İspaniyada parlament uşaqları valideynlərinə hörmət etməyə məcbur edən qanun qəbul edib. ANS PRESS-in məlumatına görə, bu qanunda uşaqların hüquq və vəzifələri öz əksini tapıb. Yeni qanun layihəsi valideynlərinə uşaqlarını ev işlərində onlara yardım etməyə məcbur etməyə icazə verir.
Qanunda, 18 yaşına qədər uşaqların ailə həyatının bütün sahələrində iştirak etməyə, xüsusən də, yaşından əv cinsindən asılı olmayaraq ev işlərinə görə məsuliyyət daşıyacağı qeyd edilir.
Ev işlərindən başqa, qanuna əsasən uşaqlar həm valideynlərinə, həm də müəllimlərinə hörmətlə, dərslərinə ciddi yanaşmalıdır. Qanunun digər hissələrinə görə, uşaqlarla işləməsi qadağan olunan insanların siyahısı tutulacaq.
Bundan əvvəl, İspaniya qanunvericilyində belə bir qanun təsdiqlənmişdi ki, əgər evli ispan kişiləri həyat yoldaşlarına ev işlərində yardım etməsə hüquqi sanksiyaya məruz qalacaq.
2005-ci ildə yenilənmiş nigah müqaviləsinə görə, ispan kişiləri ev işlərini həyat yoldaşı ilə aralarında bölməlidir, eyni zamanda yaşlı valideyləri və uşaqlarının qayğısına qalmalıdır.
XƏBƏR LENTİ
