Məkkədə nəhəng otel tikilir. ANS PRESS-in məlumatına görə, Səudiyyə Ərəbistanı Həcc ziyarətçilərinin həddindən artıq çox olduğunu nəzərə alıb şəhərdə dünyanın ən böyük otelinin inşasına başlayıb.
"The Abraj Kudai" adlı oteldə 10 min nömrə olacaq. Bu nömrələr hər biri 44 mərtəbəli 12 qüllədə yerləşəcək. Oteldə 70 restoran, supermarketlər və konfrans zalları olacaq.
Otelin dünyada ən hündür sayılacaq qübbəsi Mərakeş memarlığı stilindədir. "The Abraj Kudai"ın 10 qülləsi 4-ulduzlu otel səviyyəsində layihələndirilib. Yerdə qalan 2 qüllədə isə 5-ulduzlu nömrələr və "kral apartamentləri" nəzərdə tutulub.
Otelin qüllələrinin damlarında helikopter meydançaları tikiləcək.
Tikintisinin 3 milyard dollara başa gələcək layihənin müəllifi "Dar Al Handasah" memarlıq-dizayn studiyasıdır.
"The Abraj Kudai" adlı otelin inşası 2017-ci ildə başa çatacaq.
Qeyd edək ki, ABŞ-ın Las-Veqas şəhərindəki "The Venetian" və "The Palazzo" hazırda dünyanın ən böyük otelləri sayılır. Bu otellərdə müvafiq olaraq 4049 ə 4059 nömrə var.
Mənbə: ANS PRESS
XƏBƏR LENTİ
- ŞƏRHLƏR