Bəzi istisnalar xaricində bütün kişilər bacarıqlı və analarının istədiyi kimi bir xanımla evlənmək istəyərlər. Ciddi düşünən və evliliyə hazır olan kişilərin həyatdan istədikləri, həqiqətən, bacarıqlı olan bir xanımla qarşılaşmaqdır. Bacarıqlı xanım siması deyə bir ifadəni çox eşitmisiniz. Bəs kimə görə, nəyə görə bacarıqlı bir xanım? Kişilərin bacarıqlı dedikdə nəzərdə tutduqları nədir? Məsələn, siz bacarıqlısınız? O halda kişilərin bacarıqlı xanım dedikləri kimlərdir, gəlin, tanış olaq.
Yeməyi ləzzəti olan xanımlar
Kişilərin hamısı üçün yemək əsasdır. Ləzzətli yeməyi qadınlardan daha çox sevirlər. Anasının hər zaman gözəl yemək bişirdiyini düşünən bəy yoldaşının da anası kimi gözəl yemək bişirməyini istəyər. Ləzzətin əllərdə olduğuna inanan kişilər bişirdiyi hər yeməyi mükəmməl olan xanımlara hörmət edər və onu evləniləcək qadın olaraq görərlər. Əgər siz də gözəl yemək bişirə bilirsinizsə, demək, digər xanımlardan bir addım öndəsiniz.
Cəld xanımlar
Günlük həyatda yavaş hərəkət etməyən, problemləri həmin anda həll edən, danışarkən mızmızlanmayan xanımlar kişilər üçün hər zaman daha bacarıqlıdır. Ailənizdə mütləq belə xanımlar vardır. Onlar cəld hərəkət edər, tənbəl deyil və əlini atdığı hər işi o saat həll edən xanımlardır və onlar üçün həmişə bu fikir deyilər: “onlar həll edər”.
Təmiz xanımlar
Təbii ki, xanımlar hər zaman təmiz və baxımlıdırlar. Ancaq evi, avtomobili, otağı təmiz olan xanımlar həmişə təqdir edilir. Mütləq diqqətinizi çəkmişdir; qarşı binadakı xanım daim paltar asır, pəncərə silirsə, ananız çox güman ki, “Bu qadın çox bacarıqlı, çox fərasətlidir. Maşallah heç dayanmır” deyir.
Uşaqları sevən xanımlar
Uşaqlara olan münasibətiniz, sevginiz sizin haqqınızda çox şey deyir. Əgər uşaqları sevir, onlarla maraqlanır, yeməyini yedirdir, geyindirir, vaxtında yatırdırsınız və çox gözəl tərbiyə verirsinizsə, demək, sizdən bacarıqlısı yoxdur.
Ev işi sevən xanımlar
Ev işləri bir çox qadınların qorxulu yuxusudur. Ev təmizliyi bir iş olaraq görüldüyü zaman istəksiz olaraq təmizləndiyi üçün mükəmməl olmur. Halbuki, ev işini sevən, evinin təmiz olmasından xoşlanan xanımlar hər zaman daha bacarıqlı hesab edilir. Mütləq bunun da şahidi olmusunuz: ananızla, atanızla bir evə getdiyiniz zaman o evdə təmizlik, səliqə, yeməklər sizin diqqətinizi çəkər və bunlara görə evin xanımı haqqında fikirlər yürüdərsiniz.
Qonaqpərvər xanımlar
Qonaq qəbul etməyi sevən, onlar üçün təmizlik edib min bir yemək bişirən xaımlar ailədə hər kəs tərəfindən olduqca bacarıqlı hesab edilir. Bir qonaqlığa getdiyiniz zaman evdəki xanımın qonaqpərvərliyi, səmimiliyi, təmizliyi sizə təsir edər və nə qədər bacarıqlı olduğunu düşünmənizə səbəb olar.
XƏBƏR LENTİ
- ŞƏRHLƏR