Qaranlığın sonu- yeni həyatın başlanğıcı... Yeni bir "can" dünyaya gəlir...
"Göz açmamış" tələb edir- ciyərlərinə dolan ilk havanın verdiyi ağrının faydasını anlamır, etiraz olaraq, ağlayaraq rahatlıq tələb edir. Ağrı keçir- xoşbəxtdir...
Kiçicik mədəsi qida tələb edir- yenə ağlayır, istəyir, doyur- xoşbəxtdir...
Ana qucağı tələb edir- isti qollara qovuşunca- xoşbəxtdir...
Sevimli oyuncağı ona bağışlananda- xoşbəxtdir...
Valideylərinin əllərindən tutaraq gəzinti arzusuna çatanda- xoşbəxtdir...
Məktəbdən "əla" qiymət müqabilində "tərif" görəndə- xoşbəxtdir...
İlk sevgisinə qarşılıq hiss edəndə- xoşbəxtdir...
Arzusunda olduğu bahalı libası əldə edəndə- xoşbəxtdir...
"Tələbə" adı qazananda- xoşbəxtdir...
Yüksək gəlirli iş əldə etdikdə- xoşbəxtdir...
Ev, avtomobil sahibi olduqda- xoşbəxtdir...
Sevdiyi ilə ailə quranda- xoşbəxtdir...
Qucağında körpə nəfəsi hiss edtikdə- xoşbəxtdir...
Xoşbəxtdir... xoşbəxtdir...
Amma, xoşbəxtdirmi?.. Xoşbəxt olmaq üçün daim nələrsə əldə etməlidir, doymayan göz sahibi insan... Ayıl!
Bütün əldə etdiklərinin Sahibi var... Heç bir şey "özününkü" deyil... "Mənim" deyə biləcəyin nəyin var? Yarandığı nütfə də, nəfəs aldığı hava da, gedəcəyi torpaq da, canından çox sevdikləri də, o özü də Yaradana məxsusdur
(Maidə/120:Göylərin, yerin və onlarda olanların mülkü Allahındır. Və O, hər şeyə qadirdir.)
Heç bir şeyin sahibi olmayan varlıqmı yaratmış Yaradan? Ey cahil insan, Ulu Yaradan hər bir şeyi, sevgi ilə ərsəyə gətirdiyi insan üçün yaratmış. Amma! İnsanı da özü üçün yaratmış! Kainat sənin əmrindəykən,( 45/Caziyə-13: Və göylərdə və yerdə olanların hamısını özündən (bir lütf olaraq) sizə musahhar (əmrə hazır) etdi. Şübhəsiz ki, bunda, təfəkkür edən bir qövm üçün mütləq ayələr (ibrətlər) vardır.) niyə xoşbəxt deyilsən, ey insan oğlu? Nədir səninlə "tam xoşbəxtlik" arasındakı maneə? Bəlkə... Bəlkə Yaradana ibadət?.. Onun lütf etdiklərindən Ona yaxınlaşmaq üçün istifadə etməliykən, niyə əksinə- Ondan uzaqlaşırsan?
(6/Ənam-32 : Dünya həyatı bir oyun və əyləncədən başqa bir şey deyil. Axirət yurdu, təqva sahibləri üçün əlbəttə daha xeyirlidir. Hələ ağıl etməzsinizmi? ) Axı, yaranma səbəbin dünya üçün çabalamaq deyil, Ona, Rəbbinə, Yaradanına qul olmaqdır! (51/Zəriyat-56 : Cin və insanları yalnız Mənə ibadət etmələri üçün yaratmışam. )
İllərdir ibadət edirsən, başını səcdəyə qoyursan, Rəbbin hər bir istəyini vermiş... Bəs nədir içindəki bu sıxıntı, niyə yenə də "yarımçıq"dır bu həyat? Yenə də "Niyə"lər içində bir yaşam?.. Naşükürsənmi? " Allahım, verdiyin hər bir nemətə şükür!" deyirsən... Amma... Amma, bu "O" deyil... axtardığın deyil...
