Azərbaycan Respublikası Nazirlər Kabineti yanında Tərcümə Mərkəzinin növbəti nəşri - gənc Azərbaycan şairi Leyla Əliyevanın "Dünya yuxutək əriyir" kitabı işıq üzü görüb.
Milli.Az AZƏRTAC-a istinadən bildirir ki, kitaba toplanan şeirlərin sətri tərcüməsinin müəllifi Zahid Məmmədov, bədii tərcüməsinin müəllifi Afaq Məsuddur. Nəşrin redaktoru Yaşar Əliyev, bədii tərtibatçısı Aqil Əmrahovdur.
"Dünya yuxutək əriyir..." kitabı Leyla Əliyevanın Azərbaycan dilində nəşr olunan ilk şeirlər toplusudur. Kitab Afaq Məsudun şairin yaradıcılığı barədə fikirlərini bölüşdüyü "Buludlardan yuxarı" essesi ilə başlayır.
"Buludlardan yuxarı"
Oxuculara təqdim olunan bu şeirlər toplusu ədəbi mühitimizə "Getmə, ana", "Gedim bir az ağlayım", "Qu quşu", "Pərvanə", "Hərənin öz sonu", "Gözlərim kor olub" və digər bu kimi təsirli şeirləri ilə qədəm qoymuş gənc, istedadlı şair Leyla Əliyevanın Azərbaycan dilində nəşr olunan ilk kitabıdır. İlk qələm sınaqlarından başlayaraq fərqli dünyaduyumu, baxış bucağıyla seçilən, ağrıları, sevgiləri, havanın hərarətini, yağışın, çiskinin, çiçəyin qoxusunu həmişəyaşıl bitkitək özündə saxlamağı bacaran bu şeirlər artıq neçə illərdən bəridir ki, geniş, intellektual oxucu auditoriyasının marağını və məhəbbətini qazanıb.
Bu kitabı şairin bəzən parlaq günəşli yaşıl düzənliklərlə, bəzən isə ildırım və şimşək çaxıntıları dolu sıldırımlı, qasırğalı yollarla irəlilədiyi yaradıcılıq xəritəsi adlandırmaq olar. Bir qədər də yaxınlaşsaq, bu şeirlərin Yer üzünə sanki buludların yuxarısından qanadlarla enmiş məsum mələyin yadlıq və qəriblikdə keçən həyat mənzərələri - mənasını, məntiqini heç cür anlaya bilmədiyi "həqiqətlərdən" üzülüb nazilmiş ruhuyla bu dünyanın darısqallıqlarından, bəzən çıxış nöqtəsi, nəfəsliyi olmayan kip çərçivələrindən sivrilib gah üzüyuxarı - məchul ənginliklərə, gah da qəfil həyat yanğısıyla üzüaşağı - Yerə şığıyan mələk uçuşları olduğunu anlayarıq...
Burada müəllifin ən böyük uğuru və qələbəsi, İlahi ərazilərdə baş verən bütün hadisələri - ağrıları və nisgili, sevgini və kədəri, sevinci və göz yaşlarını yaşandığı anın, məqamın havasında, həmin təsirdə saxlamaq və kağıza köçürmək qabiliyyətidir. Bu şeirlər anlaşılmaz, dərkedilməz, dirildici bir enerji daşıyıcılığına malikdir. Burada sevinc, fərəh, heyrət, dünyanın adi gözlə görülməyən İlahi gözəlliklərinə vurğunluq kimi, qüssə də, kədər də, tənhalıq və çıxılmazlıqlar da şəfqətverici və oyandırıcıdır. Ən başlıcası isə bütün bu yaşananların öz həqiqəti və sevgisi ilə dünyanın, onun insanlar tərəfindən quraşdırılmış dayaqsız, məntiqsiz Məntiqinin üzərində, fövqündə qələbə çalmasıdır.
x x x
Dünyanın ən gizli, ən mübhəm həqiqətlərini açmağa tələsən Mələyin burada, insanlarla dolu bu Yer üzündə qaranlıq, sakit gecələrdən, küləkdən, buluddan, Günəşdən və Aydan savayı heç kimi yoxdur. Köməyinə yetməyən Aylı gecələr, göz yaşı tökən yağışlar, dəli küləklər, fikir və duyğu ilğımında əriyib itən günlər, aylar, fəsillər... Dostlar, tanış üzlər... dayağı, əsası, mütləq həqiqəti olmayan görüntülər... Zaman-zaman biri o birini inkar edən amansız ilğım sayrışmaları...
