ABŞ Azərbaycan neftinin idxalını azaldıb
3 219
3
2014-cü ilin yanvar-noyabr ayında ABŞ Azərbaycandan 8,4 milyon barelə yaxın neft idxal edib. Bu göstərici 2013-cü ilin analoji dövründə 9,37 milyon barel təşkil edib. Trend xəbər verir ki, bu barədə ABŞ-ın Dövlət Enerji İnformasiyaları İdarəsinin (EIA) məlumatında deyilir. Məlumatda bildirilir ki, 2014-cü ilin noyabr ayında ABŞ 1,05 milyon barelə yaxın neft idxal edib. 2013-cü ilin analoji dövründə ABŞ Azərbaycandan neft ixrac etməyib.
2013-cü ildə ABŞ Azərbaycandan 10,41 milyon barel neft idxal edib. 2012-ci ildə bu göstərici 8,83 milyon barel olub.
Azərbaycan neftinin nəql edildiyi əsas ixrac marşrutu nefti Türkiyənin Ceyhan limanına çatdıran "Bakı-Tbilisi-Ceyhan" boru kəməridir.
Azərbaycanın yüngül nefti, həmçinin "Bakı-Supsa" boru kəməri ilə Gürcüstanın Supsa limanına çatdırılır və oradan nəql edilir.
Neft, həmçinin Bakıdan dəmiryol vasitəsilə Gürcüstanın Batumi Qara dəniz limanına və "Bakı-Novorossiysk" boru kəməri ilə Novorossiysk limanına çatdırılaraq nəql edilir.
Mənbə: Milli.Az
- ŞƏRHLƏR