![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Mərd oğul gərəkdir Azərbaycana
Dağları yerindən oynada bilən
Namuslu, vicdanlı, bəxtəvər, ərən
Düşməni torpaqdan yox edən, silən
Vətən həsrətiylə alışa, yana-
Mərd oğul gərəkdir Azərbaycana.
Eşidin səsimi dostum, qardaşım
Duyun ah-naləmi, sirrim-sirdaşım.
Başsızlar içində məhv oldu başım
Qoymayın namərdi vicdanın dana-
Mərd oğul gərəkdir Azərbaycana.
Qoruyun torpağı, sevin torpağı
Qəlbin millət desin, dilin torpağı
Quran, Zəbur,Tövrat bilin torpağı
Düşmənlər yığıbdır milləti cana -
Mərd oğul gərəkdir Azərbaycana.
Babalardan vəsiyyətdi bizlərə
Vuruşmuşuq bircə dəfə, bir kərə.
Əsrlərcə tikan olduq gözlərə
Yıxın düşmənləri, salın talana,
Mərd oğul gərəkdir Azərbaycana.
Mən atəş olmadım, özümçün yanım,
Kişitək söz deyib namərdtək danım.
Qurbandı Vətənə bu şair canım
Məni ondan ötrü doğub ki ana -
Mərd oğul gərəkdir Azərbaycana.
7 may 2009
Vətən
Gəzdim bu dünyanı mən başdan yenə,
Gördüm ki, tay yoxdur heç yanda sənə,
Bildim ki, sənsənmiş tək məlhəm mənə,
Nə qədər gözəlsən, şirinsən, Vətən!
Səninlə qaynayır damarda qanım,
Sənsən mənim fəxrim, şöhrətim şanım.
Sənə qurban olsun bu şair canım
Nə qədər gözəlsən, şirinsən, Vətən!
Doyammıram çəmənindən, gülündən
Kür çayından, lal çeşməndən, gölündən.
Ceyranlar oynaşan yaşıl çölündən
Nə qədər gözəlsən, şirinsən, Vətən!
Bir nəğmədir küləyin də, yelin də
Bir saflıq var yağışında, selində.
Sanki, cənnət saxlamısan əlində
Nə qədər gözəlsən, şirinsən, Vətən!
Yolum düşüb, bax, yenə də qürbətə
Dözəmmirəm səndən ayrı həsrətə.
Özümü salmışam yaman əzyətə
Nə qədər gözəlsən, şirinsən, Vətən!
3 iyul 2009
Can borcum qalıb
Ey əcəl, canımı gəl alma belə
Mənim vətənimə can borcum qalıb.
Kiçik zaman verib bir insaf elə
Mənim vətənimə can borcum qalıb.
Qan töküb alıbsa o boyda yeri
Daha öz xoşuyla qaytarmaz geri.
Nə qədər mən sağam, nə qədər diri
Mənim vətənimə can borcum qalıb.
Yağılar bal çəkir dodaqlarına
Torpağı alıblar qucaqlarına.
Qaçqınsa həsrətdir ocaqlarına
Mənim vətənimə can borcum qalıb.
Babamdan almışdım yadigarımı
Ancaq qorumadım bəxtiyarımı.
Vətənlə itirdim ixtiyarımı
Mənim vətənimə can borcum qalıb.
Qarabağ "türk oğlu" deyə səslənir
"Ey Babək, Koroğlu" deyə səslənir.
O, "Mütaliboğlu" deyə səslənir
Mənim vətənimə can borcum qalıb.
30 iyun 2009
Elvin Mütaliboğlu.
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]