Mələk bu qarmaqarışıq aləmdə təkdir. Amma o, təslim olmur - zülmət gecələrin qaranlıqlarında azan pərvanətək işıq işartısı sezdiyi pəncərə şüşələrinə çırpılmaqdan usanmır.
Mələk belə yaşayır. Özünü və dünyanı ağrı-əzablardan xilas etmək eşqiylə mənası qaranlıq mətləblərə, izahı olmayan sirlərə çırpıla-çırpıla, qanadlarının zərif tozunu dörd bir yana səpib itirə-itirə, cavabsız suallar içində azıb üzülə-üzülə...
Şüur və düşüncənin dərk etmək iqtidarında olmadığı, hansısa toxunulmaz, ali ərazilərdə yaşanan bu ağrı, nisgil, insan nisgili və ağrıları qəbilindən olmayan, nə iləsə yağışın, daşqının, zəlzələnin halını, bəzən tənha, lal gecələrin tanış, çıxılmaz sakitliyini andıran, tamamilə fərqli ağrı, fərqli nisgildir. İlahi Sevgidən və Mərhəmətdən bədirlənmiş bu aləmi islanmadan, üşümədən, titrətmədən tərk etmək, oralardan sakitcə uzaqlaşmaq olmur.
Yenə yara vuruldu,
Ruhum soluxdu gültək.
Qırıq misralarımın
İçindən düşdü ürək...
Ürəyim qaya kimi
Çırpıldı uçurumlara.
Sən ruhuma rəhm elə,
İlahi, qaçım hara?
Çırpınır yazıq ruhum
Qəfəsində quş kimi.
Çırpınır dənizlərdə
Batmış əzizim kimi.
Boğulur... yox iradəm
Ruhumu çıxarmağa.
İstəyirəm, amma, yox,
Güc yoxdu ağlamağa.
Nə dəyişdi qəfildən?
Qışmış demə, qar yağır...
Sən demə, şaxta imiş,
Nə biləydim mən-fağır?
Yarpaqlar da tökülür...
Toran basır gündüzü.
Niyə inanmıram bəs?
Niyə? Bilmirəm, özüm.
Mələyi təslim olmağa qoymayan, ona, insana çevrilməyə imkan verməyən içində məşəltək daşıdığı qənirsiz, sərhədsiz Sevgidir... Qanadlarını, qəlbini daim buludlarla, Günəş işığı və yağışlarla dolduran, insanlığa şəfa gətirən İlahi Sevgi.
Mələk Yer üzünə bu missiya ilə gəlib - Günəşdən, yağışdan, buludlardan aldığı bu Sevgini, mərhəmət və sevgi hissini, nə vaxtsa çoxdan yadırğamış İnsanlığa ötürməkdən, Onu, yuvarlandığı ruhsuzluq uçurumlarından xilas etməkdən ötrü.
Mələk özü bunu bilmir.
Bütün dünyanı - insanları, ağacları, dənizi, Günəşi və Ayı, sərhədi, sonu olmayan Sevgisinin İşığında, ovcunda saxlamağa qadir Mələyin özününsə, Göydə də, Yerdə də yeganə sığınacağı, tək bir öz Qəlbidir.
Zaman hara axdı sürətlə belə?
Qapının ağzını qış aldı yenə.
Yenə yay ruhumu soyuğa verdim,
Tutuldum darıxmaq xəstəliyinə.
Gün doğur, bağçada qızılgül açmır,
Xəzərin qumları parlamır gündə...
Yandırar köksünü həsrət yanğısı,
Kim ki, sonsuzacan yalqızdı yenə.
Nədən yenə dondun, mənim ürəyim?
Bu donuq buzunu kim əridəcək?
Heç cürə qızınmaq istəmirsən sən,
Sənin adətindi qışda qəm yemək.
Zaman hara axdı, görəsən, belə?
Mən - "Dayan!" - söylədim, o dayanmadı.
Yola toran çökdü saat altıda
Əlimsə, Günəşə uzana qaldı.
Yetişə bilsəydi əgər əllərim,
Ovcumun içində gizlərdim onu.
Elə sıxardım ki, salıb qəlbimə,
Bir daha gəlməzdi gündüzün sonu.
Ancaq göz yaşını görür gecələr...
