Bir müddət əvvəl Azərbaycandan Rusiyaya aparılan kənd təsərrüfatı məhsullarının Türkiyəyə məxsus olması haqda şübhələrə son qoyulub. ANS TV-nin məlumatına görə, Rusiyadan ölkəmizə gələn mütəxəssislər müəyyən yoxlamalar aparıb və bəzi yeni fitosanitar qaydalar müəyyənləşdirilib.
Bütün bu məsələlərlə bağlı kənd təsərrüfatı naziri Heydər Əsədov açıqlama verib. Bildirib ki, nümayəndə heyəti bir neçə gün ərzində 52-yə yaxın istixanada olub, məhsulların istehsal şəraiti və istixanalarla tanış olub.“Rusiyadan gələn mütəxəssislər öz hesabatlarını aidiyyəti qurumlara artıq çatdırıblar. Həmin hesabatın bir nüsxəsi də bizdədir. Onlar öz gözləri ilə gördülər ki, bu məhsulların istehsalı Azərbaycanda həyata keçirilir. Bundan sonra hansısa bir problemin ola biləcəyinə mən inanmıram”, - deyə nazir jurnalistlərə müsahibəsində bildirdi.
Mənbə: ANS PRESS
XƏBƏR LENTİ
