Türkiyə - Rusiya əlaqələrində isti münasibətlər yaranmağa başlayır. ANS PRESS-in məlumatına görə, yaxın günlərdə Türkiyədən bir heyət Moskvaya gedir.
Rusiya fitosanitariya və baytarlığa nəzarət xidməti “Rosselxoznadzor”un sədr müavini Aleksey Alekseyenko Türkiyənümayəndələrinin gələn həftə Rusiyaya türk bitki məhsulunun göndərilməsi danışıqlarının müzakirəsi üçün Moskvaya gələcəklərini bildirib."Biz Türkləri bura dəvət etdik, onlar bu səfərə razılaşdılar. Danışıqlar gələn həftə Moskvada reallaşacaq. Görüşlər zamanı laboratoriya yoxlamaları daxil olmaqla bitki məhsulunun çatdırılmalarının təhlükəsizliyinin təminat sistemi müzakirə olunacaq", - deyə Aleksey Alekseyenko bildirib.Alekseyenko qeyd edib ki, türk istehsalçılarının “Rosselxoznadzor” mütəxəssisləri tərəfindən yoxlamalarının keçirilməsi məsələsi hələ müzakirə edilmirdi. İdarə başçısının köməkçisi həmçinin xatırladıb ki, “Rosselxoznadzor” türk bitki məhsulunun idxalına yeni məhdudiyyətlərin tətbiqi hüququnu özündə saxlayır və belə məhdudiyyətlərin tətbiqi istisna edilmir.
Mənbə: ANS PRESS
XƏBƏR LENTİ
- ŞƏRHLƏR