Həzrəti Muhəmməd Peyğəmbər (s):
- "Ramazan ayı Allahın ayıdır. Bu ayda savablar ikiqat artar, günahlar silinər. Ramazan - bərəkət, tövbə, bağışlanmaq, cəhənnəmdən xilas olmaq və behişt qazanmaq ayıdır. Bu ayda hər cür günahdan çəkinin, Quran oxumağı çoxaldın, Allahdan öz ehtiyaclarınızı istəyin, Rəbbinizi tez-tez xatırlayın. Ramazan ayında oruc tutmadığınız günlərdəki vəziyyətdə olmayın (yəni daha yüksək mənəvi səviyyədə olmağa çalışın)".
- Həzrəti Muhəmməd Peyğəmbər (s) Cabir ibn Abdullah adlı səhabəyə belə buyurub: "Ey Cabir! Hər kim Ramazan ayında gündüzlər oruc tutsa, gecələrin bir hissəsini oyaq qalıb ibadət etsə, cinsiyyət üzvünü və dilini günahdan, gözünü harama baxmaqdan çəkindirsə, camaata pislik etməsə, yeni doğulmuş körpə kimi günahlardan təmizlənər". Cabir dedi: "Sənə fəda olum, bu nə yaxşı hədisdir!". Peyğəmbər ona belə cavab verdi: "Amma bu savaba yetməyin şərtləri də necə çətindir!".
- Bir gün Muhəmməd Peyğəmbər (s) görür ki, həyat yoldaşlarından biri oruc tutduğu halda öz xidmətçisini söydü. Peyğəmbər xanımına tapşırdı ki, yemək yesin. Qadın təəccüblə soruşdu: "Orucluq zamanı nə yemək?". Peyğəmbər buyurdu: "Bəs sən necə oruc tutmusan ki, xidmətçini söyürsən? Oruc təkcə yeyib-içməkdən çəkinmək deyil".
- Bir gün Peyğəmbərimiz Ramazan ayının üstünlüklərindən danışarkən Həzrət Əli əleyhissalam qalxıb soruşur: "Bəs, bu ayda yerinə yetirilməsi ən çox savab olan əməl hansıdır?". Peyğəmbər cavab verir: "Allahın qadağan etdiyi işlərdən çəkinmək".
- "Hər şeyin qapısı var, ibadətin də qapısı orucdur".
- "Oruc - cəhənnəm atəşindən qorunmaq üçün bir sipərdir".
- "Oruc tutan adamın yuxusu da ibadət sayılar; bu şərtlə ki, öz müsəlman qardaşının arxasınca qeybət etməsin".
- "Müsəlman şəxsin oruc tutması Şeytanın üzünü qara edər".
- "Oruc tutan adam iki dəfə sevinər: iftar açanda və qiyamətdə - Allahın mərhəmətinin şahidi olanda".
- "Allah-təala buyurub: "Oruc mənim üçün tutulur, onun mükafatını da mən özüm verəcəyəm".
- "Canım ixtiyarında olan Allaha and olsun ki, oruc tutan adamın ağzının iyi Allah yanında müşk ətrindən daha üstündür".
- "Oruc tutun ki, sağlam olasınız".
- "Əsil yazıq şəxs odur ki, Ramazan ayında günahlardan bağışlanma fürsətini əldən vermiş olsun".
- "Ramazan ayında qılınmış bir vacib namaz, başqa aylardakı yetmiş namazdan əfzəldir. Bu ayda hər kim mənə çoxlu salavat göndərsə, qiyamət günündə əməllər hesablananda xeyir əməlləri ağır gələr. Bu ayda Qurandan bircə ayə oxuyan şəxs, başqa aylarda bütöv Qur'anı başa vurmuş adam qədər savab qazanar".
- Peyğəmbər iftar zamanı xurma ilə iftar açmağa çalışardı. Xurmanın təzəcə yetişdiyi vaxtlarda nübar xurma yeyərdi.
- Peyğəmbər Ramazanda əsirləri azad edər, dilənçilərə pay verərdi.
- Peyğəmbər Ramazanın son ongünlüyündə yatağını yığışdırıb kənara qoyardı. İyirmi üçüncü gecədə ailə üzvlərini yuxudan oyadardı ki, əhya saxlasınlar; yuxulu olanların üzünə su çiləyərdi.
İmam Əli (ə):
- "Ramazan ayında çoxlu dua və istiğfar edin. Dua sizdən bəlanı uzaqlaşdırar, istiğfar isə günahlarınızı məhv edər".
- "Sizə Ramazan ayında oruc tutmağı tövsiyə edirəm, çünki bu ayın orucu günahların qarşısını kəsən möhkəm divardır".
- "Dil orucu qarın orucundan, qəlb orucu isə dil orucundan üstündür".
- İmam Əli (ə) Ramazan ayında hər axşam ehsan süfrəsi açıb camaata iftar verərdi. Süfrə yığışdırılandan sonra camaata nəsihət verib xütbə söyləyərdi.
