29.11.2014-00:05

• Poeziya dəftəri

26 339

27

Sevməzdim

Sevgi boş şeymiş bilmirdim bunu,

Sevərək anladım illər uzunu.

Bilsəydim, yalandır sevgi oyunu

Heç zaman sevməzdim, sevməzdim, gülüm.

Həyat qəribədir, udan da olur,

Hər zaman uduzub qalan da olur,

Bilsəydim, sevgidə yalan da olur,

Heç zaman sevməzdim, sevməzdim, gülüm.

İlk sevgim dəyibdir daşlardan daşa,

Sanki səhnədəyəm, bu bir tamaşa.

Bilsəydim, bu sevgi çatacaq başa

Heç zaman sevməzdim, sevməzdim, gülüm.

Ayrılıq həsrəti

Köçüb getdin,

Neçə ildir görüşmürük biz.

Köküb getdin,

Neçə ildir dərdimizi bölüşmürük.

Elə getdin, heç bilmədim həyatımda nələr oldu,

Sən gedəndən sevinc getdi,

Mənə dərd-sər gələr oldu.

Elə getdin, heç bilmədim, bu həyatda yoxam, varam,

Sən gedəndən ürək deyil, ağrımayır daha haram,

Aramızdan elə bil ki, külək əsdi,

Sən gedəndən yollarımda boran oldu.

Gələmmədim, gəlişimi tufan kəsdi.

Sən gedəndən yollarımı dağıtdılar, uçurdular.

Onsuz da mən gələcəkdim,

Bunu yəqin duyurdular.

Çox istədim sənə gəlim,

Hər gün məni gözlədiyin o yerlərə yenə gəlim.

Səndən ötrü ürəyimin alovlanıb içi yandı,

Hər günüm də. saatım da, saniyəm də səni andı.

Otağımda tək qalarkən hər əşyada sən göründün,

Elə getdin, bir dərd olub saçımda dən-dən göründün.

Sən heç məni düşündünmü mənsiz qalan gecələrdə?

Sən gedəndən bir il kimi uzun olur gecələr də.

Heç bilmədim nələr oldu. 

Səndən xəbər gətirən yox,

Mənim sənsiz nə hallara düşdüyümü bircə sənə ötürən yox.

Kaş biləydin, mənim indi sənsiz nələr çəkdiyimi,

Kaş biləydin, neçə ildir səni sənsiz sevdiyimi.

Düşünürəm, hər an belə fikirimdən atammıram,

Yenə yaram təzələndi, gecə keçir yatammıram.

Yəqin sən də yatmamısan. 

Sevgilinlə bir yataqda

Belə gözəl mənzərəyə heyran olub lal otaqda

Yəqin sən də yatmamısan .

Coşub daşan ehtiraslar

Unutdurur insanlara hər bir şeyi belə anlar.

Mənim yerimsə çox soyuqdur,

Elə bil ki, otağıma yağıbdı qar.

Sənin yerinsə çox istidi,

Balıncının yarısını isidən var.

Tək, tənhayam yatağımda, yoxam, varam bilən də yox,

Hər yuxudan oyananda birgə salam verən də yox.

Otağımda əşyaları, paltarları toz alıbdı,

Pəncərəmdə o gülləri hey sulardım, indi hamısı saralıbdı.

Arada bir zəng edərdin,

Səhərədək danışardıq.

Küncdə qalıb o telefon, səsi gəlmir, susub artıq.

Telefonum zəng çalanda sevinərdim, deyərdim ki,

Gülüm mənə zəng eləyir.

Sən gedəndən o telefon heç bilmirəm ya işləyir, işləməyir.

Sən gedəndən bu qəlbimin səndən başqa istəyi yox,

Sən gedəndən bu şəhərin elə bil ki, bəzəyi yox.

Hərdən çıxıb tək gəzirəm yavaş-yavaş, aram-aram,

Sənlə gəzən küçələrdən keçən kimi təzələnir yenə yaram.

Sən gedəndən ömrüm tamam viran oldu.

Nə mənası bundan sonra sevilməyin ya sevmənin,

Bu həyatda hər şey mənə yalan oldu.

Nə mənası bundan sonra ağlamağın ya gülməyin,

Onsuz da ki, elə mənə olan oldu.

Nə mənası bundan sonra bilməyin ya bilməməyin,

Atıb getdin.

Nə mənası bundan sonra gəlməyin ya gəlməməyin.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

cute angel