Tərkibi:
Toyuq döş əti-400 q
Göbələk-10 ədəd
Qaymaq- 4 x.q
Un-1 x.q
Holland pendiri-150 q
Şüyüd və ya cəfəri- 1 dəstə
Duz-istiot
Duru yağ- 1 x.q
Hazırlanması:
Göbələkləri yuyub ayaq hissələrini ayırmaq lazımdır.
Sonra göbələkləri bişirəcəyimiz qaba sıra ilə düzürük.
Toyuq filesini xırda-xırda doğrayıb tavada 5-10 dəqiqə müntəzəm qarışdırmaq şərti ilə bişiririk.
Sonra göbələyin ayaq hissələrini də xırda-xırda doğrayıb filenin üzərinə əlavə edirik və 5 dəqiqə birlikdə qovururuq. Qaymağın üzərinə un əlavə edib qarışdırırıq.
Sonra filenin üzərinə əlavə edirik.
Bu zaman odu zəif etmək lazımdır. 8-10 dəqiqə qarışdıraraq bişməyini gözləyirik. Bişdikdən sonra soyumasını gözləyirik.
Üzərinə zövqə görə şüyüd və ya xəfəri xırda-xırda doğrayıb əlavə edə bilərsiniz.
İçliyi göbələklərin içinə eyni qaydada qoyub üzərinə holland pendiri sürtkəcdən keçiririk.
180 dərəcədə 15-20 dəqiqə bişirmək lazımdır. Yeməyi soyuq halda vermək daha gözəl olar.
Nuş olsun!
XƏBƏR LENTİ
- ŞƏRHLƏR