- İmam Əli (ə) xəlifəlik dövründə başqa günlərdə olduğu kimi, Ramazan ayında da axşamlar hava qaralandan sonra şəhərdəki kasıbların evinə, kimsəsiz qocalara, şəhid ailələrinə yemək aparardı, amma özünün kimliyini gizli saxlayardı. Yalnız Əli (ə) şəhid oduqdan sonra camaat başa düşdü ki, onlara yemək gətirən şəxs xəlifənin özü imiş.
Fatimeyi-Zəhra (ə):
- "Allah orucu vacib etdi ki, bəndələrin ixlası (səmimiliyi) sübut olunsun".
- "Dilini, qulağını, gözünü və qalan bədən üzvlərini haramdan çəkindirməyən adamın orucundan nə fayda?!"
İmam Həsən (ə):
- "Allah Ramazan ayını öz bəndələri üçün müsabiqə ayı etdi ki, ibadət vasitəsilə onun razılığını qazanmaqda bir-birini ötməyə çalışsınlar. Bir dəstə imkandan istifadə edib irəli getdi və qələbə qazandı, bir dəstə isə geri qalıb uduzdu".
İmam Zeynulabidin (ə):
- Ramazan ayında böyük qazanlarda ət xörəyi bişirtdirib iftar süfrəsi açardı. Hətta xörəklərin yaxşı bişməsini də özü yoxlayıb arxayın olardı. Amma iftar vaxtı özü o xörəkdən yeməzdi, sadə və zahidyanə yeməklə kifayətlənərdi.
İmam Cəfər Sadiq (ə):
- "Ramazanın hər gecəsində Allah çoxlu bəndəni gələcək cəhənnəm əzabından azad edər; bu şərtlə ki, halal ruzi ilə iftar açmış olsunlar. Ramazanın son gecəsində Allah bütün ay ərzində bağışladığı sayda bəndəsini bağışlayar".
Mənbə: Milli.Az
XƏBƏR LENTİ
Saxta kölgələr
Xalq şairi vəfat etdi
Kanye Uest müsəlmanları qəzəbləndirdi
İlham Əliyev Rusiyanın “RİA Novosti” agentliyinə müsahibə verib
Fransız fotoqrafdan maraqlı şəkillər
Fantastik gözəlliyə sahib yerlər
Şəfalı otlar
Yuxular ağrı-acıları silir
Yuxuda tərləməyin səbəbləri
Marinara pizza (foto-resept)
ABŞ Rusiyaya maliyyə yardımını dayandırıb
Milli Qəhrəman Çingiz Qurbanovun xatirəsi Şahdağ zirvəsində əbədiləşdirildi
Azərbaycanda ən bahalı rəssam kimdir?
Demet Akalın Tuba Ünsal arasında qalmaqal-FOTO
Kişiləri xəyanətə nə vadar edir?
Kişilər niyə evdən qaçır?
"Günəşli" yatağındakı quyu əsaslı təmirdən sonra istismara verilib
Hüseyn Ərəblinski
Bu çay qızıldan 30 dəfə bahalıdır
Şagirdlərin qiymətləndirilməsi ilə bağlı yeni layihə hazırlandı - RƏSMİ
Qış üçün borş hazırlığı (foto resept)
Mesut Özil və Amine Gülşe rep oxudu-FOTO
Saakaşvili Azərbaycanı “təhlükə zonasına” saldı
Susamasaydınız, nə baş verərdi?
Qocalmağı gecikdirən maska.
Yenilik qorxusu-Neofobiya
Qardaşını kabusa çevirdi
1 həftə çörək yeməsək nələr olar?
Ağac evlər
Məryəm Uzərli hicab bağladı
Bu il Günəş üç dəfə tutulacaq
Düşmən ordu dəhşətli itki verdi
Kafirin küfrü artdıqca...
Azərbaycan Avropanın xəritəsini dəyişir
Mehriban Əliyeva gəncləri təbrik etdi
Orqanizmi təmizləyən və cavanlaşdıran SARI DETOKS
Heyvanların ilk tanışlığı
Kabayeva mandatdan imtina etdi
İspaniyada müsəlman futbolçudan böyük jest
Sağlam körpə üçün sağlam qidalanın
Doğulacaq körpənin Rəbbi ilə söhbəti
Qurban bayramı münasibətilə QMİ-nin tövsiyəsi
Övladını məktəbə göndərmək istəməyənlərin sayı açıqlanıb
“ASAN xidmət” mərkəzləri sabahdan müvəqqəti bağlanır
Yağları əritmək üçün 5 koktey
118 yaşlı Bernardonun SİRRİ-FOTO
Azərbaycanda bəzi ərzaq məhsulları bahalaşdı
Yenə zəlzələ olacaq?
Skarlett Yohansson nişanlandı-FOTO
Turşu kabab (foto resept)