"İnter" və "Qəbələ"nin oyunlarının tarixi açıqlandı
3 590
0
ANS PRESS-in məlumatına görə, ilk oyunlar iyulun 16-sı, cavab qarşılaşmaları isə bir həftə sonra - 23 iyulda oynanılacaq. İlk olaraq "Qəbələ" meydana çıxacaq. Təmsilçimizin rəqibi Serbiyanın “Çukariçki” klubudur. Bakı vaxtı ilə saat 23:30-da başlayacaq matç Serbiyanın paytaxtı Belqradda keçiriləcək. Cavab matçının başlama vaxtı isə 21:00-dır.
Təmsilçimiz birinci təsnifat mərhələsində Gürcüstanın "Dinamo" klubunu mübarizədən kənarlaşdırıb. Tiflisdəki görüşdə 1:2 hesabı ilə məğlub olan"Qəbələ", doğma meydanda 2:0 qələbə qazanıb.
Serbiya təmsilçisi isə Sloveniyanın "Domjale" klubunu məğlub edərək (1:0, 0:0) mərhələ adlayıb.
"İnter" isə İslandiyanın "Hafnarfyördur" klubu ilə üz-üzə gələcək. İlk görüş saat 00:15-də, cavab görüşü isə 21:00-da start götürəcək. Komandamız birinci təsnifat mərhələsində Albaniyanın "Laçi" klubunu mübarizədən kənarlaşdırıb. Hər iki matç heç-heçə başa çatsa da, təmsilçimiz səfər qolu hesabına mərhələ adlayıb.Hafnarfyordur" isə birinci təsnifat mərhələsində Finldandiyanın SJK klubu ilə qarşılaşıb. Səfərdə 0:0 bərabərə qalan islandlar, doğma meydanda matçın son dəqiqələrində vurduqları qolla 1:0 qalib gəlib və mərhələ adlayıb.
Mənbə: ANS PRESS
XƏBƏR LENTİ
