Milli Qəhrəman Namiq Allahverdiyev

27.02.2014-15:10

6 292

Bütün yüksəkliklərdən ucada dayanan bir zirvə var: şəhidlik zirvəsi. Bu zirvəyə qalxmaq hər kəsə nəsib olmur. Yalnız müqəddəs amallar uğrunda çarpışan, qorxu nə olduğunu bilməyən, Vətən və xalq yolunda canını fəda etməkdən çəkinməyən cəsarətli, ləyaqətli insanlar yüksələ bilərlər bu uca zirvəyə.

Bu yüksəkliyə ucalan insanlar ölmürlər. Əksinə, ölümləri ilə əbədilik qazanırlar. Xalq şairi Bəxtiyar Vahabzadə şəhidləri belə vəsf etmişdir:

Qatil gülləsinə qurban gedərkən,

Gözünü sabaha dikdi şəhidlər!

Üç rəngli bayrağı öz qanlarıyla,

Vətən göylərinə çəkdi şəhidlər.

İllər ötüb, qərinələr dolaşsa da, şəhidlər heç zaman unudulmur. Həmişə minnətdarlıq duyğuları ilə yada salınır, xatirələrinə dərin ehtiram bəslənilir. Azadlığı, müstəqilliyi, babalardan miras qalan torpağı uğrunda oğlunu, qızını şəhid verən xalq xoşbəxt xalqdır. Bu mənada Azərbaycan xalqının qürur hissi keçirməyə, başını uca tutmağa tam mənəvi haqqı var. Azərbaycanın müstəqilliyi, torpaqlarımızın toxunulmazlığı uğrunda canlarını fəda etmiş şəhidləri müqəddəs bir amal birləşdirirdi: "Biz gəldi-gedərik, təki Vətən yaşasın!"

Namiq Müslüm oğlu Allahverdiyev (1967-1992) Beyləqan rayonunda anadan olmuşdur. Şəhər 1 nömrəli orta məktəbini bitirdikdən sonra əmək fəaliyyətinə başlamışdır. 1985-ci ildə həqiqi hərbi xidmətə çağırılıb. Hərbi xidmətini Moskva ətrafında başa vurduqdan sonra ata yurdu Beyləqana qayıdıb.

1990-cı ildə Xalq Cəbhəsinin xətti ilə könüllü surətdə torpaqlarımızı yağılardan qorumaq üçün Qubadlı rayonunun Əmiquluuşağı kəndinin müdafiəsinə yollanıb. Döyüş yolu Laçın, Qubadlı rayonlarından və Xocavəndin Tuğ kəndindən keçib. 31 avqust 1991-ci ildə Azərbaycan Respublikası Daxili İşlər Nazirliyinin Xüsusi Təyinatlı Milis Dəstəsinə daxil olub.

Respublikamızın Ermənistanla sərhəd bölgələrində, Dağlıq Qarabağda, onun ətrafındakı Cəbrayıl, Füzuli, Goranboy, Ağdam, Xocalı, Qazax, Laçın və Tərtər rayonlarında azğın düşmənə qarşı qəhrəmanlıqla vuruşub.

1992-ci il iyunun 2-də polis serjantı Namiq Allahverdiyevin vuruşduğu dəstə Tərtər rayonuna yola düşür. Az müddət içində Şıxarx (keçmiş Marquşevan), Həsənqaya, Birinci Çaylı, İkinci çaylı kəndləri düşmənlərdən azad edilir. Bu uğurlu qələbələr düşmənlərimizi daha da azğınlaşdırır. Düşmən Tərtərdə Cəmilli adlanan təpəyə hücuma hazırlaşırdı. Namiqgilin dəstəsi düşməni qabaqlamaq üçün iyulun 9-da, səhərin ala-toranında həmin zirvəyə yola düşür. Onlar zirvəyə qalxan zaman güclü partlayış baş verir. Namiqin qara gözlərinə qatı zülmət çökür. O, Vətən torpağı uğrunda gedən döyüşdə qəhrəmanlıqla həlak olur.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Allahverdiyev Namiq Müslüm oğlu ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhərindəki Şəhidlər Xiyabanında dəfn edilmişdir. Beyləqan rayonundakı 1 saylı orta məktəb qəhrəmanımızın adını daşıyır.

Namiq Allahverdiyev subay idi.

Şikayət et

nilu

Bənzər xəbərlər...

Uğrunda can verdiyimiz müqəddəs bayrağımız

"Şəhidlər ölməz, Vətən bölünməz" Biləsuvarda..

"20 yanvar şəhidləri İslam aləminin şəhidləri kimi tanınmalıdır"

- ŞƏRHLƏR

№ 25 - Müəllif: Deniz84

Qatil gülləsinə qurban gedərkən,
Gözünü sabaha dikdi şəhidlər!
Üç rəngli bayrağı öz qanlarıyla,
Vətən göylərinə çəkdi şəhidlər. recourse

imza:Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.

№ 24 - Müəllif: remis1977

ALLAH BÜTÜN ŞƏHİDLƏRİMİZƏ RƏHMƏT ETSİN.MÜHARİBƏDƏ ÇOX GƏNCLƏRİMİZİ İTİRDİK

№ 23 - Müəllif: ESNA_2012

Allah butun shehidlerimize rehmet etsin,cox tesirli xeberdi,hazirlayana cox sag ol dushur.

№ 22 - Müəllif: gГјney azərbayjan

Allah rəhmət eləsin yaşasın azərbaycan

ЫЊШ§ШґШ§ШіЫЊЩ† Ш§Ш°ШІШ±ШЁШ§ЫЊШ¬Ш§Щ†

№ 21 - Müəllif: QADIN.AZERI

Mekani cennet olun!

№ 20 - Müəllif: Ryos

Allah rehmet elasin..Mekani cennet olsun.

imza:Ne yaxshiki varsan ❤️

№ 19 - Müəllif: rana969

Allah rəhmət eləsin məkanı cənnət olsun Amin İnşAllah. Şəhidlər heç vaxt ölmür onlar bizlərin qəlbimizdə daim yaşayır.

№ 18 - Müəllif: AYKA_57

Allah rehmet elesin

№ 17 - Müəllif: Milana.M

NiCaT_NiLuFeR
Allah ölənlərivizə rəhmət eləsin.Namiq mənim dayımdı və fəxr edirəm ki Vətən uğrunda şəhid olub!

Allah rəhmət etsin Nilüfər. Namiq təkcə sənin dayın olmaqla yanaşı,Azərbaycan xalqının daha bir qəhrəman igid oğludur. Və məhz bu xəbərinlə onu bizlərə tanıtdığın üçün sənə təşəkkür edirəm. Hər bir azərbaycanlı şəhidləri ziyarət etməli, onlara Allahdan Rəhmət diləməlidir. Şəhidlərimizin qanı bahasına indi Azərbaycan ayaq üstdədir. Vətən uğrunda ölmək ən böyük şərəfdir.

imza:Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAДћA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!

№ 16 - Müəllif: Senindostun

Sehidler olmurler!unudulmurlar!mumkunse xeberinizi silsile hazirlayin,her defe bir qehreman haqda melumat verin buna her birimizin ehtiyacimiz var!Bu xeber ucun minnetdaram size.