03.06.2015-01:15

• Səyahət

6 380

13

Dünyanın ən yaşıl ölkələri sizcə hansıları ola bilər? Dünya İqtisadiyyat Forumunda Yale və Kolumbiya universitetləri hər il ortaq bir hesabat açıqlayır. Siyahı hər il hökumətlərin və xalqların təbiətlə əlaqədar aldıqları qərarları və hədəflərini yerinə yetirmək nisbətinə görə dəyişir. Bu siyahı ötən ilin ən yaşıl 10 ölkəsini və 100 üzərindən aldıqları balları göstərir.

İslandiya: Balı 93,5.

Yamyaşıl təbiətiylə dünyanın ən gözəl ölkələri arasında yer alan İslandiya ən yaşıl ölkələr sıralamasında birinci yeri tutur. İslandiya xalqı geotermal enerji qaynaqlarını istifadə etməyə diqqət göstərir. Elektrik və istiləşmə enerjisini Hidrogendən təmin edir. Ölkədə istifadə edilən ümumi enerjinin 82 %-i hidrogen və geotermal mənbələrdən əldə edilir. Kömür çıxarılan enerjinin yalnız 18%-ində istifadə edilir.

İsveçrə: Balı 89,1

İllərdir ən yaşıl ölkə sıralamasında birinci sırada yer alan İsveçrə birinciliyi İslandiyaya versə də, ikincilik yerini qoruyub saxlayıb. Buna baxmayaraq isveçrəlilər daha yaşıl bir dünya yaratmaq üçün sıx səy göstərməyə davam edirlər. Bəzi qəsəbələrdə motorlu maşın istifadə etməyin qadağan olduğu İsveçrə yenidən birinciliyə qalxa  bilər.

Kosta Rika: Balı 86,4

Kosta Rika hökuməti də İslandiyanın enerji siyasətinin tətbiqi mövzusunda olduqca qərarlıdır. Hökumət 2021-ci ildə karbon buraxılmasını sıfıra salmağı hədəfləyir. Ölkədə illərcə sənayeləşməyə yer açmaq üçün meşələri ləgv etdilər, indi isə yenidən yaşıllaşdırılma işləri gedir. Kosta Rikaya son beş ildə beş milyon ağac əkilmişdir.

İsveç: Balı 86.

Təbiət dostu məhsullar istifadə etməyə diqqət göstərən İsveç 2020-ci ilə qədər qalıq yanacaqların mərhələli olaraq qaldırılacağını bildirdi. Hökumət həmçinin istiləşmə mövzusunda da olduqca həssas davranır.

Norveç: Balı 81,1.

Ölkənin qütblərə yaxın şimal seqmentlərində iqlim dəyişikliyi səbəbiylə təbii tarazlıq bir az pozulmağa başladı. İqtisadiyyat yanacaq ixracatına əsaslanan olsa da, ölkə karbon xaric edilməsini 2030-cu ildə sıfıra endirmək üçün işlər görür. Hökumət mazut qiymətlərini eko-yanacaqlardan daha bahalı tutaraq insanları təbiət dostu enerji qaynaqlarına yönəltməyi hədəfləyir.

Mauritius: Balı. 80,6

Kiçik bir ada olan Mauritius qaynaqları məhdud olmasına baxmayaraq təbiət dostu olma işlərinə ara vermir. Hökumət istifadə edilən materialları geri çevrilmə yolu ilə yenidən qazanmağa çalışır.

Fransa: Balı.78,2

Fransanın yaşıl ölkələr sıralamasında bu qədər yuxarıda olma səbəblərinin başında təbiət dostu yanacaqlar, enerjiyə qənaət, yenilənə bilən enerji qaynaqlarındakı artım, orqanik əkinçiliyin yayılması kimi faktorlar gəlir.

Avstriya: Balı 78,1.

Avstraliya hökuməti, Çex Respublikası sərhədlərini təbiət dostu bağçalarla örtmək üzrə müqavilə bağladılar. Bu bağçalarda meyvə ağacları, növ-növ bitki və çiçəklər yetişdirilir. Avstriya bu mənada yaşıl dostu ölkələr arasında olduqca iddialıdır.

Kuba: Balı 78,1.

Kuba xalqı dəniz suyunun torpağı heç etməsinə maneə törətmək üçün su səviyyəsini aşağı tutmağa çalışırlar. Ən gözəl layihələri isə GUAMA bölgəsində hidroelektrik stansiyası istifadəsinə başlanmasıdır. Hökumət bu bölgədəki bütün evləri hidroelektrik stansiyaya bağlama və ehtiyacları olan enerjini bu yolla təmin etməyə çalışır.

Kolumbiya: Balı. 76,8

Ötən illərdə bir çox meşə qırğınına səhnə olan Kolumbiya artıq bunun önünə keçmiş vəziyyətdədir. Hökumət bir çox təbiət dostu layihəni həyata keçirmə qərarı aldı. İnşaat sektorunda artıq polad yerinə bambuk istifadəsi edilir. Ölkədə bol olan ağacları qoruma altına almaq üçün bir çox milli park quruldu.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

rovsane_82