Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə müzəffər Azərbaycan ordusu tərəfindən işğaldan azad edilən Şuşa şəhərinə içməli suyun verilməsinə başlanılıb.
“Azərsu” Açıq Səhmdar Cəmiyyətindən verilən məlumata görə, dövlət başçısının xüsusi tapşırığına əsasən, işğaldan azad edilmiş ərazilərdə, o cümlədən, Şuşa şəhərində həyat əhəmiyyətli infrastrukturların, o cümlədən, içməli su təchizatı sistemlərinin bərpası işləri həyata keçirilir.
Bununla əlaqədar “Azərsu” ASC-nin mütəxəssislərindən ibarət qrup Şuşa şəhərinə və işğaldan azad olunmuş digər rayonlara ezam olunublar. Mütəxəssislər tərəfindən su mənbələri, magistral xətlər, anbarlar və paylayıcı şəbəkələrin mövcud vəziyyəti araşdırılıb.
Qeyd edək ki, Şuşa şəhəri işğaldan azad olunduqdan sonra şəhərə içməli suyun verilməsi tam dayanmışdı. Belə ki, düşmən tərəf şəhəri tərk edərkən Şuşanı içməli su ilə təmin edən magistral su kəmərini də sıradan çıxarmışdı. Yaranmış içməli su probleminin həlli məqsədilə “Azərsu” ASC-nin mütəxəssisləri Şuşa şəhərində araşdırma işlərinə başlayıb.
İlkin olaraq Daşaltı kəndinin içməli su təchizatı sistemi araşdırılıb. Aparılan təftiş işləri nəticəsində su təchizatı sistemində baş vermiş qəzalar aradan qaldırılıb və 12 noyabr 2020-ci il tarixində kəndə suyun verilişi təmin edilib. Eyni zamanda, Şuşa şəhərini müvəqqəti olaraq maşınlarla su ilə təmin etmək üçün Daşaltı kəndində sudoldurucu məntəqə yaradılıb.
Bununla paralel olaraq Müdafiə Nazirliyinin müvafiq bölmələri ilə birgə təhlükəsizlik tədbirləri görülməklə diametri 325 mm olan Kiçik Kirs-Şuşa magistral su kəmərinin texniki vəziyyəti təftiş olunub. Məlum olub ki, hərbi əməliyyatlar zamanı mərmi partlayışları nəticəsində şəhəri içməli su ilə təmin edən 9,4 km uzunluğunda polad borulardan ibarət magistral su kəməri üzərində 12 nöqtədə böyük qəzalar aşkarlanıb
Qəzaların qısa müddətdə aradan qaldırılması üçün lazım olan texniki avadanlıq və mal-material tələbatı müəyyən edilib, həmçinin “Azərsu” ASC tərəfindən əlavə mühəndis-mütəxəssis heyəti, qəza-bərpa briqadası Şuşa şəhərinə ezam edilib.
Qəza-bərpa işlərinə cəlb olunmuş texnikaların maneəsiz hərəkəti üçün kəmərin marşrutu boyu mümkün olan yerlərdə istismar yolu salınıb, texnikaların hərəkətinin mümkün olmadığı yerlərə isə mal-materiallar əllə daşınaraq təmir işlərinə başlanılıb.
Mürəkkəb relyefə malik ərazidə, meşə və dağ şəraitində magistral su kəmərinin qəzalı hissələri təmir edilib və 25 noyabr 2020-ci il tarixində Şuşa şəhərinə suyun verilişi təmin olunub.
Şuşa şəhərinə ezam edilmiş “Azərsu” ASC-nin Planlaşdırma və layihələndirmə departamentinin rəisi Bahadur Kəngərli şəhərdə görülən işlər barədə məlumat verərək bildirib ki, hazırda mərmi partlayışları səbəbindən Şuşa şəhərinin daxili paylayıcı şəbəkəsinin qəzalı vəziyyətə düşmüş hissələri hazırda təmir edilir, şəbəkədə hidravliki tənzimləmə işləri aparılır. Görülmüş işlər nəticəsində Şuşa şəhərinin böyük bir hissəsi içməli su ilə təmin olunub.
