Bu gün Ağdərə rayonunun Ermənistan silahlı qüvvələri tərəfindən işğalının 26-cı ildönümüdür.
Qadin.Net bildirir ki, iyirmi altı il əvvəl –1993-cü il iyulun 7-də ermənilər Xankəndidən 62 kilometr şimalda yerləşən və ümumi ərazisi 1705 kvadratkilometr olan, həmçinin keçmiş Dağlıq Qarabağ Muxtar Vilayətinin tərkibinə daxil olan beş inzibati rayondan biri - Ağdərə rayonu və onun kəndlərini işğal ediblər.
İşğala qədər Ağdərənin 14 kəndində (Sırxavənd, Bəşirlər, Qaraşlar, Qaralar, Baş Güneypəyə, Orta Güney, Xatınbəyli, Manikli, Tellibinə, Narınclar, Çərəktar, İmarət-Qərvənd, Umudlu, Yeni Qaralar) və Gəncxana sovxoz qəsəbəsində 14 mindən çox azərbaycanlı yaşayıb və işğal zamanı rayonun bütün əhalisi öz doğma yurdlarından məcburən köçkün düşərək hazırda Azərbaycanın müxtəlif bölgələrində məskunlaşıblar.
Hazırda işğal altında olan Ağdərə rayonunun 8 kəndi və onlara məxsus torpaq sahələri Ağdam rayonunun, 23 kəndi və onlara məxsus torpaq sahələri Kəlbəcər rayonunun, Ağdərə şəhəri və 13 kəndi və onlara məxsus torpaq sahələri Tərtər rayonunun inzibati tərkibindədir. Ağdərənin rayon tipli iki qəsəbəsi, 57 kəndi, 67 klubu, 51 kitabxanası, 30 orta məktəbi, 7 xəstəxanası, 1 texniki peşə məktəbi işğal altındadır.
Əsasən dağlıq, şərq hissəsi isə düzənliklərdən ibarət olan Ağdərə faydalı qazıntılarla – polimetal yatağı, əhəngdaşı və gipslə zəngindir. Ağdərə Dağlıq Qarabağın mühüm kənd təsərrüfatı rayonlarından idi, iqtisadiyyatında üzümçülük, taxılçılıq, tütünçülük və heyvandarlıq əsas yer tuturdu. Tərtər çayı dərəsi boyunca Azərbaycanın yuxarı və aşağı Qarabağını birləşdirən karvan və avtomobil yolları var idi. Ağdərənin qədim memarlıq abidələri və qədim körpüləri, müqəddəs ziyarətgahı Ulduztəpə piri də düşmən tapdağındadır. Memarlıq abidələrindən Vəngli kəndindəki məşhur Gəncəsər alban məbədi, Kolatağ kəndində müqəddəs İako məbədi (635-ci il), Talış kəndi yaxınlığında Urek məbədi (XII əsr), Tərtər çayının yuxarı axarında məbəd (XIII əsr), Hatəm Məlik qalası, bir çox qədim məbədlər və tarixən salınmış körpülər, eləcə də bütün abidələr Ermənistan silahlı qüvvələri tərəfindən dağıdılıb və mənimsənilib.
Hazırda Ermənistan Respublikası işğal etdiyi Ağdərə rayonunun sərvətlərinin talan edilməsi üçün beynəlxalq hüquqa zidd əməllər həyata keçirir. Tərtər çayı üzərində salınmış Sərsəng su anbarı ilə əlaqədar yaranmış vəziyyətə görə ciddi narahatlıq Avropa Şurası Parlament Assambleyasının 2085 (2016) saylı qətnaməsində də öz əksini tapıb. Avropa Şurası Parlament Assambleyasının qəbul etdiyi qətnamədə qəsdən süni ekoloji böhranın yaradılması “ekoloji təcavüz” kimi qiymətləndirilib, ekoloji fəlakət sahələri yaratmaq və həmin ərazilərdə yaşayan əhalinin normal həyatını qeyri-mümkün etmək bir dövlətin digər dövlətə qarşı düşməncəsinə hərəkəti kimi qəbul edilməli olduğu, Sərsəng bəndinin baxımsızlığının xeyli sayda insan itkisi və mümkün yeni humanitar böhranla müşayiət olunan böyük fəlakətlə nəticələnə biləcəyi vurğulanıb. Bu qətnamədə Ermənistan silahlı qüvvələrinin Sərsəng bölgəsindən dərhal geri çəkilməsi, Ermənistan hakimiyyətinin su ehtiyatlarından münaqişə tərəflərinin yalnız birinin xeyrinə siyasi təsir, yaxud təzyiq vasitəsi kimi istifadə etməsini dayandırması tələb edilir.
