Tərkibi:
İçliyi üçün:
100 qram adi duzlu pendir
100 qram çəkilmiş ət
1 baş çəkilmiş soğan
4 ədəd kiçik ölçüdə soyutma kartof
Duz
İstiot
Sarıkök
Xəmiri üçün:
Bir kasa un
Duz
Su
Yaymaq üçün:
Un
Bişirilməsi üçün:
Adi duzlu su
Hazırlanması:
Kartofu və pendiri sürtkəcdən keçirib, əti və soğanı da ətçəkən maşından keçiririk, duz və istiot əlavə edib qarışdırırıq.
Xəmiri adi üsulla, su və duz qatıb yoğururuq və kündələrə ayırırıq.
İki eyni boyda lavaş yayırıq və 7 sm-lik dördbucaqlar kəsirik.
Sonra bir lavaşdan olan dördbucaqlara bir çay qaşığı içlik qoyuruq.
Sonra boş xəmirlə üzərini örtürük.
Və qıraqlarını bərk basırıq ki, açılmasın.
Üz-üzə olan tərəfləri birləşdiririk.
Yenə üz-üzə olan tərəfləri arxadan birləşdiririk.
Hamısın eyni qayda ilə edirik.
Qazanda su qaynadıb duz atırıq və nəzərə alaq ki, xəmirdə də duz var, pendir də duzludur.
5-10 dəqiqə qaynadıb sonra süzürük və üzərinə yağ əlavə edib, qatıqla yeyirik.
Nuş olsun!
XƏBƏR LENTİ
- ŞƏRHLƏR