Qoç - kuluar olaylar, pərdəarxası emosiyalar əhvalınızı korlaya bilər.
Səhhətinizlə bağlı gözlənilməyən problem də istisna deyil. Ruhdan düşməyin, narahat olmayın: hər şey əlinizdədir.
İşdə çalışdığınız texnika və ya avadanlıqda nasazlıq yarana bilər. Daxili narahatlıq, təlaş özünüzə inamı zəiflədərək zəiflik sindromu, müdafiəsizlik hissi yarada bilər.
Sadalanan məqamlar uğura nail olmağa, sakit və rəvan həyatınıza mane olacaq. Yaranmış problemlərin öhdəsindən gəlmək üçün intizamlı olun, bədxərclik etməyin.
Buğa - gün gərgin olacaq. Yeni planlar və layihələri həyata keçirməyə çalışmayın, rəhbərliyə inanmayın. Hər an hər şey dəyişə bilər.
Bununla belə, rəhbərliyin tapşırıqlarından qaçmayın, sizə tapşırılan işi tam yerinə yetirin. Şəraitin hər an qəfil dəyişməsindən narahat olmayın.
Şəraitin məhz qəfil dəyişikliyi sizə köhnə problemi həll etməyə imkan verəcək. Borcu qaytarmaq, vədi yerinə yetirmək, barışmaq və ya dəstək, sayğı tapmaq mümkündür.
Əkizlər - səhər saatlarından etibarən məqsədə doğru inamla irəliləyin. Müdaxilə cəhdlərinə fikir verməyin.
Rutin yaşamın adət etdiyiniz elementləri ilə vidalaşmaq sizin üçün çətin ola bilər.
Yaşam şəraitinin mənasız nüanslarından və köhnələrək önəmini itirmiş fraqmentlərindən qurtulmaq, ya da onlar üçün yeni tətbiq sahələri tapmaq mümkündür. Günün ikinci yarısında sizə yaxın, sevdiyiniz insanlarla münasibətlərin önəmi artacaq.
Daxili rahatlıq və razılıq hissləri yaradan işlərlə məşğul olun. Ailədə
əmlakla bağlı mübahisələr mümkündür. Siz nəyisə satmaq və ya almaq istəsəniz, etiraz eşidəcəksiniz.
Xərçəng - günün ilk saatlarından etibarən aktiv çalışın. Yaxın tərəfdaş və ya şəriklə təmaslarda diqqətli olun.
Niyyətiniz aydın və konkret olsa da, gərəkli səviyyədə deyil. Fəaliyyətiniz mütəhərrik təsir bağışlamır. Axşam saatlarına yaxın pul qazanmaq, gəlir əldə etmək şansı yaranacaq.
Axşam saatlarında çətin durum yarana bilər. Riskə gedin, qüvvələri səfərbər edin.
Bu gün başladığınız işlərin nəticlərini bir qədər gözləmək gərəkdir.
Səbrlə davranın.
Şir - günün ilk yarısında ünsiyyət, səfər və ya məlumat axtarışı sizin üçün önəmli olacaq. Konkret adamla dil tapa bimədiyiniz məsələni kollektivdə həll edə bilərsiniz.
Günün ikinci yarısında işlə bağlı məsələlər və ailə maraqları arasında
münaqişə yaranacaq. Bu təbii ziddiyyətlər ağır, amma qaçılmazdır.
Problemləri yalnız gecənin gec saatlarında həll edə biləcəksiniz.
Ailə münasibətləri və iş məsələləri sizin üçün mühümdür. Hər iki sahədə sizin üçün uğurlu məqamlar var.
Qız - gün bir qədər gərgin keçəcək. İkindi vaxtına qədər gərginlikdən hətta
həzz alacaq, maliyyə durumundan razı qalacaqsınız. Günün ikinci yarısında ətrafınızdakı insanlarla təmaslar sizə gəlir verəcək.
Səfər, təhsil, nəqliyyat vasitəsi və ya telefonla bağlı xərclər mümkündür. Amma az sonra həmin xərclərin effektini görəcəksiniz.
Yaxşı bələd olmadığınız şəxslərdən alınan məlumatlara tam inanmayın, illüziyaların qurbanı olmayın.
Tərəzi - yeni təşəbbüsləri günün ikinci yarısına qədər təxirə salın.
Səhər saatlarında cari işlərin axarında sədlər yaratmayın, rutin proseslərin yeni mərhələsini bitirin.