Dağlıq Qarabağın erməni icmasının öz müqəddəratını təyin etmək cəhdi kimi qələmə verdiyi Ermənistanın bu hərbi təcavüzü Azərbaycanın işğal olunmuş ərazilərindən 1 milyondan çox əhalinin öz doğma torpağından məcburən köçkün düşməsinə gətirib çıxarıb və hazırda bütün dövrlərdə olduğu kimi, ermənilərin həyata keçirdiyi bu işğalçılıq siyasəti kütləvi qırğınlarla müşayiət olunub. Belə ki, 1988-1993-cü illərdə Ermənistanın hərbi təcavüzü nəticəsində 20 min nəfər azərbaycanlı həlak olub, 100 min nəfərdən çoxu yaralanıb, 50 min nəfər isə müxtəlif dərəcəli xəsarət alaraq əlil olub. XX əsrin sonunda monoetnik dövlət yaratmağa nail olan Ermənistanın təcavüzü nəticəsində Azərbaycanın Dağlıq Qarabağ bölgəsi və onun inzibati-ərazisinə aidiyyəti olmayan Laçın, Kəlbəcər, Ağdam, Füzuli, Cəbrayıl, Qubadlı və Zəngilan bölgələri işğal edilib. Bütün bu ərazilər ermənilər tərəfindən etnik təmizləməyə məruz qalıb.
Ümumilikdə, 1988-1993-cü illərdə Ermənistanın hərbi təcavüzü nəticəsində Azərbaycanın tarixi, memarlıq və dini abidələri, xüsusilə 600-dən çox tarixi və memarlıq abidəsi, onlardan 144 məbəd və 67 məscid Ermənistan silahlı qüvvələri tərəfindən tamamilə dağıdılıb. Bununla yanaşı, 40 min eksponatın qorunduğu 22 muzey, 927 kitabxanada 4,6 milyon kitab və qiymətli tarixi əlyazma məhv edilib, o cümlədən Azərbaycanın tarixi irsinə aid olan qiymətli nümunələr muzeylərdən oğurlanaraq sonradan müxtəlif hərraclarda satılıb.
XƏBƏR LENTİ
Nigeriyada məscid partladıldı: 64 ölü, 126 yaralı
Toppuş bacı" bu verilişi aparacaq
Günahsız yerə 25 il həbsdə yatdı, çıxanda milyonçu oldu
Amnesty İnternational İsraili biabır etdi
Koronavirusla bağlı son STATİSTİKA
Son bir gündə dünyada rekord sayda koronavirusa yoluxma təsdiqlənib
Göydən kül yağdı
Telefonunuzun dinlənildiyini necə müəyyən edə bilərsiniz?
DTX-dən əməliyyat: Yaralı qazilərin bank kartlarını ələ keçirən şəxs tutuldu - VİDEO
Azərbaycanda qatar biletləri ucuzlaşdı
Hansı kişilər kök qadınları sevirlər?
Bakıda Ebola virusu? 8 nəfər həkimə müraciət etdi
Brilyant gitara satışa çıxarılır
Günün qoroskopu: özünüzü detektiv kimi hiss edəcəksiniz
Nebahat Çehre karantin qadağasını pozdu-FOTO
Günün ulduz falı - 15.08.2013
Şüuraltı
Yeni il tortları
İlham Əliyev və xanımı Mehriban Əliyeva Bakı Konqres Mərkəzinin açılışında iştirak ediblər
İlham Əliyev Qarabağdakı PKK düşərgələrindən danışdı: “Məhv edəcəyik”
Toxumağı öyrənək (dərs-5)
Şəfqət timsalı: it pişiyə atalıq edir - FOTO
Xəzərətrafı ərazidə təmizlik aksiyası keçirilib
Bu filmi izləmək üçün əsgərlikdən qaçdı-FOTO
Məşhur model canlı yayımda hər kəsi təəccübləndirdi - FOTO
Tələbələrə təqaüdlərin ödənilməsi qaydasında dəyişiklik edilib
Ürək sağlamlığı üçün məşqlər
Moskva son illərin ən soyuq qışını yaşayır
Bu yeməklər narkotikdən betərdir
Bakı aeroportunda vəziyyət necədir?
Fransada Limon festivalı
LG kosmetika buraxacaq
Qısa boylu xanımlar necə geyinməlidir?
Azərbaycanda Əfv Sərəncamının icrasına başlanılıb
Mədə qıcqırması və müalicəsi
"Qalatasaray"dan transfer bombası
HAVA necə olacaq? 22 MAY
Dəbli ev dekorasiyaları
Kəs və yapışdır-59
Çindən növbəti möcüzə
Bakının bir məktəbində dərslər ləğv edildi
Azərbaycan hərbçiləri Moskvaya yola düşdü
Ordumuzda “Həyəcan” siqnalı
"Ağıllı lövhə"lərin şagirdlərin sağlamlığı baxımından şübhə doğurduğu məqamlar
"iPhone-6" bu cür olacaq? - FOTO
Bir ildir Yaşarsızıq, unutmadıq
"Qarabağ" Salvador millisinin üzvünü istəyir
Kleopatranın gözəllik sirləri
Naomi Kempbell Ceylonun paltarında-FOTO
Artıq 5G sınanır