"Bakı-2015 Birinci Avropa Oyunlarının keçirildiyi dövrdə Rabitə və Yüksək Texnologiyalar Nazirliyi telekommunikasiya infrastrukturunun davamlı işini təmin edəcək". Trend-in məlumatına görə, bunu rabitə və yüksək texnologiyalar nazirinin müavini İltimas Məmmədov 2014-cü ilin birinci rübünün yekunları üzrə nazirliyin kollegiya iclasında deyib.
Onun sözlərinə görə, nazirliyin planlarına əsasən, qarşıdakı işlər çərçivəsində yeni optik rabitə xəttinin çəkilişi və mis telekommunikasiya infrastrukturunun yaradılması planlaşdırılır.
Optik xəttin ümumi uzunluğu 230 kilometr, mis telekommunikasiya infrastrukturunun uzunluğu isə 70 km-ə yaxın təşkil edəcək. Xətlər bilavasitə yarışların keçirləcəyi yer, eləcə də digər təşkilati yerlər istiqamətində çəkiləcək. Onların arasında məlumatların verilməsi sürəti 1-dən 10 qiqabit/saniyəyədək olacaq. Tikinti üzrə bütün işlər 2015-ci ilin fevralınadək başa çatmalıdır.
Nazir müavininin sözlərinə görə, işlər çərçivəsində ISDN xidmətləri tətbiq ediləcək, internetə giriş infrastrukturu genişləndiriləcək, ictimai yerlərdə (parklarda, stadionlarda, ticarət-əyləncə mərkəzlərində) ödənişsiz Wi-Fi şəbəkəsi açılacaq. Eləcə də teleradio verilişlərinin (eləcə də HD formatında yayımın təşkili) keyfiyyətli və davamlı infrastrukturun təşkili üzrə işlərin görülməsi planlaşdırılır. Keyfiyyətli videoaxının təşkili məqsədilə birbaşa beynəlxalq rabitə kanalı və ayrıca optik-lif şəbəkə işə salınacaq. Bundan əlavə, "Azerspace-1" telekommunikasiya peykinin resurslarından da istifadə olunacaq.
Məmmədov qeyd edib ki, Azərbaycanın mobil operatorlarına tapşırılıb ki, mobil rabitənin etibarlı və möhkəm işini (2G, 3G, 4G, eləcə də rouminq qismində) təmin etsinlər.
Bakıda Olimpiya stadionu ərazisində mobil rabitə infrastrukturunun yaradılması üzrə bütün işlər "Azercell Telecom" şirkətinə həvalə edilib. O, həmçinin digər operatorların, eləcə də "Bakcell" və "Azerfon"un öz avadanlıqlarına qoşulması imkanını təmin etməlidir. Hazırda "Azercell"in avadanlıqları artıq paytaxtın Gimnastika Arenasının ərazisində quraşdırılıb.
Qonaqların telefonlarının mobil şəbəkəyə qoşulması üçün "Azerfon" mobil operatorunun nömrələrindən istiafdə olunacaq. Şirkətin üzərinə, həmçinin keyfiyyətli mobil rabitənin təşkili öhdəçiliyi qoyulub.
Bakı-2015 Avropa Oyunlarının keçirildiyi dövrdə Məlumat Xidmətləri Mərkəzi işə salınacaq və o, bütün sutka ərzində müxtəlif dillərdə xidmət göstərəcək. "Bulud texnologiyaları"ndan geniş istifadə olunacaq. Habelə Bakı-2015 Birinci Avropa Oyunlarına həsr edilmiş poçt markalarının buraxılışı da nəzərdə tutulub.
İ.Məmmədovun sözlərinə görə, radiotezlik spektrinin mühafizəsi mühüm məsələlərdən biridir. Azərbaycanda Avropa oyunları keçirilənədək təxminən səkkiz min (30 meqaherstdən 3 giqaherstədək işləyən) radiotezlik kanalın ayrılacağı gözlənilir: "Tezliklərin xarici təsirlərdən qorunması belə irimiqyaslı tədbirlərin keçirilməsində nisbətən daha risk tələb edən elementdir. Məsələn, London Olimpiadası zamanı tezliklərin qorunması üçün xüsusi texnologiyalardan istifadə edilmişdi, eləcə də Avropanın bir çox ölkələrindən mütəxəssislər və yardım qrupları cəlb edilmişdi".