Ehtiyac yaranarsa iş və ya təhsildəki şərtlərlə ritmi dəyişməyə çalışın. Gərgiliyin təmkinlə çözülməsi sizdə rahatlıq hissi yaradacaq.
Daimi tərəfdaşlar və dostlar sizi tək qoymayacaqlar. Saat 15:20-dən sonra aktivliyiniz hələ də hiss olunacaq.
Yaşam və iş ortamının diqtə etdiyi məntiqə uyğun hərəkət edin, məcradan çıxmayın.
Buna rəğmən, ən səmimi hissləriniz bəzi adamlar tərəfindən münasibətləri gərginləşdirmək cəhdləri kimi qəbul oluna bilər.
Təmkininizi pozmayın. Bu gün olaylar sizə zərər verməyəcək.
Əqrəb - günün ilk yarısında önəmli, ciddi hadisələr və dəyişikliklər gözləməyin. Ümumi plan və ya ideya üçün çalışan kollektivdə işləriniz alına bilər.
Bilik, bacarıq və peşəkarlıq səviyyənizi nümayiş etdirə bilərsiniz. Günün yerdə qalan hissəsi maddi və maliyyə məsələlərinin nə qədər önəmli olduğunu göstərəcək.
Axşam saatlarına yaxın peşəkar fəaliyyətinizlə bağlı məsələlər və ailə maraqları arasında müəyyən təzadlar yarana bilər. Ailə üzvləri ilə təmaslarda diqqətli olun.
Narahat olmayın, təşvişə düşməyin. Bütün problemləri həll etmək olar.
Soyuqqanlı olun.
Oxatan - sərt və aqressiv olmayın, yaxın ətrafınızdakı insanlara sürəkli məsləhətlər vermək şakərindən bilmərrə imtina edin.
Söz yox, çətin olacaq - amam cəhd göstərin.
Şəxsi həyatınızda, ailə münasibətlərində xoşagəlməz problemlər yarana bilər. Dəyişikliklər olacaq.
Onlar hətta müsbət olsalar da, uyğunlaşmanız fiziki və mənəvi səylər tələb edəcək. Yeni təşəbbüslər, yeni işlər üçün əlverişli zaman deyil.
Oğlaq - yaranan şansların hamısından yararlanmaq üçün səbrli olun. Çoxdan bəri yarımçıq qalan, təxirə saldığınız problemləri həll edin, onların böyüməsinə imkan verməyin.
İrəliyə doğru hərəkətinizdə maneələr yaradan müşkülləri aramla çözün.
Günün ikinci yarısında yaxın ətrafınızdakı insanlardan birinin sizə sürpriz edəcəyi istisna deyil.
Önəmli, yeni, genişmiqyaslı layihəyə başlamaq üçün əlverişli vaxt deyil.
Dolça - qarışıq, amma uğur vəd edən gündür. Yaşamın çətin şərtlərinə səhər saatlarında cəsarətlə baxa bilərsiniz. Eqoizmə qapılmayın, qürrələnməyin.
Düşünməyin ki, hər şey arxada qalıb və bütün işlər başa çatıb. Yarımçıq problemlərin bitdiyini düşünərək getmiş qatarın arxasınca yumruq silkələməyin.
Günün ikinci yarısında ünsiyyət, səfər, informasiya, nəqliyyat və ya təhsillə bağlı görüləsi işlər formalaşır. Həmin işlər məsrəflər istəyir.
Balıqlar - bu gün başlamaq niyyətində olduğunuz işin xırdalıqlarına fikir verin. Yalançı vədlərə aldanmayın. Nüanslar və təfərrüatlar mühüm əhəmiyyətə malikdir.
Soyuqqanlı, təmkinli olun. Belə davranış yaxın ətrafınızdakı insanlar, tərəf-müqabillərinizlə normal əlaqələri şərtləndirəcək.
Çalışdığınız kollektivdə, evdə kiçik münaqişələr istisna deyil. Seçdiyiniz istiqamətdə fəal hərəkətlərin sonuclanacağı vaxt hələ yetişməyib.
Günün ikinci yarısı aktivliyi azaldın. Konkret planla bağlı şəxsi təşəbbüsləri bir qədər məhdudlaşdırmaq gərəkdir.
Mənbə: Milli.Az
XƏBƏR LENTİ
- ŞƏRHLƏR