Nədir axtardığın? Bilmirsən... Sevgi... Əsil Sevgi..." Off, çarəsizəm Allahım!" deyirsən. Qıldığın namazlardan sonra göz yaşlarıyla islanmış səccadə deyilmi axtardığının cavabı?...
"Çarəsizsiz?- Çarə sizsiz!" deyir bir gün bir səs!.. Axı, çarə Allahdır!- Çarə içindəki istək toxumudur! Sən istəyəcəksən- Allah çarə edəcək. O qapını sən döyəcəksən ki, açılsın...
Az da olsa istədinmi? Qəlbindəki o "istək, dilək toxumu"nu gördünmü? O kiçicik toxumdur çarən, qurtuluş o dilək toxumundadır. Axtar onu. Rəbbin buyurub ki, bəndə qəlbi ilə Ona yönələrsə, mütləq istəyinə- Ona tərəf qayıdan kəsi Özünə doğru yönəldir. ( Şura 13/...Allah, dilədiyini Özünə seçər və Ona yönələni, Özünə çatdırar). Elə isə, nə durmusan? Niyə özünə əzab verirsən? Qəlbindəki zülmət, kiçicik toxumu görməyə imkan vermir... Məğlub olma ey əmanətlərin daşıyıcısı! Çox istə! Lap çox! Dəlicəsinə istə Onu! Rəbbinin hüzurunda gözlərin sevgi çeşməsi olurmu?
Diqqətlə bax- gördünmü sevgi suları zülməti azacıq yudu? Gördünmü o istək o dilək toxumunu? Artıq əldən vermə onu! Qədrini bil! Qoyma zülmət yenə də udsun onu! Haydı, nə durmusan? O toxumun cücərməyə, ucalmağa ehtiyacı var! Necəmi? Ona çatdıracaq vəsiləni istəməklə, tapmaqla. (5/Maidə-35 : Ey iman gətirənlər, Allahdan qorxun, Ona (yaxınlaşmaq üçün dərgahına yaxın olanlardan və saleh əməllərdən Ona) tərəf vasitə axtarın və Onun yolunda cihad edin, bəlkə nicat tapdınız.)...
Rəbbinin qüdrətinə şahid oldunmu? Ona çatdıracaq vəsiləni sevdinmi? Gördünmü bir istək, təkcə bir qovuşmaq diləyi nələrə qadirdir? (48/Fətih-10 Həqiqətən (Hüdeybiyyədə) sənə beyət edənlər əslində Allaha beyət edirlər. (Sənin) onların əlinin üstündə olan (əlin) Allahın əlidir (Allah sənin bütün bədənində təcəlli etdiyi üçün əllərində də təcəlli etmiş olduğundan). Buna görə də kim əhdi pozsa, yalnız öz ziyanına pozur və kim barəsində Allahla əhd bağladığı şeyə vəfa etsə (Allah) tezliklə ona böyük bir mükafat verəcəkdir.)O əli tutduğun gün Rəbbinin möcüzəsini vücudunda hiss etdinmi? Səcdəyə qapanaraq: "Allahım! Sonsuz Həmd və Şükür olsun! Günah girdabında olmağıma baxmayaraq, zavallı bəndənin üzərində təcəlli etdiyin üçün, ölənədək başımı səcdədən qaldırmasam- yenə də yetməz, Rəbbim, yetməz!"- deyə etdiyin fəryadını Rəbbin duydu, o İlahi ki, qəlblərdə gizli olanı biləndir! (35/Fətir-38 : Şübhəsiz ki Allah, göylərin və yerin qeybini biləndir. Şübhəsiz ki O, sinələrdə olanı ən yaxşı biləndir.)
İndi necə, sıxıntın keçdimi? Əvvəlki və indiki xoşbəxtlik arasındakı fərqi hiss edirsənmi? Dünyanın verdiyi sevinclə, Rəbbinin verdiyi sevinc arasında bir uçurum var, deyilmi?
