Aprelin 15-də Bakı hava limanının yeni beynəlxalq terminalının açılışı olacaq.
Milli.Az buro247.az-a istinadən xəbər verir ki, 2010-cu ildə əsası qoyulan layihənin tikintisini "Arup" şirkəti həyata keçirir.
Şirkətin rəsmi saytında verilən məlumata görə, layihə özünə mövcud fasadın demontajını, izolyasiyanın əlavə edilməsini və aeroport binasının yeni fasadının dizaynının yaradılmasını daxil edir. Terminalın Boeing 767 təyyarələri üçün yararlı olan 8 teleskopik zolağı olacaq. Layihənin estetik görünüşü və konik fasada malik olması sərnişinlərin rahatlığı və uçuşöncəsi stresin azaldılması üçün nəzərdə tutulub. Heydər Əliyev Beynəlxalq hava limanının yeni terminalı ildə 3 milyon sərnişinə xidmət göstərəcək. Terminalın ərazisi 53 min kv.m. təşkil edir, burada mağaza və gözləmə zallarının yerləşdirilməsi nəzərdə tutulub.
Milli.Az
XƏBƏR LENTİ
- ŞƏRHLƏR