı əzablara dözdüyünü ifadə edir. Hərdən düşünürəm mən yaza bilməsəydim nə edərdim? Ürəyim partlayardı bəlkə də qəlbimdə qalan hisslərdən, dərddən, kədərdən...

Çox şükürlər Yaradana ki, insana az və ya çox dərəcədə yazmaq bacarığı verib, mən də şer yazmaqla qəlbimdə demək istəyib də deyə bilmədiyim sözləri, sevincimi, acılarımı sizlərlə paylaşıram. 

Şeir həyatımın təməli və çıxış nöqtəsidir! 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Endless Love