Relyef baxımından yüksəklikdə yerləşən əraziləri su ilə təmin edən nasosları işə salmaq üçün isə anbar kompleksində generator quraşdırılacaq.
Ötən müddətdə magistral kəmərin təmiri ilə yanaşı, Kiçik Kirs dağının ətəyində dəniz səviyyəsindən 1580 m yüksəklikdə yerləşən suqəbuledici qurğuda da müvafiq işlər görülüb və mənbədən şəhərə verilən suyun həcmi artırılıb.
“Azərsu” ASC tərəfindən Şuşa şəhərini içməli su ilə təmin edən digər mənbənin və magistral kəmərin bərpası istiqamətində tədbirlərin görülməsi də nəzərdə tutulur.
XƏBƏR LENTİ
Ermənilərdən azərbaycanlılara Qarabağ dəvəti
Mütləq izlənməli 7 İtaliyan filmi
Türkiyə hərbçilərinin Qarabağda xidmət edəcəyi müddət açıqlandı - RƏSMİ
Macəra axtaran pişiklər
Miranda Kerridən AÇIQLAMA
Azərbaycandakı şizofrenlərin sayı açıqlandı
Qışda necə geyinək?
Övladlarının cinsiyyəti bəlli oldu
İskender kababı (foto resept)
Bu gündən Azərbaycan ərazisində bəzi iş və xidmət sahələrinin fəaliyyəti bərpa ediləcək - SİYAHI
Alman politoloq: "Vyana görüşündən sonra 7 rayonun qaytarılması..."
Yeni Chevrolet Volt
Bu qızla kim evlənsə 10 milyon alacaq-FOTO
Günün qoroskopu: həyat potensialı yüksəkdir
Karantin rejimində toylar keçirilsin - TƏKLİF
Bu şəhərdə daha çox qadınlar yaşayır
"Qarabağ" "Xəzər Lənkəran"a, "İnter" "Neftçi"yə qarşı
İman edən alimlər-5
Bu günün hava proqnozu
"Formula 1"in ikinci günü başladı
BÜRCLƏR bizə nə vəd edir?-18 yanvar
“Hababam Sınıfı”nın Mahmud hocası öldü (FOTO)
2019-un manikür trendləri
Qumdakı rəsmlər
Hava haqqında
İçindəki qadını həbsdən çıxar
Gənc xanımlara yaz-yay donları
Bu 5 yanlış haqda doğrular bütün təsəvvürlərinizi alt-üst edəcək
Bakı metrosu gün ərzində 5 saat işləyəcək
"Sümüksüz qız" hər kəsin diqqətini çəkdi
5G şəbəkəsi gəlir
Rəngarəng geyim nümunələri
Azərbaycan Gimnastika Federasiyasının baş katibi Avropa Gimnastika İttifaqının vitse-prezidenti seçilib
Yeni tədris ilində neçə şagird təhsil alacaq?
Epidural anezteziya və hamiləlikdə bel ağrısı
Palanqada ailəvi ev - FOTO
Azərbaycanda hava kəskin dəyişəcək
Dünyanın ən məşhur muzeyləri
Neftçilərin axtarışı dayandırıldı?
Qadınlar ən çox bu kişiləri sevirlər
Seda Sayan gəncliyinin sirrini bölüşdü-FOTO
Hava haqqında
Megan Marklın "ekizi" tapıldı-FOTO
Səni sevmək...
SMS icazə ilə yaxın qohumun dəfninə getmək mümkün olmayacaq - RƏSMİ
Qeyri-adiliyi sevənlər üçün
Azərbaycanlılar Almaniyada ayağa qalxdı
Bu ilin ilk Ay tutulması başladı
Qarğıdalı şorbası
Qubalı pəhləvan qardaşlar güclərini Ukraynada göstərəcəklər