İndi o toxum cücərdi, hələ çox kiçikdir, amma, verdiyi xoşbəxtliyə,saçdığı nura bir bax! Axı, O, əsl eşq,əsl sevgi,dilək toxumudur!Onu sevgilinin zikri ilə suvar,nə qədər çox suvarsan-o qədər də bəhrəsini görəcəksən inşaAllah!... O qol- budaq atdıqca qəlbindəki qaranlıqları söküb atacaq, Rəbbinin Nuru ilə nurlanacaq!..
Küləklər əsəcək,o cücərtini kökündən qoparmaq istəyənlər olacaq... Amma, sən təki suyunu, qidasını (zikrini) əksik etmə,o toxumun buna çox ehtiyacı var!... Bəzən də sənin əvəzinə O "yağışlar yağdiracaq"... Toxum bir gün uca ağac olacaq... Ona yaxınlaşacaq...O da, həsrətlə titrəyən budaqları Özunə çəkəcək... "Sevgili"nin zikri ilə qidalanmış yamyaşıl budaqlar artiq Vuslata ərmiş... Məbudunun yanındaykən, çəkişməkdən bərkimiş gövdəni "yer"in küləkləri qorxutmaz...
XƏBƏR LENTİ
İtalyan nuqası (foto resept)
Uşaq poliklinikalarında hansı xidmətlər göstərilməlidir?
Günün ulduz falı
Məşhur futbolçu çoxarvadlı olduğunu Etiraf etdi-FOTO
Varlı ölkələrdə təqaüd yaşı ən azı 70 olacaq
Karantində çox yeməyin qarşısını necə almalı?
Azərbaycanda geni dəyişdirilmiş bitki və bitki materiallarının istifadəsi qadağan edilir
2015-Kəs və yapışdır-8
"Hercai" serialının ulduzuna İsraildən reklam təklifi
Panasonic plazma televizorlardan imtina edir
Analar və qızları
Saç boyanızı bəyənmədiniz?
Bayram günü üçüncü dəfə ana oldu - FOTO
Bu filmlərə baxmaq pulsuzdur!
Karamelli tart (foto resept)
Meqan Markl kral sarayını tərk edir-SƏBƏB
60 min qərbli qadın İŞİD sıralarında
Azərbaycanda nikahdan kənar uşaqlar daha çox - BU BÖLGƏDƏ DOДћULURLAR
Türkiyədə iğtişaşlar başladı
Çardaq dekorasiyası
Yaxşı dostun hansı xüsusiyyətləri olmalıdır?
Fermerlərə əlavə pul veriləcək
Koronavirusun yayılmasının qarşısını alan ƏN EFFEKTLİ ÜSUL açıqlandı
Maradonadan şok iddia: Yadplanetlilər məni...
“Öz” idman növünü necə seçməli?
Günün qoroskopu: Deyilənlər əsassızdır
Serdar Ortaç yeni sevgili tapdı?-FOTO
"Twitter"dən sərt addım
Namaz IV Dərs-Dəstəmaz
Sevgililər günü üçün hədiyyələr
Mətbəximizin möcüzəsi
Yatmağa kömək edən qidalar
Azərbaycanın şimal sərhədlərində koronavirusa ilk yoluxma qeydə alındı
HAVA necə olacaq?- 20 APREL
Dovğa göyərtisinin doğranılması
"Yasin" surəsini oxumağın gizli təsirləri
Dəniz Akkaya aksessuarları ilə diqqət çəkdi-FOTO
Rusiya mətbuatı azərbaycanlı səyahətçiyə heyran olub
4 qat dünya çempionu Van Damın məşhur hərəkətini təkrarladı - VİDEO
Düşmən Suqovuşanda erməni cəsədlərini yığan sanitar maşını vurub
Facebook insan həyatını qurtardı
Çəltik (düyü)
Koronavirusla bağlı son STATİSTİKA
Payızda yaz havası
Çox yaşamağın asan sirri
Obama rusların Suriyadakı əməliyyatlarını tənqid etdi
Böyük sinəli xanımlar necə geyinməli
İşsizlər işlə təmin olunub
Azərbaycan əhalisi İlham Əliyevə etibar edir
Kilimancaro dağının ətəklərində təbii həyat
- ŞƏRHLƏR