Ana dilim
21 875
26
Bu Dildə
Azəri dilinə qurban olum mən
Mənə layla çalıb anam bu dildə
Bir dəfə ah çəkib uf deyərəmmi
Yüz dəfə alışıb yanam bu dildə.
Gözlərimin biri quru biri nəm
Ta qoymayın ürəyimlə sürünəm
Bülbül təki nəğmələrə bürünəm
Sahildən-sahilə qonam bu dildə
Qəriblik salıbdı saçlarıma dən
Ürəyimdə vətən, dilimdə vətən
Yad yerdə yüz yerdən əyilincə mən
Polad tək bir yerdən sinam bu dildə
Sücaətəm bu dil səadətimdir
Bu dilsiz şeriyyət vallah yetimdir
Bu dil mənim eşqim məhəbbətimdir
Bir “hə” pıçıldayıb sönəm bu dildə
Müəllif: 1993-cü ildə Kəlbəcərdən qaçqın düşən mərhum şair Sücaətdir
XƏBƏR LENTİ
- ŞƏRHLƏR