Ağcabədi rayonunun Minəxorlu kəndi yaxınlığında - Qarqarçayın yatağında eradan əvvəl VIII-VII əsrlər üçün səciyyəvi olan küplər aşkar edilib.
Milli.Az bildirir ki, AMEA-dan Trend-ə verilən məlumata görə, mədəniyyət nümunələrini çayın yaxınlığında təsərrüfat işləri ilə məşğul olan Minəxorlu kənd sakinləri tapıblar. Sakinlər bu barədə kənd icra nümayəndəliyinə və Ağcabədi rayon Mədəniyyət və Turizm Şöbəsinə məlumat veriblər. Daha sonra AMEA Arxeologiya və Etnoqrafiya İnstitutunun bölgədə tədqiqat aparan mütəxəssisləri bu barədə məlumatlandırılıblar.
Çay yatağında tədqiqat aparan AMEA Arxeologiya və Etnoqrafiya İnstitutunun aparıcı elmi işçisi, Mil-Qarabağ ekspedisiyasının Qalatəpə dəstəsinin rəhbəri Təvəkkül Əliyev bildirib ki, tapılan küplər bir-birindən 100-120 metr aralı, iki qrup halındadır. Hər qrupda yan-yana bir ox boyunca düzülmüş üç küp var. Burada kənarlarına iri çay daşları qoyulmuş ocaq yeri də diqqəti cəlb edir. Onun içərisi təmizlənərkən sarı gilli torpaqda kömür qalıqlarına, saxsı qırıntılarına və sümük parçalarına təsadüf olunub.
Küplərdən dördü təmizlənərək tam açılıb. Bad üsulu ilə düzəldilən və müxtəlif ölçüdə olan bu küplər torpağa dik basdırılıb, kənarları gəc məhlulu ilə suvanıb. Onların yuxarı hissəsi dağılıb, bəzilərinin enli köbəli və kənarları kəndirvari naxışlı ağız hissələri içərisinə tökülüb. Küplərin mövcud hündürlüyü 0,8 metrə yaxındır. Gövdə hissədə diametrləri 0,9-1,1 metrdir. Yalnız 1 küpün gövdəsində üfqi çubuqvari qulpu olan saxsı qaba rast gəlinib. Bütövlükdə isə küplərin ətrafında və içərisinə dolmuş torpaqda Erkən Dəmir dövrünün son mərhələsi - eradan əvvəl VIII-VII əsrlər üçün səciyyəvi olan xeyli nazik divarlı, qara cilalı, çərtmə naxışlı, bardaq tipli qab qırıqlarına təsadüf olunub.
"İlkin araşdırmalar Qarqarçay hövzəsində açılan küplərin də həmin dövrə aidliyini və maye (su və ya şərab) saxlanılan anbarın bir hissəsi olduğunu göstərir. Görünür, istiqamətini dəyişən Qarqarçay bu anbarın yerləşdiyi sahədən keçərək onu öz yatağının bir hissəsinə çevirib. Anbarın yaxınlığında - Qarqarçayın sol sahilində yerləşən və bəhs olunan dövrə aid zəngin yerüstü materialları olan Qurdlutəpə yaşayış məskəni ilə bağlılığını ehtimal etmək olar. Azərbaycan tarixinin nisbətən zəif öyrənilmiş dövrünə aid bu abidələrin tədqiqi maraq doğuran yeni nəticələr verə bilər", - deyə arxeoloq bildirib.
Təvəkkül Əliyev qeyd edib ki, Qarqarçay hövzəsi Azərbaycan tarixinin müxtəlif dövrlərini özündə əks etdirən arxeoloji abidələrlə zəngindir. Hələ XIX əsrin sonlarından bu abidələr tədqiqatçıların diqqətini cəlb edir. Çayın Qarabağın həm dağlıq, həm də aran hissəsinə düşən sahillərində Tunc və Erkən Dəmir dövrünə aid kurqana, daş qutu tipli qəbirlərə, Antik və Orta əsrlərə aid nekropol və yaşayış yerlərinə tez-tez rast gəlinir. AMEA Arxeologiya və Etnoqrafiya İnstitutunun Mil-Qarabağ arxeoloji ekspedisiyasının Qalatəpə dəstəsi artıq on ilə yaxındır Qarqarçayın sağ sahilində yerləşən qədim alban şəhər məskənində və onun yaxınlığındakı küp qəbirləri nekropolunda qazıntılar aparır. Dəstə, eyni zamanda, ətraf ərazilərdə kəşfiyyat-axtarış işlərini də həyata keçirir, təsərrüfat işləri zamanı aşkara çıxarılan yeni abidələri qeydə alıb sənədləşdirir.
Milli.Az
XƏBƏR LENTİ
15 yaşlı azərbaycanlı girov geri qaytarıldı
Giləmeyvəli tost
"Ölmüş" qız 29 il sonra cinsiyyətini dəyişərək geri döndü
Şəffaf smartfon göstərildi
HAVA necə olacaq?
Yaponiyada 2018-ci il doğum göstəricisi aşağıdır
Kişilər qadınlarda nə axtarır?
Mütəxəssislərdən sağlam bədənin sirləri
Gözəl görünmək üçün... ölməyə dəyərmi?
Türkiyənin görməli yerləri
Kerem Bürsin saç əkdirib
Su haqqında bilmədiklərimiz
Bu yaxınlarda çökən WhatsApp-dan xəbər var
Azərbaycana qış gəldi
Hikmətli sözlər
Tramp əhalinin 98 %-ni vergidən azad edir
Meteohəssas insanlara XƏBƏRDARLIQ
Neymar üçün mundial bitdi
65 yaşlı kişinin bu addımı hər kəsi TƏƏCCÜBLƏNDİRDİ-FOTO
Bu da bənzərsiz Mercedes S-Class
Yoqurt yeyin, sağlam olun (I hissə)
Məşhur tərzi: Chiara Ferragni
Zeytun salatı (foto-resept)
Alişanın xanımı 2 aya 20 kq arıqladı-FOTO
Azərbaycanda yumurtanın qiyməti kəskin ucuzlaşdı
Mən orucluyam!
Erməni nazir CNN-in sualları qarşısında aciz qaldı - VİDEO
Valideynlərə təcili kömək -1
Gimnastikanın daha iki növü Bakıda keçiriləcək birinci Avropa Oyunlarına salınıb
Təhsil xərcləri azaldılır
Ermənilər dinc sakini vurdu
Qışda şalı belə bağlayın - FOTO
Pazllar ("Tom və Cerri")
Armudun faydaları
Nostradamusdan daha az məşhur Azimov
İyirmi yaşlı qadın altı körpəni dünyaya gətirdi
Qızılaxtaran axtardığını tapdı
Qırmızı dırnaq manikürü
Ən böyük zərbə müsəlmana oldu
"Ken" 600 min dollar müqabilində "Barbie" oldu- FOTO
Seçki bülletenlərinin DSK-lara təqdim edilməsi sabah başa çatır
Pecenye M&M’S(foto resept)
HAVA necə olacaq?
Azərbaycanda hansı xəstəliklər ağır xəsarət hesab ediləcək?
"Sümüksüz qız" hər kəsin diqqətini çəkdi
Məşhur cütlükdən xeyirxah davranış
Ordumuz şəhid verdi
Hadisənin şəkli izləyicilərini təəccübləndirdi-FOTO
Valideyn məsuliyyətsizliyi: cəzalandırmaq çarədirmi?
Avropada tərk edilmiş binalar