Nazir müavininin sözlərinə görə, Bakı-2015 Birinci Avropa Oyunlarının təhlükəsizliyinin təmin edilməsi üçün radioefirdə monitorinq aparmağa imkan verən xüsusi avadanlıq və qurğuların alınması nəzərdə tutulur. Problem yaradan və tezlik spektrinə təsir göstərən vacib elementlər naqilsiz qurğulardır. Ona görə də oyunların keçirildiyi dövrdə istifadə olunan avadanlıqlar diqqətlə yoxlanacaq: "Bundan əlavə, bu gün operatorlarda olan müəyyən tezliklər müvəqqəti olaraq götürüləcək. Bu onları narahat etməməlidir. Çünki bu təcrübə şəbəkələrin yüksək səviyyəli və etibarlı işini təmin etməkdən ötrü belə irimiqyaslı tədbirlərin keçirildiyi başqa ölkələrdə də tətbiq edilir".
Kiberhücumlardan müdafiə qarşıdakı Bakı-2015 Birinci Avropa Oyunlarının təhlükəsizliyinin mühüm aspektlərindən biridir. Nazirliyin planlarına görə, şəbəkə infrastrukturunun (eləcə də dövlər strukturlarının və başqa müəssisələrin saytlarının) möhkəmliyinin təmin edilməsi üçün dünyanın müxtəlif ölkələrindən mütəxəssislər və yardım qrupları cəlb olunacaqlar.
XƏBƏR LENTİ
Putinin qızı avtomobil qəzasında həlak oldu?
Balıq kotleti (foto-resept)
Çində zəlzələ: 367 ölü
Polis xəbərdarlıq etdi
Ayın 17-si “Bilik günü” qeyd edilməyəcək-SƏBƏB
2012-2013 payız-qış çanta modelləri
Ayaqqabı modelləri
Pekində yeddi aydan sonra ilk dəfə əhali küçəyə maskasız çıxacaq
“ASAN xidmət”də öncədən növbə tutmaq üçün qaydalar- VİDEOTƏLİMAT
BMT-dən Qarabağla bağlı razılaşmaya münasibət
Alişandan Mahsun Kırmızıgül AÇIQLAMASI
Azərbaycanın tanınmış professoru vəfat etdi
"Barselona"nın qəbirqazanı danışdı
Gənc atalara şad xəbər
Azərbaycan-Ermənistan - 8:0
Nurgül Yeşilçay ilə Oktay Kaynarca eyni layihədə
Leyla Əliyeva poeziya gecəsində - FOTO
Günəşdən asılanlar
Azərbaycan futbolda Braziliyanı arxada qoydu
Bu gün Nobel mükafatları təqdim olunacaq
Sinoptiklərdən müjdə
Kişilər niyə xəyanət edirlər?
Beren Saatdan qəribə AÇIQLAMA – FOTO
İrinanın incə belilin sirri məlum oldu-FOTO
Universitetlərdə tədris forması ilə bağlı nazirdən AÇIQLAMA
Facebook-a bağlılığınız uşaqlarınıza mənfi təsir edir
Rəsmi Bakıdan düşmənin Tərtəri atəşə tutması ilə bağlı AÇIQLAMA
Marallar yolu bağladı
Orqanizminiz hazırdırmı?
Lavrov və Kerri Qarabağı müzakirə etdilər
Sumqayıta "uçan" qatarlar
Praktik kağız gül
DÇ-2014: hansı oyuna hansı kanalda baxmalı?
“Əminəm ki, bu dəfəki yarışlarda boksçularımız ədaləti bərpa edəcəklər”
Ehtiyatlı olun: Həyatınızı itirə bilərsiniz
Yerin Qorunan Tavanı: Atmosfer
Yeni dərs ilində uşaqlarınızı onurğa əyriliklərindən necə qorumalı?
Labirint-3
iPhone ümidləri doğrultmadı
Sərinlədən soyuq şorba (foto-resept)
Azərbaycanda özəl pensiyalar ola bılər
Saata görə pəhriz
Bu qadın dünyanın ən ideal bədəninə sahibdir - FOTO
İş axtaranların nəzirənə
"Eurovision 2018"in açılışı oldu-FOTO/VİDEO
Tailandın sabiq baş nazirinə qətl ittihamı
Gilasın faydaları
Azərbaycanda süd vəzisi xərçəngi cavanlaşıb
Azərbaycanda İLK - Qan dövranı dayandırılmaqla əməliyyat keçirilib
Bu gün Azərbaycanda 9 May - faşizm üzərində Qələbə Günü qeyd olunur