Hindistanın ən zəngin iş adamlarından biri, "almaz kralı" kimi tanınan milyarder Maheş Savani kasıb ailələrdən olan 251 qızın toy və cehizlik xərclərini tam ödəyib.
Qadin.Net bildirir ki, Milli.Az Hindustan Times-a istinadən bildirir ki, ilin toyu Hindistanın qərbindəki Qucarat ştatında, Surat şəhərində olub.
M.Savani yoxsul ailələrdən olan 251 qızı "Kanyadaan" adlı adətə uyğun olaraq cehizlə təmin edib, sonra da onları eyni gündə, bir toyda ərə verib.
Ataları olmayan, toy mərasiminə yollanan hər qızın bahalı gəlinlik paltarları, qızıl bəzəkləri də "ata" rolunu oynamış Savaninin hesabına alınıb.
Toyu olan qızlar arasında 5 müsəlman və bir xristian da vardı.
Gəlinlərin hər birinə 7400 dollarlıq mebel və ev əşyaları da hədiyyə olunub.
Maheş Savani 2012-ci ildən bəri hər il atasız qızların toylarını edir, bütün xərcləri ödəyir.
XƏBƏR LENTİ
