![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Çin dili üzrə tərcüməçi kadrların hazırlanması istiqamətində Azərbaycan Dövlət İnformasiya Agentliyi (AZƏRTAC) ilə Konfutsi İnstitutu arasında geniş imkanlar mövcuddur. Bu sahədə ikitərəfli əlaqələrin inkişafı xalqlarımızın bir-birini daha yaxından tanımasına öz töhfəsini verəcək.
Bu fikirlər iyunun 25-də Konfutsi İnstitutunun Asiya və Afrika üzrə direktor müavini xanım Şao Subonun rəhbərlik etdiyi nümayəndə heyəti ilə AZƏRTAC-da keçirilən görüşdə səslənib.
Baş direktor Aslan Aslanov qeyd edib ki, AZƏRTAC Çinin Sinxua agentliyi ilə sıx tərəfdaşlıq əlaqələri qurub, hər iki milli agentlik mütəmadi olaraq informasiya mübadiləsi aparır. Vurğulanıb ki, AZƏRTAC Konfutsi İnstitutunun Bakı Dövlət Universitetinin (BDU) nəzdində fəaliyyət göstərməyə başladığı vaxtdan bu bilik ocağı ilə sıx əməkdaşlıq edir. Bu qurumun müəllimləri agentliyin 20 əməkdaşına Çin dili kursları keçir, onları Çin mədəniyyəti ilə tanış edirlər. Hər il AZƏRTAC-ın bir neçə əməkdaşının Çində praktiki məşğələlərdə iştirak etdiyi qeyd olunub. Həmçinin diqqətə çatdırılıb ki, iki il əvvəl AZƏRTAC-da Çin dilində informasiya redaksiyası və sayt yaradılıb, agentliyin Azərbaycan haqqında informasiyaları çindilli oxuculara təqdim edilir.
Qeyd olunub ki, Konfutsi İnstitutu AZƏRTAC üçün Çin dili üzrə tərcüməçi kadrların hazırlanmasında yaxından iştirak edəcək və bu istiqamətdə agentlik institut ilə əlaqələrini genişləndirəcək.
AZƏRTAC ilə əməkdaşlığa önəm verdiklərini deyən Şao Subo məhz Çin dili mütəxəssislərinin yetişdirilməsinin ikitərəfli əməkdaşlığın əsas istiqaməti olduğunu vurğulayıb. O, Konfutsi İnstitutunun 139 ölkədə 500-dən artıq nümayəndəliyinin fəaliyyət göstərdiyini və Azərbaycandakı İnstitutun bütün bu ölkələr üçün nümunə olacağına əminliyini qeyd edib. Şao Subo bildirib ki, İnstitut AZƏRTAC üçün Çin dili üzrə tərcüməçilərin hazırlanması işinə Çinin Anhoy Universitetinin mütəxəssislərini cəlb edə bilər. Eyni zamanda, agentliyin bir neçə əməkdaşının Çində təqaüd proqramı əsasında təhsil almasının mümkünlüyü də diqqətə çatdırılıb.
Görüşdə birgə layihələrin reallaşdırılması, AZƏRTAC-ın Çin dilində saytının bu ölkənin müxtəlif şəhərlərində təqdimatının keçirilməsi, Konfutsi İnstitutunun fəaliyyətinin agentlik vasitəsilə geniş işıqlandırılması məsələləri müzakirə olunub.
Sonra çinli qonaqlar AZƏRTAC-ın kollektivi ilə görüşüb. AZƏRTAC-ın baş direktoru Aslan Aslanov, Anhoy Universitetinin prorektoru Yu Benli, BDU-nun nəzdindəki Konfutsi İnstitutunun Azərbaycan üzrə direktoru Oqtay Cəlilbəyli çıxış edərək bu əməkdaşlığın xalqlarımız arasında münasibətlərin dərinləşməsinə, mədəniyyətlərimizin daha yaxından tanınmasına, kadrların hazırlanmasına xidmət etdiyini vurğulayıblar.
Qonaqlar AZƏRTAC-ın Çin dili kursunu bitirən əməkdaşlarına diplomlar və sertifikatlar təqdim ediblər.
Tədbirdə, həmçinin BDU-nun nəzdindəki Konfutsi İnstitutunun Çin üzrə direktoru xanım Luo Siaocı, İnstitutun Asiya və Afrika üzrə layihə icraçısı Li Çan, Anhoy Universitetinin beynəlxalq əlaqələr şöbəsinin direktor müavini Çi Dzun da iştirak ediblər.
Milli.Az
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
