Bu gün Yel çərşənbəsidir. Boz ay bu çərşənbə ilə təslimiyyatın astanasına qədəm qoyur və təbiətin diriləcəyi günü bizə daha da yaxınlaşdırır.
Bir zamanlar yalnız sudan ibarət olan həyata torpaq sonradan rəng qatdı. Amma həyatın varlığı üçün hava, yel də lazım idi. Yalnız o həyatı formalaşdıra bilərdi. Qədim türk mifologiyasının yelin funksiyası da məhz budur –həyatı formalaşdırmaq... təbiətin üçün bu oyanan hava, insan üçün isə nəfəsdir.
Yel çərşənbəsinə el arasında “külək oyadan çərşənbə”, “yelli çərşənbə” də deyilir.
Yel çərşənbəsinin unudulmuş adətləri
“Yüyət günü”: Yel çərşənbəsində “yüyət günü”nü mütləq keçirərdilər. Yüyət günü son illərə qədər az da olsa bəzi kəndlərdə qalırdı. Bu gün insanın özü təmizlənməklə yanaşı, ev-eşiyini də səliqəyə salır, həyət-bacasını təmizləyir. Bu iməclikdən başqa, həm də bir ayin, inancdır. Yel çərşənbəsində həyata keçirilən qədim adətlərin bəziləri bunlardı:
Cıdır falı: bunu oğlanlar icra edir. Kəndin cavanları cıdıra gedər, hansısa atı ürəyində nişanlayıb niyyət tutardılar. Kimin işarələdiyi at birinci olardısa, o zaman həmin adamın niyyəti yeni ildə gerçəkləşə bilərdi. Buradakı at və cıdır isə qədim türkün düşüncə sistemindən qopmadır. Həm də yel kimi sürətli olan atın sahibini il ərzində bolluq, ruzi gözləyirdi. Hər halda, insanlar buna inanırdılar.
Çökə: Bu, unudulmuş adət yox, unudulmuş şirniyyat növüdür. Bizim bildiyimiz şəkərburaya oxşasa da ondan əsaslı dərəcədə fərqlənir. Üzərindəki işarələr qədim xalqımızın mifoloji düşüncəsini özündə əks etdirib. Çökə ilk olaraq evə gələn qonağa verilirdi.
Başmaq falı: İlaxır çərşənbə axşamı ərgən qızlar evin qapısından arxası həyətə doğru qalıb sağ çiyin üzərindən başmaq tullayırlar. Əgər başmağın burun tərəfi evə daban tərəfi yola sarı düşərsə deməli, qarşıdakı il həmin qız yenə də bu evdə qalacaq. Yaxud əksinə olarsa o zaman çox yaxında xeyir xəbər eşidəcəklərinə inanırlar. Buradakı başmaq isə arxaik dünyagörüşlə əlaqədardı.
Yel çərşənbəsinin inancları
Yel çərşənbəsində əsən soyuq və isti küləklər yazın gəlişindən xəbər verir. Gün ərzində küləyin bir neçə dəfə dəyişməsi əslində onun özünün - küləyin - havanın təmizlənməsi, yenilənməsi kimi qəbul edilir.
Bu çərşənbəyədək sanki mürgüləyən külək oyanır, aləmi dolaşaraq suyu, odu hərəkətə gətirir. Yel çərşənbəsində əsən mehin də, küləyin də daxilində bir hərarət olur.
Qədim adətə görə, bu çərşənbədə qəfəsdə saxlanılan quşları və heyvanları azadlığa buraxmaq lazımdır.
Bu çərşənbə ilə də bağlı illərin sınağından çıxaraq bu günümüzə qədər yaşamış və özünü doğrultmuş xalq hikmətləri, atalar sözləri var.
Məsələn, "Yel əsib qoz tökülüb", "Yelnən gələn selnən gedər", "Yel apardığını qaytarmaz", "Yellə dost olan yellənə-yellənə qalar", "Yel bağlayanı el açar", "Külək kimi hərdən bir yana əsmə", "Yel əsir, yengələr oynayır", "Yel aparan yelinki, yerdə qalan mənimki", "Kələknən gələn, küləknən gedər", "Yel qayadan nə aparar"...
Yel çərşənbəsinin fəlsəfəsi, mahiyyəti
Yel əslində, sonuncu çərşənbə olmalı imiş Biz bu gün çərşənbələrin sırasını pozmaqla varlığın fəlsəfəsini, mahiyyətini bir qanunauyğunluq kimi rədd edirik. Yel, hava özündən əvvəlki üç varlığın- su, torpaq və odun hərəkətverici qüvvəsidir, o ən sonuncu gəlir və dirilişi tamamlayır.