Bağışla, ürəyim, məni bağışla.
Bir daha xətrinə dəymərəm sənin,
Qaça bilmərəm mən səndən heç yana.
Mələk buraya, Yer üzünə nədən ötrü gəldiyindən xəbərsizdir. O, bir şeyi dəqiq bilir - O, məğlubedilməzdir. Günəşin özü kimi. Küləklər, yağışlar, ildırım çaxıntıları kimi.
Zaman ötdükcə, qəlbi sevgi və mərhəmət dolu Mələk hələ çox pəncərələrə çırpılacaq, yasaq qaranlıqlara daxil olub Xilas Yolunun gizli qapılarını açacaq, İnsana kim olduğunu anladacaq. Sonra... buludlara, küləklərə qarışıb gəldiyi Məkanına dönəcək.
Pəncərə şüşələrində isə onun qanadlarının zərif tozu qalacaq. Günəş, Yağış, İldırım, Külək bu toz zərrəciklərinə toxunmayacaq. Bu zərif zərrələr uzun illər, əsrlərlə bərq vuracaq, işıqlı dənələrini ətrafa səpə-səpə insanlarla danışmağa davam edəcək.
Milli.Az
XƏBƏR LENTİ
Ata Demirer evlənir!-FOTO
15 yaşlı qızın yaşadıqları hər kəsi kövrəltdi-FOTO
Mars torpağı Yerdə analiz ediləcək
Alexa Chungın dəbli donları
Azərbaycan tarixindən yüz şəxsiyyət-53
Koronavirusa görə kimlər birdəfəlik ödəmə alacaq? - Nazirlikdən AÇIQLAMA
Köçəri və çöl quşlarının ovlanması, satışı qəti qadağandır
Cəsarətli xanımlar üçün yeni şalvar modeli satışa çıxarıldı-FOTO
Viktor Hüqonun Məhəmməd Peyğəmbərə (s.ə.s) həsr etdiyi şeir
Pensiyaçılara ŞAD XƏBƏR
Möhtəşəm valideynlər
Elə et ki, üzr istəsin...
Övladlığa götürülən uşaqlara görə müavinət veriləcək – LAYİHƏ
Xəbər hazırlanması ilə bağlı tövsiyyələr
Leonardonun adası hər kəsi təəccübləndirdi
Röya Ayxan: "Kişi üçün bu bəsdir"
Kəpənək formalı üzüklər
Poçtda zibil artır
Uşağı tanımadan uşaq tərbiyəsi olmaz!
Şənbə günü hansı şəxslərin xəstəxanaya gedə biləcəyi açıqlandı - RƏSMİ
Ronaldu hönkür-hönkür ağladı
İlk dəfə onunla FOTOsunu paylaşdı
Gözəlləşdirən kartof nişastası
Gənclər üçün otaq seçimi
Aleyna Tilki məhkəməlik oldu
5G-yə 600 milyon dollar xərcləyəcək
Kendal gündəlik gəlirini AÇIQLADI
Köhnə paltarlarınızı atmayın!
Başabəla vitamin
Bu gündən sosial müavinətlərin məbləği artır
Bunları tozsoranla təmizləməyin
İpotekanın bərpa olunacağı vaxt MƏLUM OLDU
Bu gün Mehriban Əliyevanın doğum günüdür!
Sodanın faydaları
Qətər Gimnastika Federasiyası: "Azərbaycan gimnastika sahəsində yüksəkdə dayanacaq"
7 nəfər imtahandan xaric olundu
Dünyadakı 10 müqəddəs yer
Qazın limiti yanvarın 1-dən etibarən...
Baş nazirin müavini Uşaq Pulunun verilməsindən DANIŞDI
Xəzərin Bakı sahillərində delfin görüntülənib? - AÇIQLAMA + VİDEO
Dünyanın ən görməmiş boksçusu
Məryəm Üzərlidən fərqli FOTO
Nazirlikdən internetlə bağlı təklif
Rusiya sülhməramlılarının polkovnikindən Qarabağla bağlı AÇIQLAMA
Yeni metro stansiyaları
Azərbaycanda meşələr niyə yanır?
Təhlükəli virus yayılır
Məhəmməd peyğəmbəri təhqir edən prodüserdən növbəti şok addım
Cəhənnəmə daxil olmağın əsas səbəbi
Nazirlik həyəcan təbili çaldı