Folklorumuzun mahir bilicisi olan Xalq yazıçısı Mövlud Süleymanlı Yel çərşənbəsindən danışarkən, qeyd edir: “Yel çərşənbəsində deyərlər: Yerə nəfə endi. Bundan sonra “puçur yeli “əsməyə başlayacaq. Bu Yer üzündə olan bitki aləminin nəfəs dərməyidir; nəfəsini dərib yenidən ayılmağı, suyun, havanın, torpağın odun, bir olmağından sonra ilk tərpəniş, hərəkət, ritmdir. Üç çərşənbədən- su, torpaq, oddan sonra yerə enən nəfəsdir”.
Adına Yel çərşənbəsi deyilsə də, suyun, torpağın, odun bir-birinə qovuşmasından sonra bütün başlanğıclara – hər nə varsa bütün yaranmışlara hava lazım olur. Su torpağa qovuşandan sonra istini-odu alır, qoynundakı toxumlar duyğuya çevrilir, bu duyğunun açılması üçün bir udum hava lazım olur.
Üç həyat daşıyıcısının –suyun, torpağın odun qovuşduğu anda, dördüncünün – havanın gəlməyi yaranışın qanunauyğunluğunu tam etmək üçün tamamlamaq, yəni, olmaq üçündür. OL! Bu, həmin andı-Yaradılış anı!
E.Nazimoğlu (modern.az)
XƏBƏR LENTİ
Evlənməkdə say məhdudiyyəti varmı?
Sabirabadlının başına "dövlət quşu" qondu
Şəkil çəkdirməyin qadağan olunduğu məşhur turistik məkanlar - SİYAHI
Azərbaycanda mülayim hava şəraiti davam edəcək
Gözəl maşınlar
Qaz smart-kartlarına 10 manat hədiyyə edilməsi ilə bağlı söhbətlərə aydınlıq gəldi - RƏSMİ
Hunzalılar -ən sağlam xalq
Rusiyaya daha bir şok
Azərbaycan telekanallarında ədəbi dilin istifadəsi ilə bağlı aparılan monitorinqin ilkin nəticələri açıqlandı
Gözəllik üçün praktik məsləhətlər
Bu gün Məhərrəm ayı başlayır
Kağızdan əl işləri
Tək övladların hərbi xidmət məsələsi Milli Məclisdə yenidən müzakirəyə çıxarıla bilər
Vafli (foto resept)
Azərbaycan ilə Ermənistan yığmaları Avropa çempionatından kənarlaşdırıldı
Uşaqlara Vulkan, Leysan adlarının qoyulmasına icazə verilməyib
Günün ulduz falı - 22.12.2013
Prezident: “Təmas xəttini keçmək asan deyildi. Lakin biz bunu etdik”
İngilis-Azərbaycan və Azərbaycan-İngilis lüğəti
Google sensor ekranlı noutbuk göstərdi
"ASAN xidmət" mərkəzlərində işləmək istəyirsiz?
Azərbaycanda könüllü donorların sayı AÇIQLANDI
190 manat nə vaxt ödəniləcək? - AÇIQLAMA
Bergüzar Korel hamilədir?
Kolleclərə tələbə qəbulu başladı
Danışaraq gəlirlər, 2 saat sonra boğulub ölürlər
Kəsmikli xəmirdən burma (foto-resept)
Dahi futbolçu karyerasına son qoyub arzusuna qovuşacaq
Avtomobilə hansı hallarda həbs verilir?
Obamadan şok etiraf
Oxşar ulduzlar
Ramazan ayının 23-cü gününün imsak və iftar vaxtları
Avropa çempionatında inanılmaz dəyişiklik
Gün var, əsrə bərabər: Ötənləri yada salaq
Kriştianu Ronaldu möcüzə edə bilmədi
Emosional zəka
Gözəllik salonundan yeni çıxmış kimi görünmək istəyirsiniz?
“Şellak” manikürü dəri xərçəngi əmələ gətirir –XƏBƏRDARLIQ
Heyvansevərlər üçün maraqlı şəkilər
Meşələri istirahətə qurban verməyək
Sabahın HAVAsı
Smarfonların bu ziyanını bilmirdiniz
Şəhid ailələrindən 1 700-dək şəxsə təqaüd, pensiya və müavinət təyin edilib
Kəsmik kürəcikli, şokoladlı keks (foto resept)
5 möhtəşəm oval dırnaq manikürü
İngilis dili-Mm
2020-ci ilin ayaqqabı trendləri
Qayınanasının dedikləri yalan çıxdı-FOTO
İngilis mediası Meqanı tənqid etdi-FOTO
Prezident İlham Əliyev Füzuli rayonuna səfər edib - VİDEO
- ŞƏRHLƏR